അജ്മാന്: വിനോദ സഞ്ചാര വികസന വകുപ്പിന്‍റെ ആഭിമുഖ്യത്തില്‍ നടക്കുന്ന അജ്മാൻ ഹാഫ് മാരത്തൺ ഞായറാഴ്ച നടക്കും. രാവിലെ ആറു മുതല്‍ എട്ടു വരെ അജ്മാനിലെ അൽ സഫിയ പാർക്കിനോടനുബന്ധിച്ചാണ് പരിപാടി അരങ്ങേറുന്നത്.
എമിറേറ്റിലെ ഏറ്റവും പ്രധാനപ്പെട്ടതും വലുതുമായ വാർഷിക സ്‌പോർട്‌സ് ഇവന്റുകളിലൊന്നായി അംഗീകരിക്കപ്പെട്ട മാരത്തണിൽ 21.1 കിലോമീറ്റർ ദൈർഘ്യമുള്ളതും എല്ലാ പ്രായത്തിലുമുള്ളവർക്കും പങ്കെടുക്കാൻ കഴിയുന്ന 10 കിലോമീറ്റർ, 5 കിലോമീറ്റർ, 2.6 കിലോമീറ്റർ എന്നിങ്ങനെ മൂന്ന് മത്സരങ്ങളാണ് അരങ്ങേറുക.
ആകെ 24,000 ദിർഹമിന്‍റെ സമ്മാനത്തുകയുള്ള ഈ ഹാഫ് മാരത്തൺ, പുരുഷന്മാർക്കും സ്ത്രീകൾക്കും ഒരു ഓപൺ വിഭാഗം, ഇമാറാത്തി വിഭാഗം എന്നിവ ഉൾപ്പെടുന്നു. ഹാഫ് മാരത്തണിന്‍റെ ഭാഗമായി അല്‍ സഫിയ സ്ട്രീറ്റില്‍ ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്. പൊതുജനങ്ങള്‍ മറ്റുവഴികള്‍ ഉപയോഗപ്പെടുത്തണമെന്ന് അധികൃതര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.