മദീന: മസ്ജിദുന്നബവിയിലെത്തുന്ന സന്ദർശകരെ സ്വാഗതം ചെയ്യാൻ ഒരുക്കിയ 'സുഅദാഅ്' സംരംഭം ഇരുഹറം കാര്യാലയ മേധാവി ഡോ. അബ്ദുറഹ്മാൻ അൽസുദൈസ് ഉദ്ഘാടനം ചെയ്തു. കൗഡ് മാനേജ്മെൻറ് വിങ്ങാണ് ഈ സംരംഭം ആരംഭിച്ചത്. പ്രവാചക പള്ളിയിലെത്തുന്ന തീർഥാടകർക്ക് സേവനങ്ങൾ നൽകാനുള്ള ശ്രമങ്ങൾ വർധിപ്പിക്കണമെന്നും സേവനങ്ങൾ മികച്ചതാക്കണമെന്നും ഇരുഹറം കാര്യാലയ മേധാവി പറഞ്ഞു.
ഇങ്ങനെയൊരു സംരംഭം ആരംഭിച്ച ക്രൗഡ് മാനേജ്മെൻറിനെ അദ്ദേഹം പ്രശംസിച്ചു. ഉദ്ഘാടന ചടങ്ങിൽ ഭരണ, നിയമ, വികസനകാര്യങ്ങളുടെ ഒാഫിസ് മേധാവി ഡോ. നബീൽ ബിൻ മുഹമ്മദ് അൽ ലുഹൈദാൻ, എക്സിക്യൂട്ടിവ് ആൻഡ് ഫീൽഡ് അഫേയഴ്സ് അണ്ടർ സെക്രട്ടറി അബ്ദുൽ അസീസ് ബിൻ അലി അൽഅയ്യൂബി, ക്രൗഡ് മാനേജ്മെൻറ് അണ്ടർ സെക്രട്ടറി എൻജി. മുഹമ്മദ് ബിൻ അലി ഫഖീഹി, ക്രൗഡ് മാനേജ്മെൻറ് ഒാഫിസ് മേധാവി ഹാതിം ബിൻ സ്വാലിഹ് അൽഒൗഫ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.