ടിക് ടോക് ചങ്ക്സ് ഗ്രാന്ഡ് മ്യൂസിക്കല് നൈറ്റ് സംഘാടകർ വാർത്താസമ്മേളനത്തിൽ
റിയാദ്: പ്രവാസി കലാകാരന്മാരുടെ ടിക് ടോക് കൂട്ടായ്മയായ 'റിയാദ് ടിക് ടോക് ചങ്ക്സ്' സംഘടിപ്പിക്കുന്ന ഗ്രാന്ഡ് മ്യൂസിക്കല് നൈറ്റ് സീസണ് രണ്ട് പരിപാടി വെള്ളിയാഴ്ച നടക്കും. സംഗീത സംവിധായകനും ഗായകനുമായ ഡി.ജെ മിക്സറും അഭിേനതാവുമായ സത്യജിത് സെഡ് ബുൾ നയിക്കുന്ന പരിപാടിയില് നൂറോളം കലാകാന്മാര് പങ്കെടുക്കുമെന്ന് വാര്ത്താസമ്മേളനത്തില് ഭാരവാഹികള് പറഞ്ഞു.
റിയാദിലെ എക്സിറ്റ് 30ലെ ഓഡിറ്റോറിയത്തിൽ വെള്ളിയാഴ്ച വൈകീട്ട് നാല് മുതലാണ് പരിപാടി നടക്കുക. ഒരു വര്ഷം മുമ്പാണ് സൗദിയിലെ കലാകാരന്മാര് ഒത്തുചേര്ന്ന് ടിക് ടോക് കൂട്ടായ്മ രൂപവത്കരിച്ചതെന്ന് ഭാരവാഹികൾ പറഞ്ഞു. മൂന്ന് മാസം മുമ്പ് മ്യൂസിക്കല് നൈറ്റ് സീസണ് ഒന്ന് സംഘടിപ്പിച്ചിരുന്നു. വലിയ ജനപങ്കാളിത്തമാണ് അതിനുണ്ടായത്.
ഗ്രാന്ഡ് മ്യൂസിക്കല് നൈറ്റ് സീസണ് രണ്ട് പരിപാടിയുടെ പോസ്റ്റർ പ്രകാശനം ചെയ്യുന്നു
വളർന്നുവരുന്ന കലാകാരന്മാരെ കണ്ടെത്തി അവര്ക്ക് വേണ്ട പ്രോത്സാഹനം നടത്തുകയും കഴിയുന്നത്ര ജീവകാരുണ്യ പ്രവര്ത്തനങ്ങളുമായി മുന്നോട്ട് പോകുക എന്നതാണ് സംഘടനയുടെ ലക്ഷ്യമെന്നും ഭാരവാഹികള് പറഞ്ഞു. കാലവിരുന്നിനൊപ്പം നടക്കുന്ന സാംസ്കാരിക സമ്മേളനത്തില് ടി.വി.എസ്. സലാം വിശിഷ്ടാതിഥിയായിരിക്കും.
പരിപാടിയുടെ ലോഗോ പ്രകാശനം ടി.വി. സലാം നിർവഹിച്ചു. വാര്ത്താസമ്മേളനത്തില് കൂട്ടായ്മ പ്രസിഡൻറ് ബിനീഷ്, സെക്രട്ടറി സജി ബഷീർ, ട്രഷറര് നൗഷാദ് സിറ്റിഫ്ലവർ, വൈസ് പ്രിസിഡൻറ് കണ്ണൻ, കോഓഡിനേറ്റർ ഉമർ ഫാറൂഖ്, പ്രോഗ്രാം കോഓഡിനേറ്റർ സജീർ, അനു, വനിതാവിഭാഗം കോഓഡിനേറ്റർ ശബാന അൻഷാദ് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.