മ​രു​ഭൂ​മി​ക്ക് മ​ഞ്ഞു​ട​യാ​ട​യു​മാ​യി ശ​ര​ത്കാ​ലം; ത​മ്പ​ടി​ക്കും കാ​ലം ഇ​ല​പൊ​ഴി​യും

ഷാ​ർ​ജ: കൊ​ടും​വേ​ന​ലി​ൽ​നി​ന്ന് രാ​ജ്യ​ത്തെ ത​ണു​പ്പി​ലേ​ക്ക് കൊ​ണ്ടു​പോ​കാ​ൻ ശ​ര​ത്കാ​ല​മെ​ത്തി. അ​ല​സി​പ്പൂ​മ​ര​ങ്ങ​ൾ ഇ​ല​പൊ​ഴി​ച്ചും ഗാ​ഫ് മ​ര​ങ്ങ​ൾ മു​ടി അ​ഴി​ച്ചും മ​രു​ഭൂ​മി മ​ഞ്ഞു​ട​യാ​ട ചു​റ്റി​യും ശ​ര​ത്​ കാ​ല​ത്തെ സ​ൽ​ക്ക​രി​ക്കാ​ൻ ത​യാ​റാ​യി. മ​രു​ഭൂ​മി​യും മ​സ​റ​ക​ളും ത​മ്പി​നു​ള്ളി​ൽ ആ​ഹ്ലാ​ദി​ക്കാ​നും ക​മ്പി​ൽ കോ​ർ​ത്ത് ഇ​റ​ച്ചി ചു​ടാ​നും രാ​വി​നെ പ​ക​ലാ​ക്കു​ന്ന കാ​ലം കൂ​ടി​യാ​ണി​ത്.

സ്വ​ദേ​ശി​ക​ൾ ആ​ഡം​ബ​ര വീ​ടു​ക​ൾ വി​ട്ട് മ​രു​ഭൂ​മി​യു​ടെ ആ​ഴ​ങ്ങ​ളി​ലേ​ക്ക് പൈ​തൃ​ക​ത്തി​െൻറ ര​സ​ത​ന്ത്രം ചി​ക​ഞ്ഞി​റ​ങ്ങും. ഗാ​ഫി​നെ മേ​ൽ​ക്കൂ​ര​യാ​ക്കി കൂ​ടാ​ര​ങ്ങ​ൾ പ​ണി​യും. ബ​ദു​ക്ക​ൾ വ​ള​ർ​ത്തു​മൃ​ഗ​ങ്ങ​ളു​മാ​യാ​ണ് മ​രു​ഭൂ​മി​യി​ൽ രാ​പ്പാ​ർ​ക്കാ​നെ​ത്തു​ക. ക്ഷീ​ര, കാ​ർ​ഷി​ക മേ​ഖ​ല​യെ അ​ക​റ്റി​നി​ർ​ത്തി ത​നി​ച്ച് സ​ഞ്ച​രി​ക്കാ​ൻ ബ​ദു​ക്ക​ൾ​ക്കാ​വി​ല്ല. സ​ന്ധ്യ മ​യ​ങ്ങു​ന്ന​തോ​ടെ മ​ഞ്ഞ​ല​ക​ൾ കു​ളി​രു കോ​രാ​ൻ തു​ട​ങ്ങും.

ഹ​ജ​ർ പ​ർ​വ​ത​നി​ര​ക​ൾ ഉ​ൾ​പ്പെ​ടെ​യു​ള്ള ഉ​യ​ര​ങ്ങ​ളെ​ല്ലാം മ​ഞ്ഞി​ൽ മ​റ​യും. പു​ക​പ​ട​ല​ങ്ങ​ൾ വി​ഴു​ങ്ങി​യ പാ​ത​ക​ളി​ലൂ​ടെ നീ​ങ്ങാ​നാ​കാ​തെ വാ​ഹ​ന​ങ്ങ​ൾ കി​ത​ക്കും. അ​മി​ത വേ​ഗം മാ​ത്രം ശീ​ലി​ച്ച യാ​ത്ര​ക്കാ​ർ മി​ത​മാ​യ വേ​ഗ​ത്തി​െൻറ സു​ഖ​മ​റി​യും. ക​ട​ലി​െൻറ നീ​ലി​മ​യും തി​ര​ക​ളു​ടെ ധ​വ​ളി​മ​യും മ​ഞ്ഞി​ല​ലി​യും. ഖ​രീ​ഫ് വി​ള​ക​ൾ കൊ​യ്ത്ത​രി​വാ​ളി​െൻറ പാ​ട്ടി​ന് കാ​തോ​ർ​ക്കും. പ​ക്ഷി​ക​ളു​ടെ പാ​ട്ടും മൃ​ഗ​ങ്ങ​ളു​ടെ കൊ​ട്ടും മ​ഞ്ഞി​നു​ള്ളി​ൽ നി​ന്നു ത​ല പു​റ​ത്തേ​ക്കി​ട്ട് നോ​ക്കും.

