സുരേന്ദ്രസിങ് ദാമി
അൽഅഹ്സ: ഉത്തരാഖണ്ഡ് സ്വദേശി സുരേന്ദ്രസിങ് ദാമി (44) വാഹനാപകടത്തിൽ മരിച്ചു. അൽഅഹ്സ -ഷെഡ്ഗം റോഡിലൂടെ ജോലിയാവശ്യാർഥം സഹപ്രവർത്തകനായ സുഡാനി പൗരനോടൊപ്പം ടൊയോട്ട പിക്-അപ് വാനിൽ യാത്ര ചെയ്യുമ്പോൾ എതിർദിശയിൽ വന്ന ടാങ്കർ ലോറിയുമായി കൂട്ടിയിടിക്കുകയായിരുന്നു.
വാഹനം ഓടിച്ചിരുന്ന സുഡാൻ പൗരനും കൂടെയുണ്ടായിരുന്ന രണ്ട് പാകിസ്താനികൾക്കും ഗുരുതരമായി പരിക്കേറ്റു. ജുബൈലിലെ കമ്പനിയിൽ പൈപ്പ് ഇൻസുലേഷൻ തൊഴിലാളിയായിരുന്നു സുരേന്ദ്രസിങ്. മൃതദേഹം അൽ അയൂൻ ജനറൽ ആശുപത്രി മോർച്ചറിയിൽ. ഔദ്യോഗിക നടപടികൾ പുരോഗമിക്കുകയാണെന്ന് നടപടികൾക്ക് നേതൃത്വം നൽകുന്ന പ്രവാസി വെൽഫെയർ ജനസേവന വിഭാഗം കൺവീനർ സലിം ആലപ്പുഴ അറിയിച്ചു. പിതാവ്: ദൗലത് സിങ് ദാമി, മാതാവ്: ദാവികി ദേവി, ഭാര്യ: കൽപന ദേവി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.