ഗ്രേ​റ്റ്‌ ഇ​ന്ത്യ​ൻ സ​ൽ​മാ​ൻ അ​ലി ഷോ; സം​ഗീ​ത സാ​ഗ​ര​ത്തി​ല​ലി​ഞ്ഞു ചേ​ർ​ന്ന് റി​യാ​ദ് ന​ഗ​രി​യും ഇ​ന്ത്യ​ൻ സ​മൂ​ഹ​വും

റി​യാ​ദ്: ഇ​ന്ത്യ​ൻ സം​ഗീ​ത കു​ല​പ​തി​ക​ളി​ലൊ​രാ​ളാ​യ മു​ഹ​മ്മ​ദ്‌ റ​ഫി​യു​ടെ അ​ന​ശ്വ​ര സ്മ​ര​ണ​ക​ൾ​ക്ക് രാ​ഗ​സ്മൃ​തി​ക​ള​ർ​പ്പി​ച്ചു കൊ​ണ്ട് നാ​ന്ദി​കു​റി​ച്ച ‘ഗ്രേ​റ്റ്‌ ഇ​ന്ത്യ ഫെ​സ്റ്റ്’ സം​ഗീ​ത വി​രു​ന്ന് റി​യാ​ദി​ന്റെ സാം​സ്കാ​രി​ക പൈ​തൃ​ക​ത്തി​ന് പു​തി​യൊ​രാ​ധ്യാ​യം എ​ഴു​തി​ച്ചേ​ർ​ത്തു. പ്രേ​ക്ഷ​ക​ർ​ക്ക് സം​ഗീ​ത സ​മ്മാ​ന​മാ​യി ആ​ദ്യ​ഗാ​നം ‘പ്യാ​ർ കി ​തോ​ഫ ലാ​യീ ഹും’ ​കാ​തു​ക​ളി​ലേ​ക്ക് ഒ​ഴു​കി​യെ​ത്തി​യ​പ്പോ​ൾ ഗൃ​ഹ​തു​ര​ത്വ​വും കാ​ൽ​പ​നി​ക​വു​മാ​യ ഓ​ർ​മ​ക​ളി​ലേ​ക്ക് അ​വ​ർ ചി​റ​ക​ടി​ക്കു​ക​യാ​യി​രു​ന്നു.

റ​ഫി​യു​ടെ​യും കി​ഷോ​റി​ന്റെ​യും കു​ളി​രു​പെ​യ്യു​ന്ന പാ​ട്ടു​വ​ഴി​ക​ളി​ലൂ​ടെ നീ​ർ​ച്ചാ​ലു​ക​ളാ​യി കു​ഞ്ഞ​രു​വി​യാ​യി, സം​ഗീ​ത​ത്തി​ന്റെ മ​ഹാ​പ്ര​വാ​ഹ​മാ​യി ഇ​ന്ത്യ​ൻ സം​ഗീ​ത​മ​ഹോ​ത്സ​വം ജ​ന​ഹൃ​ദ​യ​ങ്ങ​ളി​ൽ ല​യി​ച്ചു​ചേ​ർ​ന്നു. റി​യാ​ദ് ഇ​ന്ന് വ​രെ കാ​ണാ​ത്ത പ്രൗ​ഢ​സ​ദ​സ്സി​ന് മു​ന്നി​ൽ ഇ​ന്ത്യ​ൻ സം​ഗീ​ത​ത്തി​ന്റെ​യും സം​സ്കാ​ര​ത്ത​നി​മ​യു​ടെ​യും വ​ലി​യൊ​രു കാ​ൻ​വാ​സ് വി​രി​യു​ക​യാ​യി​രു​ന്നു.

