ദുബൈ: ഡി.പി വേൾഡ് ഇന്‍റർനാഷനൽ ലീഗ് ടി20 സീസൺ 3 അടുത്ത വർഷം ജനുവരി 11ന് ദുബൈയിൽ ആരംഭിക്കും. 34 മത്സരങ്ങൾ അടങ്ങുന്ന ടൂർണമെന്‍റിൽ പ്രമുഖ രാജ്യാന്തര, അന്താരാഷ്ട്ര ക്രിക്കറ്റ് താരങ്ങൾ പങ്കെടുക്കും. 2025 ഫെബ്രുവരി ഒമ്പതിനാണ് ഫൈനൽ മത്സരം. ദുബൈ, അബൂദബി, ഷാർജ എന്നിവിടങ്ങളിലായാണ് മത്സരങ്ങൾ. ടൂർണമെന്‍റിനായുള്ള തയാറെടുപ്പുകൾ ആരംഭിച്ചതായി ഡി.പി വേൾഡ് ഐ.എൽ.ടി 20 സി.ഇ.ഒ ഡേവിഡ് വൈറ്റ് വാർത്തക്കുറിപ്പിൽ അറിയിച്ചു.
വിജയകരമായ രണ്ട് സീസണുകൾ പിന്നിട്ട ശേഷമാണ് മൂന്നാം സീസണിന് ദുബൈ വേദിയാകുന്നതെന്ന് അദ്ദേഹം പറഞ്ഞു. സീ നെറ്റ്വർക്കിന്‍റെ സംപ്രേഷണ പ്ലാറ്റ്ഫോമുകളിലാണ് ഇത്തവണയും മത്സരങ്ങളുടെ പ്രദർശനം. കഴിഞ്ഞ സീസണിൽ 34.8 കോടി പേർ ടൂർണമെന്‍റ് വീക്ഷിച്ചുവെന്നാണ് കണക്ക്.
എം.ഐ എമിറേറ്റ്സ് ആയിരുന്നു കഴിഞ്ഞ സീസണിൽ കപ്പുയർത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.