ദുബൈ: കോവിഡ് 19 മൂലം ദുരിതത്തിലായവരെ സഹായിച്ചു കൊണ്ടിരിക്കുന്ന ദുബൈ കെ.എം.സി.സിക്ക് യു.എ.ഇയിലെ ഏറ്റവും വലിയ ഹൈപര ്‍ മാര്‍ക്കറ്റ് ഉള്‍ക്കൊള്ളുന്ന സഫാരി മാള്‍ ചെയര്‍മാന്‍ അബൂബക്കര്‍ മടപ്പാട്ട് ഒരു ലക്ഷം ദിര്‍ഹം നല്‍കി.
ക ോവിഡ് മൂലം പ്രയാസപ്പെടുന്നവര്‍ക്ക് ഭക്ഷണവും മറ്റടിസ്ഥാന സൗകര്യങ്ങളും ഏര്‍പ്പെടുത്താനാണ് ഈ സഹായമെന്നും അദ്ദേഹം വ്യക്തമാക്കി.കോവിഡ് 19 റിപ്പോര്‍ട്ട് ചെയ്ത സമയത്ത് തന്നെ മികച്ച പ്രവര്‍ത്തനവുമായി രംഗത്തിറങ്ങിയ കെ.എം.സി.സി നിര്‍വഹിക്കുന്നത് അഭിനന്ദനാര്‍ഹമായ പ്രവര്‍ത്തനങ്ങളാണെന്നും അതിനുള്ള പിന്തുണയാണ് ഈ സഹായമെന്നും അദ്ദേഹം കൂട്ടിച്ചേര്‍ത്തു.
കോവിഡ് 19 വ്യാപനത്തിനെതിരെയുള്ള പ്രതിരോധ-മുന്‍കരുതല്‍ നടപടികളില്‍ സഫാരി ഗ്രൂപ് മുന്‍നിരയില്‍ തന്നെ പ്രവര്‍ത്തിച്ചു വരുന്നുണ്ട്. ഷോപ്പിങിനെത്തുന്നവര്‍ക്ക് എല്ലാ വിധ വ്യക്തി ശുചിത്വ സൗകര്യങ്ങളും ഒരുക്കിക്കൊടുത്തിട്ടുണ്ടെന്നും ഈ മഹാമാരിയെ ഇല്ലായ്മ ചെയ്ത് സമൂഹത്തെ സംരക്ഷിക്കാന്‍ നമുക്കൊരുമിച്ചു പ്രവര്‍ത്തിക്കാമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.