െഎ.പി.എ സംഘടിപ്പിച്ച യു.എ.ഇ ദേശീയ ദിനാഘോഷത്തിൽനിന്ന്
ദുബൈ: 50ാം യു.എ.ഇ ദേശീയദിനം മലയാളി ബിസിനസ് നെറ്റ് വർക്കായ െഎ.പി.എ വർണാഭമായി ആഘോഷിച്ചു. യു.എ.ഇ ഭരണാധികാരികള്‍ക്ക് നന്ദി പറഞ്ഞും നാടൻ കലാരൂപങ്ങൾ അണിനിരത്തിയും കേക്കുമുറിച്ചും വാഹന ഘോഷയാത്ര നടത്തിയുമാണ് അന്നം തരുന്ന രാജ്യത്തോടുള്ള സ്നേഹവും കൂറും ഇവര്‍ പ്രകടമാക്കിയത്.
സുഹൈൽ മുഹമ്മദ്‌ അൽ സറൂനി ഉദ്ഘാടനം ചെയ്തു. ചെയർമാൻ വി.കെ. ശംസുദ്ദീൻ യു.എ.ഇ ദേശീയദിന സന്ദേശം നൽകി. അബ്ദുൽ ജബ്ബാർ ഹോട്പാക്ക്, ഡോ. ഹുസൈൻ തുടങ്ങിയവർ മുഖ്യാതിഥികളായി. െഎ.പി.എ സ്ഥാപകൻ എ.കെ. ഫൈസൽ, മുൻ ചെയർമാൻ ശംസുദ്ദീൻ നെല്ലറ, വൈസ് ചെയർമാൻ തങ്കച്ചൻ മണ്ഡപത്തിൽ, സിദ്ദീഖ്‌ ഫോറം ഗ്രൂപ്, ബഷീർ പാൻ ഗൾഫ്, സുബൈർ അബ്ദുല്ല തുടങ്ങിയവർ സംസാരിച്ചു. വാഹനാലങ്കാര മത്സരത്തിൽ ഒന്നാം സ്ഥാനം നേടിയ തലാൽ മുഹമ്മദിന് (സി.ഇ.ഒ തലാൽ ഗ്രൂപ്) സമ്മാനം നൽകി. സി.എ. ശിഹാബ് തങ്ങൾ സ്വാഗതവും സിബിൻ മഠത്തുംപടി നന്ദിയും പറഞ്ഞു.
എടരിക്കോട് കോൽകളി സംഘത്തിെൻറ പ്രകടനവും ഇശൽ ദുബൈ ടീമിെൻറ അറബനമുട്ടും പരിപാടിക്ക് മാറ്റുകൂട്ടി. ഫിറോസ് പയ്യോളി, ത്വൽഹത്ത് ഫോറം ഗ്രൂപ് തുടങ്ങിയവർ ഗാനങ്ങൾ ആലപിച്ചു. സിബിൻ, മുഹമ്മദ്‌ റഫീഖ് തുടങ്ങിയവർ നേതൃത്വം നൽകി. തൂവെള്ള വസ്ത്രം അണിഞ്ഞ നൂറിലധികം സംരംഭകർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.