ഭ​ര​ത് മു​ര​ളി നാ​ട​കോ​ത്സ​വം: സോ​ർ​ബ​യു​ടെ ക​ഥ പ​റ​ഞ്ഞ് ആ​ദ്യ നാ​ട​കം

അ​ബൂ​ദ​ബി: കേ​ര​ള സോ​ഷ്യ​ൽ സെ​ന്‍റ​ർ പ​ന്ത്ര​ണ്ടാ​മ​ത് ഭ​ര​ത് മു​ര​ളി നാ​ട​കോ​ത്സ​വ​ത്തി​ന്‍റെ ആ​ദ്യ​ദി​നം ക്രി​യേ​റ്റി​വ് ക്ലൗ​ഡ് യു.​എ.​ഇ- അ​ലൈ​ൻ അ​വ​ത​രി​പ്പി​ച്ച ‘സോ​ർ​ബ’ ശ്ര​ദ്ധേ​യ​മാ​യി. ഗ്രീ​ക് നോ​വ​ലി​സ്റ്റാ​യി​രു​ന്ന നി​ക്കോ​സ് ക​സാ​ൻ​ദ് സാ​ക്കീ​സി​ന്‍റെ സോ​ർ​ബ ദി ​ഗ്രീ​ക് എ​ന്ന നോ​വ​ലി​ന്‍റെ സ്വ​ത​ന്ത്ര നാ​ട​കാ​വി​ഷ്കാ​ര​മാ​ണ് അ​വ​ത​രി​പ്പി​ച്ച​ത്.

യു.​എ.​ഇ​യി​ലെ നാ​ട​ക​പ്ര​വ​ർ​ത്ത​ക​ൻ സാ​ജി​ദ് കൊ​ടി​ഞ്ഞി​യാ​ണ് ര​ച​ന​യും സം​വി​ധാ​ന​വും. ജീ​വി​ത​ത്തെ അ​ത്ര​മേ​ൽ പ്ര​ണ​യി​ക്കു​ന്ന സോ​ർ​ബ​യു​ടെ​യും നാ​മ​ധേ​യ​മി​ല്ലാ​ത്ത, പു​സ്ത​ക​പ്പു​ഴു​വാ​യ ആ​ഖ്യാ​താ​വി​ന്‍റെ​യും ക്രീ​റ്റ് എ​ന്ന സ്ഥ​ല​ത്തെ ഖ​നി​യി​ലേ​ക്കു​ള്ള യാ​ത്ര​യു​ടെ മ​നോ​ഹ​ര​മാ​യ ക​ഥ​യാ​ണ് നി​ക്കോ​സ് ക​സാ​ന്‍‌​ദ് സാ​ക്കീ​സി​ന്‍റെ ലോ​ക ക്ലാ​സി​ക്കു​ക​ളി​ൽ ഒ​ന്നാ​യ ‘സോ​ർ​ബ ദി ​ഗ്രീ​ക്’. ബൃ​ഹ​ത്താ​യ നോ​വ​ലി​ന്‍റെ ചെ​റി​യൊ​രു ഭാ​ഗം മാ​ത്ര​മാ​ണ് നാ​ട​ക​ത്തി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. ജീ​വി​തം സ്വാ​ത​ന്ത്ര്യ​മാ​ണെ​ന്ന് വി​ശ്വ​സി​ക്കു​ന്ന ഒ​രു ക​ഥാ​പാ​ത്ര​മാ​ണ് സോ​ര്‍ബ.

