കബീർ ടെലികോണിന് ഷൈൻ മുഹമ്മദ് മെമന്‍റോ സമ്മാനിക്കുന്നു
ദുബൈ: ജീവകാരുണ്യ പ്രവർത്തനങ്ങളിലെ സജീവ സാന്നിധ്യമായ കബീർ ടെലികോണിനെ ദുബൈ കെ.എം.സി.സി തിരൂരങ്ങാടി മണ്ഡലം കമ്മിറ്റി ആദരിച്ചു. കമ്മിറ്റി സംഘടിപ്പിച്ച ‘ഇൻസ്പെയർ 2024’ ചടങ്ങിന്‍റെ ഭാഗമായാണ് ആദരം. ദുബൈ കെ.എം.സി.സി തിരൂരങ്ങാടി മണ്ഡലം കമ്മിറ്റി പ്രസിഡന്‍റ് വി.സി. സൈതലവി പൊന്നാട അണിയിച്ചു.
ഷൈൻ മുഹമ്മദ് മെമന്‍റോ സമ്മാനിച്ചു. ഷാർജ കെ.എം.സി.സി കണ്ണൂർ ജില്ല കമ്മിറ്റി സീനിയർ വൈസ് പ്രസിഡന്‍റ് സൽമാൻ ഫാരിസ്, തിരൂരങ്ങാടി മണ്ഡലം കമ്മിറ്റി ട്രഷറർ സാദിക്ക് തിരൂരങ്ങാടി, സെക്രട്ടറി ഗഫൂർ കാലടി, മുനീർ അൽ വഫാ, ഷാഫി നെച്ചിക്കാട്ടിൽ, റഫീഖ് സിയാന, നദീർ ചോലൻ, ഉബൈദ്, ഷിജാസ്, നദീർ കൊയിലാണ്ടി തുടങ്ങിയവർ സംബന്ധിച്ചു.
തൃശൂർ പന്നിത്തടം സ്വദേശിയായ കബീർ ടെലികോൺ നാട്ടിലും ഗൾഫിലും ഒരുപാട് ജീവകാരുണ്യ പ്രവർത്തനങ്ങൾ നടത്തിയിട്ടുണ്ട്. 38 വർഷമായി യു.എ.ഇയിലുള്ള അദ്ദേഹം വിവിധ വാണിജ്യ സംരംഭങ്ങൾക്ക് നേതൃത്വം നൽകിവരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.