ദുബൈ: ശൈഖ് മുഹമ്മദ് ബിൻ സായിദ് റോഡിലുണ്ടായ വാഹനാപകടത്തെ തുടർന്ന് ഗതാഗത തടസ്സം നേരിട്ടതായി ദുബൈ പൊലീസ്. ഞായറാഴ്ച വൈകീട്ടാണ് ഗ്ലോബൽ വില്ലേജിന് എതിർവശത്തായി വാഹനങ്ങൾ അപകടത്തിൽപെട്ടത്. തുടർന്നാണ് ഗതാഗത തടസ്സമുണ്ടായത്. ദുബൈ പൊലീസ് സ്ഥലത്തെത്തി വാഹനങ്ങൾ നീക്കംചെയ്തശേഷമാണ് ഗതാഗതം പുനഃസ്ഥാപിച്ചത്.
ഡ്രൈവർമാർ കൂടുതൽ ജാഗ്രത പുലർത്തണമെന്ന് പൊലീസ് മുന്നറിയിപ്പ് നൽകി. സിഗ്നലുകളും നിർദേശങ്ങളും പാലിക്കാതെ വാഹനം ഓടിക്കുന്നതുമൂലമാണ് കൂടുതൽ വാഹനങ്ങളും അപകടത്തിൽപെടുന്നതെന്നും പൊലീസ് എക്സിൽ കുറിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.