അബൂദബി കെ.എം.സി.സി അഴീക്കോട് മണ്ഡലം സോക്കര്‍
ചാമ്പ്യന്‍സ് സീസണ്‍ 2 ലോഗോ പ്രകാശനം മുസ്‍ലിം ലീഗ്
സംസ്ഥാന സെക്രട്ടറി കെ.എം. ഷാജി നിർവഹിക്കുന്നു
അബൂദബി: അബൂദബി കെ.എം.സി.സി അഴീക്കോട് മണ്ഡലം കമ്മിറ്റിയുടെ കായിക വിഭാഗം സ്‌പോര്‍ട്ടിങ് അഴീക്കോട് ദഹര്‍ ടൂര്‍സിന്‍റെ സഹകരണത്തോടെ സംഘടിപ്പിക്കുന്ന അഴീക്കോട് സോക്കര്‍ ചാമ്പ്യന്‍സ് സീസണ്‍ 2 നവംബര്‍ 16ന് അബൂദബി 321 സ്‌പോര്‍ട്‌സ് സ്റ്റേഡിയം ഹുദൈരിയാത്തില്‍ നടക്കും.
യു.എ.ഇയിലെ 16 ടീമുകള്‍ മാറ്റുരക്കുന്ന ഫുട്‌ബാള്‍ ടൂര്‍ണമെന്‍റിനു പുറമെ അണ്ടര്‍ 14 ഫുട്‌ബാള്‍ മത്സരം, പുഡ്ഡിങ് കോമ്പറ്റീഷന്‍, കാലിഗ്രഫി, ക്വിസ് മത്സരങ്ങള്‍ തുടങ്ങിയവയും ഒരുക്കുന്നുണ്ട്. പരിപാടിയുടെ ലോഗോ പ്രകാശനം അബൂദബി ഇസ് ലാമിക് സെന്‍ററില്‍ മുസ് ലിം ലീഗ് സംസ്ഥാന സെക്രട്ടറി കെ.എം. ഷാജി നിര്‍വഹിച്ചു.
അബൂദബി കെ.എം.സി.സി സംസ്ഥാന സെക്രട്ടറി ഇ.ടി. മുഹമ്മദ് സുനീര്‍, ജില്ല സെക്രട്ടറി കെ.എം. ആഷിഖ്, മണ്ഡലം നേതാക്കളായ സക്കീര്‍ കൈപ്രത്ത്, സവാദ് നാറാത്ത്, ഫാറൂഖ് പുഴാതി, സി.എച്ച്. മുഹമ്മദലി, എം.കെ. ഹാരിഫ്, എം.കെ.പി. സജീര്‍, എം.വി. അബ്ദുല്ല, സി.ബി. റാസിക്, നൗഷാദ് കുട്ടി, സുഹൈല്‍ കല്ലയ്ക്കല്‍, ഇബ്രാഹിം വളപട്ടണം, ജാസിബ് അലവില്‍, ശംസു പുഴാതി തുടങ്ങിയവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.