യാ​ത്ര​ക്കാ​ർ ജാ​ഗ്ര​ത പാ​ലി​ക്ക​ണം

ശ​ര​ത്കാ​ലം ആ​സ്വാ​ദ്യ​ക​ര​വും അ​നു​ഭൂ​തി നി​റ​ഞ്ഞ​തു​മാ​ണെ​ന്ന കാ​ര്യ​ത്തി​ൽ ത​ർ​ക്ക​മി​ല്ലെ​ങ്കി​ലും യാ​ത്ര​ക്കാ​ർ ഏ​റെ ജാ​ഗ്ര​ത പാ​ലി​ക്കേ​ണ്ട കാ​ല​മാ​ണ്. സ​ന്ധ്യ മു​ത​ൽ പു​ല​രി വ​രെ റോ​ഡു​ക​ളെ മ​ഞ്ഞു​പ​ട​ല​ങ്ങ​ൾ പു​ക​യാ​യി വ​ന്ന് വീ​ഴു​ങ്ങി​ക്ക​ള​യും. നി​ര​വ​ധി അ​പ​ക​ട​ങ്ങ​ൾ​ക്കാ​ണ് ശ​ര​ത്കാ​ലം സാ​ക്ഷ്യം വ​ഹി​ച്ചി​ട്ടു​ള്ള​ത്.

ദു​ബൈ, അ​ബൂ​ദ​ബി അ​തി​ർ​ത്തി​യി​ലെ ഗാ​ൻ​തൂ​ത് മേ​ഖ​ല​യി​ൽ പോ​യ ശ​ര​ത്കാ​ല​ങ്ങ​ളി​ൽ ന​ട​ന്ന വാ​ഹ​ന അ​പ​ക​ട​ങ്ങ​ളി​ൽ അ​ന​വ​ധി വാ​ഹ​ന​ങ്ങ​ൾ ത​ക​രു​ക​യും നി​ര​വ​ധി പേ​ർ​ക്ക് പ​രി​ക്കേ​ൽ​ക്കി​യും ചെ​യ്തി​രു​ന്നു.

ഒ​ന്നി​നു പി​റ​കി​ൽ ഒ​ന്നാ​യി വാ​ഹ​ന​ങ്ങ​ൾ വ​ന്നി​ടി​ച്ച് മ​റി​ഞ്ഞ് നി​ര​വ​ധി പേ​ർ മ​രി​ക്കു​ക​യും ചെ​യ്തി​രു​ന്നു. യു.​എ.​ഇ​യി​ലെ ഒ​ട്ടു​മി​ക്ക ദീ​ർ​ഘ​ദൂ​ര റോ​ഡു​ക​ളും ക​ട​ന്നു​പോ​കു​ന്ന​ത് മ​രു​ഭൂ​മി​യു​ടെ വി​ജ​ന​ത​യി​ലൂ​ടെ​യാ​ണ്. അ​തു​കൊ​ണ്ടു​ത​ന്നെ രാ​ത്രി​കാ​ല​ങ്ങ​ളി​ലും പു​ല​ർ​ച്ച​യും യാ​ത്ര ചെ​യ്യു​ന്ന​വ​ർ ജാ​ഗ്ര​ത പാ​ലി​ക്ക​ണം. കോ​വി​ഡ് നി​യ​മ​ങ്ങ​ൾ കൃ​ത്യ​മാ​യി പാ​ലി​ച്ചു​വേ​ണം പു​റ​ത്തി​റ​ങ്ങാ​ൻ.