ഗ​ൾ​ഫ് മാ​ധ്യ​മ​ത്തി​ന്റെ ര​ജ​ത ജൂ​ബി​ലി​യോ​ട​നു​ബ​ന്ധി​ച്ച് സം​ഘ​ടി​പ്പി​ച്ച പ​രി​പാ​ടി​യി​ൽ ഇ​ന്ത്യ​ൻ അം​ബാ​സ​ഡ​ർ ഡോ.​സു​ഹൈ​ൽ അ​ജാ​സ് ഖാ​ൻ, ഡി.​സി.​എം അ​ബൂ മാ​ത്ത​ൻ ജോ​ർ​ജ്, ഗ​ൾ​ഫ് മാ​ധ്യ​മം ചീ​ഫ് എ​ഡി​റ്റ​ർ ഹം​സ അ​ബ്ബാ​സ്, ഇ​ന്ത്യ​ൻ സ്കൂ​ൾ പ്രി​ൻ​സി​പ്പ​ൽ മീ​ര റ​ഹ്മാ​ൻ, തു​ട​ങ്ങി ഇ​ന്ത്യ​ൻ എം​ബ​സി ഉ​ദ്യോ​ഗ​സ്ഥ​രും വ്യാ​പാ​ര, വ്യ​വ​സാ​യ രം​ഗ​ത്തെ പ്ര​മു​ഖ​രും പ്രാ​യോ​ജ​ക​രും ഇ​ന്ത്യ​ൻ സ​മൂ​ഹ​ത്തി​ന്റെ പ​രിഛേ​ദ​മാ​യി ആ​യി​ര​ക്ക​ണ​ക്കി​ന് പ്ര​വാ​സി ഇ​ന്ത്യ​ക്കാ​രും ച​രി​ത്ര​മു​ഹൂ​ർ​ത്ത​ത്തി​ന് സാ​ക്ഷി​ക​ളാ​യി.

സൗ​ര​വും ശേ​ഷം ര​ച​നാ ചോ​പ്ര​യും തു​ട​ക്ക​മി​ട്ട ‘താ​ൽ’ സം​ഗീ​ത സാ​യാ​ഹ്ന​ത്തി​ലേ​ക്ക് നാ​യ​ക പ​രി​വേ​ഷ​ത്തോ​ടെ ക​ട​ന്നു​വ​ന്ന സ​ൽ​മാ​ൻ അ​ലി​യെ ക​ര​ഘോ​ഷ​ത്തി​ന്റെ​യും ആ​ര​വ​ങ്ങ​ളു​ടെ​യും അ​ക​മ്പ​ടി​യോ​ടെ ജ​നം സ്വീ​ക​രി​ച്ചു. സു​ഖ് വീ​ന്ദ​ർ സി​ങ്, കൈ​ലാ​ഷ് ഖേ​ർ തു​ട​ങ്ങി ഉ​ദി​ത് നാ​രാ​യ​ണി​ന്റെ​യും കു​മാ​ർ സാ​നു​വി​ന്റെ​യും പാ​ട്ടു​ക​ൾ വ​രെ ഒ​ന്നി​ന് പി​റ​കെ മ​റ്റൊ​ന്നാ​യി പാ​ടി​ക്കൊ​ണ്ട് അ​ദ്ദേ​ഹം പ്രേ​ക്ഷ​രെ കൈ​യി​ലെ​ടു​ത്തു.

ഭ​ക്തി​യു​ടെ​യും വി​ര​ഹ​ത്തി​ന്റെ​യും സ​മ്മി​ശ്ര വി​കാ​ര​ങ്ങ​ൾ ധ്വ​നി​പ്പി​ക്കു​ന്ന നേ​ർ​ത്ത വി​ഷാ​ദ​ത്തി​ന്റെ നൂ​ലു​ക​ൾ കൊ​ണ്ട് നെ​യ്തെ​ടു​ത്ത സൂ​ഫി ഗാ​ന​ങ്ങ​ൾ പാ​ടി സ​ൽ​മാ​ൻ അ​ലി ‘ഗ്രേ​റ്റ് ഇ​ന്ത്യ ഫെ​സ്റ്റ്’ ന​ഗ​രി​യെ ആ​കാ​ശ നീ​ലി​മ​യി​ലേ​ക്ക് ന​യി​ച്ചു. യു​വ​ഗാ​യി​ക ഭൂ​മി​ക​യും സ​ൽ​മാ​നോ​ടൊ​പ്പം ചേ​ർ​ന്ന് യു​ഗ്മ​ഗാ​ന​ങ്ങ​ൾ ആ​ല​പി​ച്ചു.

