ജിദ്ദ ടീം ശറഫിയ സംഘടിപ്പിച്ച സെവൻസ് ഫുട്ബാൾ ടൂർണമെന്റിൽനിന്ന്
ജിദ്ദ: ടീം ശറഫിയ നടത്തുന്ന ഈത്താത്ത് ഡോട്ട്കോം സെവൻസ് ടൂർണമെന്റ് ഈത്താത്ത് ട്രാവൽസ് ഗ്രൂപ് മാനേജിങ് പാർട്ണർ റഫീഖ് നെല്ലാകണ്ടി ഉദ്‌ഘാടനം ചെയ്തു. സൈഫുദ്ദീൻ വാഴയിൽ അധ്യക്ഷത വഹിച്ചു. നിസാം പാപ്പറ്റ ആശംസ നേർന്നു റഫീഖ് നെല്ലേകണ്ടി, സഹീർ പുത്തൻ, അബു കട്ടുപ്പാറ, അബ്ദുൽ ഫത്തഹ്, ടീം സ്പോൺസർമാരായ ലത്തീഫ് കാപ്പുങ്ങൽ, മുഹമ്മദ്, ഷാജി എന്നിവർ കളിക്കാരുമായി പരിചയപ്പെട്ടു. ഉദ്ഘാടന മത്സരത്തിൽ എതിരില്ലാത്ത രണ്ടു ഗോളുകൾക്ക് ഖാലിദ് ബിൻ വലീദ് എഫ്.സിയെ പരാജയപ്പെടുത്തി ഗ്ലോബ് എഫ്.സി ജേതാക്കളായി. ഗ്ലോബ് എഫ്.സി താരം അബുവിനെ മികച്ച കളിക്കാരനായി തിരഞ്ഞെടുത്തു.
എച്ച്.എം.ആർ എഫ്.സിയും കെ. കൺഫേർട്ട് റെഡ്‌സി ബ്ലാസ്റ്റേഴ്‌സുമായി നടന്ന വാശിയേറിയ രണ്ടാം മത്സരത്തിൽ എച്ച്.എം.ആർ എഫ്.സി താരം അസ്‍ലമിന്റെ മികച്ച രണ്ടു ഗോളുകളുമായി ടീം വിജയിച്ചു. അസ്‍ലമിനെ മികച്ച കളിക്കാരനായി തിരഞ്ഞെടുത്തു.
മികച്ച കളിക്കാർക്കുള്ള സമ്മാനങ്ങൾ സലീം മമ്പാട്, അൻവർ കരിപ്പ, നിസാം പാപ്പറ്റ എന്നിവർ നൽകി. കൂപ്പൺ നറുക്കെടുപ്പിൽ സാൻഫോർഡ് നൽകുന്ന സമ്മാനം നൗഫൽ ഒറവുംപുറത്ത് സമ്മാനിച്ചു. ടൂർണമെന്റിൽ അടുത്ത വെള്ളിയാഴ്ച റോയൽ ട്രാവൽസ് എഫ്.സി മക്ക എഫ്.സിയുമായും ബാഹി ബർഗർ എഫ്.സി, അൽറായ് വാട്ടർ എഫ്.സിയുമായും മാറ്റുരക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.