സ്വ​പ്​​നം യാ​ഥാ​ർ​ഥ്യ​മാ​ക്കാ​ൻ ഞ​ങ്ങ​ൾ അ​ക്ഷീ​ണം പ്ര​വ​ർ​ത്തി​ക്കും -കാ​യി​ക മ​ന്ത്രി

റി​യാ​ദ്​: നോ​മി​നേ​ഷ​ൻ ഫ​യ​ലി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന കൃ​ത്യ​വും വി​ശ​ദ​വു​മാ​യ പ്ലാ​നു​ക​ൾ അ​നു​സ​രി​ച്ച് ഫി​ഫ ലോ​ക​ക​പ്പി​ന്​ ആ​തി​ഥേ​യ​ത്വം വ​ഹി​ക്കു​ക എ​ന്ന രാ​ജ്യ​ത്തി​​​​ന്റെ സ്വ​പ്നം യാ​ഥാ​ർ​ഥ്യ​മാ​ക്കി മാ​റ്റാ​ൻ ഞ​ങ്ങ​ൾ എ​ല്ലാ​വ​രും ഒ​റ്റ​ക്കെ​ട്ടാ​യി അ​ക്ഷീ​ണം പ്ര​വ​ർ​ത്തി​ക്കു​മെ​ന്ന്​ കാ​യി​ക മ​ന്ത്രി​യും സൗ​ദി ഒ​ളി​മ്പി​ക്, പാ​രാ​ലി​മ്പി​ക് ക​മ്മി​റ്റി ചെ​യ​ർ​മാ​നു​മാ​യ അ​മീ​ർ അ​ബ്​​ദു​ൽ അ​സീ​സ് ബി​ൻ തു​ർ​ക്കി ബി​ൻ ഫൈ​സ​ൽ പ​റ​ഞ്ഞു.

ലോ​ക​ക​പ്പി​ന്​ ആ​തി​ഥേ​യ​ത്വം വ​ഹി​ക്കാ​ൻ സ​മ​ർ​പ്പി​ച്ച സൗ​ദി ഫ​യ​ലി​​ന്റെ വി​ശ​ദാം​ശ​ങ്ങ​ൾ ഫി​ഫ വെ​ളി​പ്പെ​ടു​ത്തി​യ അ​വ​സ​ര​ത്തി​ലാ​ണ്​ കാ​യി​ക മ​ന്ത്രി ഇ​ക്കാ​ര്യം പ​റ​ഞ്ഞ​ത്. 2034 ലോ​ക​ക​പ്പി​ന് ആ​തി​ഥേ​യ​ത്വം വ​ഹി​ക്കാ​നു​ള്ള സൗ​ദി അ​റേ​ബ്യ​യു​ടെ ശ്ര​മ​ത്തി​ന് ന​ൽ​കു​ന്ന പ്ര​ത്യേ​ക ശ്ര​ദ്ധ​ക്കും മി​ക​ച്ച പി​ന്തു​ണ​ക്കും സ​ൽ​മാ​ൻ രാ​ജാ​വി​നും കി​രീ​ടാ​വ​കാ​ശി​ക്കും കാ​യി​ക​മ​ന്ത്രി ന​ന്ദി പ​റ​ഞ്ഞു.

ലോ​ക​ക​പ്പ്​ ന​മ്മു​ടെ പു​രാ​ത​ന ഫു​ട്ബാ​ൾ പൈ​തൃ​ക​വും ഗെ​യി​മി​നോ​ടു​ള്ള ന​മ്മു​ടെ വ​ലി​യ അ​ഭി​നി​വേ​ശ​വും സ​മ​ന്വ​യി​പ്പി​ക്കു​ന്ന​താ​യി​രി​ക്കും. ലോ​ക​ത്തി​ലെ എ​ല്ലാ ഭൂ​ഖ​ണ്ഡ​ങ്ങ​ളി​ൽ നി​ന്നു​മു​ള്ള 48 ടീ​മു​ക​ളെ​യും എ​ത്തി​ച്ച്​ ഏ​റ്റ​വും മി​ക​ച്ച നി​ല​യി​ൽ അ​സാ​ധാ​ര​ണ​മാ​യ ഒ​രു ടൂ​ർ​ണ​മെൻറ്​ ഞ​ങ്ങ​ൾ അ​വ​ത​രി​പ്പി​ക്കു​മെ​ന്നും കാ​യി​ക മ​ന്ത്രി പ​റ​ഞ്ഞു.