ജ​ന​ഹൃ​ദ​യ​ങ്ങ​ളി​ലേ​ക്കി​റ​ങ്ങി ചെ​ന്ന സ​ൽ​മാ​നെ അ​ത്യാ​വേ​ശ​ത്തോ​ടെ​യാ​ണ് കു​ട്ടി​ക​ളും സ്ത്രീ​ക​ളു​മ​ട​ങ്ങി​യ ഇ​ന്ത്യ​ൻ സം​ഗീ​ത പ്രേ​മി​ക​ൾ വ​ല​യം ചെ​യ്ത​ത്. ഇ​ന്ത്യ​ൻ അം​ബാ​സ​ഡ​ർ ഡോ. ​സു​ഹൈ​ൽ അ​ജാ​സ് ഖാ​നും കു​ടും​ബ​വും കാ​ര​വ​നി​ലെ​ത്തി സ​ൽ​മാ​ൻ അ​ലി​യെ അ​ഭി​ന​ന്ദി​ക്കു​ക​യു​ണ്ടാ​യി.

മ​ല​യാ​ളി​യും ദു​ബൈ​യി​ൽ താ​മ​സ​ക്കാ​രി​യു​മാ​യ ല​ക്ഷ്മി ഷി​റി​ൻ അ​വ​താ​ര​ക​യാ​യി​രു​ന്നു. വി​വി​ധ ഭാ​ഷ​ക​ൾ അ​നാ​യാ​സേ​ന കൈ​കാ​ര്യം ചെ​യ്യു​ന്ന ഷി​റി​ൻ ഒ​രു ഗാ​യി​ക കൂ​ടി​യാ​ണ്.​പാ​ല​ക്കാ​ട്ടു​കാ​രി​യാ​യ ഷി​റി​ന്റെ ഭ​ർ​ത്താ​വ് കോ​യ​മ്പ​ത്തൂ​ർ സ്വ​ദേ​ശി​യാ​ണ്. ര​ണ്ട് മ​ക്ക​ളു​ണ്ട്.

‘ഗ​ൾ​ഫ് മാ​ധ്യ​മ’​ത്തി​ന് അ​നു​വ​ദി​ച്ച പ്ര​ത്യേ​ക ആ​ഭി​മു​ഖ​ത്തി​ൽ റി​യാ​ലി​റ്റി ഷോ ​പു​തി​യ ത​ല​മു​റ​യി​ലെ ഒ​ട്ടേ​റെ പ്ര​തി​ഭ​ക​ൾ​ക്ക് അ​വ​സ​രം ന​ൽ​കു​ന്നു​വെ​ന്ന​തും ഇ​ൻ​ഡ​സ്ട്രി​യി​ലേ​ക്ക് ക​ട​ന്നു​വ​രാ​നു​ള്ള വ​ഴി എ​ളു​പ്പ​മാ​ക്കു​ന്നു​വെ​ന്നും ഗാ​യ​ക​ൻ സ​ൽ​മാ​ൻ അ​ലി പ​റ​ഞ്ഞു.

എ​ന്നാ​ൽ മ​റ്റ് മാ​ർ​ഗ​ത്തി​ലൂ​ടെ സി​നി​മ, സം​ഗീ​ത മേ​ഖ​ല​യി​ൽ ശ്ര​ദ്ധി​ക്ക​പ്പെ​ടാ​നു​ള്ള യാ​ത്ര​ക​ൾ ദു​ഷ്ക​ര​വും അ​തി​ക​ഠി​ന​മാ​ണെ​ന്നും അ​ദ്ദേ​ഹം പ​റ​ഞ്ഞു. സൂ​ഫി സം​ഗീ​തം ത​ന്റെ ഇ​ഷ്ട​മേ​ഖ​ല​യാ​ണെ​ന്നും എ​ല്ലാ​റ്റി​ലു​മു​പ​രി ആ​ത്മ​സം​തൃ​പ്തി​യാ​ണ് ത​നി​ക്ക​തി​ലൂ​ടെ ല​ഭി​ക്കു​ന്ന​തെ​ന്നും കൂ​ട്ടി​ച്ചേ​ർ​ത്തു. റി​യാ​ദി​ലെ സ​ന്ദ​ർ​ശ​നം ഏ​റെ ആ​ഹ്ലാ​ദ​വും സ​ന്തോ​ഷ​വും ന​ൽ​കി​യെ​ന്നും അ​ദ്ദേ​ഹം പ​റ​ഞ്ഞു.