സോ​ര്‍ബ​യി​ല്‍ എ​ല്ലാ​കാ​ല​ത്തും ജീ​വി​ക്കു​ന്ന മ​നു​ഷ്യ​നും മ​നു​ഷ്യ​ത്വ​വു​മു​ണ്ട്. ഒ​രു വ്യ​ക്തി ജീ​വി​തം പൂ​ർ​ണ​മാ​യി ജീ​വി​ക്ക​ണം എ​ന്ന ആ​ശ​യ​മാ​ണ് നാ​ട​കം മു​ന്നോ​ട്ടു​വെ​ക്കു​ന്ന​ത്. സോ​ർ​ബ എ​ന്ന ക​ഥാ​പാ​ത്ര​ത്തി​ന്‍റെ ചി​ത്രീ​ക​ര​ണ​ത്തി​ലൂ​ടെ, വ​ർ​ത്ത​മാ​ന നി​മി​ഷ​ത്തി​ൽ ജീ​വി​ക്കേ​ണ്ട​ത് എ​ത്ര അ​നി​വാ​ര്യ​മാ​ണെ​ന്ന് നാ​ട​കം വി​ശ​ദീ​ക​രി​ക്കു​ന്നു.

ഓ​രോ വ്യ​ക്തി​യും സ്വ​യം ഉ​ള്ളി​ലേ​ക്കു നോ​ക്കാ​നും ആ​ന​ന്ദ​മെ​ന്ന ല​ഹ​രി ക​ണ്ടെ​ത്താ​നും ശ്ര​മി​ക്ക​ണ​മെ​ന്ന വ​ലി​യ പാ​ഠം സോ​ർ​ബ കാ​ട്ടി​ത്ത​രു​ന്നു. സാ​ജി​ദ് കൊ​ടി​ഞ്ഞി, സ​ലിം ഹ​നീ​ഫ, ശ്രീ​ജ ശ്രീ​നി​വാ​സ്, ദ​ർ​ശ​ന ദാ​മോ​ദ​ര​ൻ, സി​ന്ധു ഷൈ​ജു, ഫ​സ​ലു ബാ​ബു, മി​റാ​സ് കാ​സിം, രാ​ജ് മ​രം​പു​ടി, സി​റാ​സ്‌, അ​ഷ്‌​റ​ഫ് ആ​ലം​കോ​ട് എ​ന്നി​വ​രാ​ണ് വി​വി​ധ ക​ഥാ​പാ​ത്ര​ങ്ങ​ൾ​ക്ക് ജീ​വ​ൻ ന​ൽ​കി​യ​ത്. ര​ഞ്ജി​ത്ത് (സം​ഗീ​തം), അ​നൂ​പ് (വെ​ളി​ച്ച​വി​താ​നം), ഹ​നീ​ഷ് (രം​ഗ സ​ജ്ജീ​ക​ര​ണം), അ​നു (ച​മ​യം) എ​ന്നി​വ​ർ വി​വി​ധ വി​ഭാ​ഗ​ങ്ങ​ൾ കൈ​കാ​ര്യം​ചെ​യ്തു.

നാ​ട​കോ​ത്സ​വ​ത്തി​ന്‍റെ ര​ണ്ടാം ദി​ന​മാ​യ ഡി​സം​ബ​ർ 30 ശ​നി​യാ​ഴ്ച രാ​ത്രി 8.30ന് ​അ​ജ​യ് അ​ന്നൂ​രി​ന്‍റെ സം​വി​ധാ​ന​ത്തി​ൽ അ​ൽ​ഖൂ​സ് തി​യ​റ്റ​ർ ദു​ബൈ എ​ഴു​ത്തു​കാ​രി​യും സാ​മൂ​ഹി​ക പ്ര​വ​ർ​ത്ത​ക​യു​മാ​യ സു​ധ മേ​നോ​ന്‍റെ ‘ച​രി​ത്രം അ​ദൃ​ശ്യ​മാ​ക്കി​യ മു​റി​വു​ക​ൾ’ എ​ന്ന സ​മാ​ഹാ​ര​ത്തി​ലെ മീ​ൻ പാ​ടും തേ​ൻ രാ​ജ്യം എ​ന്ന അ​ധ്യാ​യ​ത്തി​ലെ ജീ​വ​ല​ത​യു​ടെ അ​നു​ഭ​വ​സാ​ക്ഷ്യ​ത്തി​ന്‍റെ നാ​ട​കാ​വി​ഷ്കാ​ര​മാ​യ ‘ജീ​വ​ല​ത’ അ​വ​ത​രി​പ്പി​ക്കും.