അബൂദബി ഖലീഫ യൂനിവേഴ്സിറ്റിയിൽനിന്ന് ബയോമെഡിക്കൽ എൻജിനീയറിങ്ങിൽ ഡോക്ടറേറ്റ് നേടിയ ഡോ. അംന സംജീതിനെ ആദരിച്ചപ്പോൾ
അബൂദബി: അബൂദബി കോട്ടക്കൽ മുനിസിപ്പൽ കെ.എം.സി.സി ‘സൗഹൃദത്തിന്‍റെ കോട്ടക്കൽ’ എന്ന പേരിൽ കോട്ടക്കൽ മീറ്റ്-24 സംഘടിപ്പിച്ചു. യു.എ.ഇയിലെത്തിയ കോട്ടക്കൽ നഗരസഭ മുൻ ചെയർമാനും കോട്ടക്കൽ മുനിസിപ്പൽ മുസ്‌ലിം ലീഗ് പ്രസിഡന്‍റുമായ കെ.കെ. നാസറിന് സ്വീകരണം നൽകി. ചടങ്ങിൽ അബൂദബി മലപ്പുറം ജില്ല കെ.എം.സി.സി സെക്രട്ടറി ഷാഹിദ് ബിൻ മുഹമ്മദ് ചെമ്മുക്കൻ ഉദ്ഘാടനം നിർവഹിച്ചു. മുനിസിപ്പൽ കെ.എം.സി.സി പ്രസിഡന്‍റ് അനീസ് ചെരട അധ്യക്ഷത വഹിച്ചു.
അബൂദബി ഖലീഫ യൂനിവേഴ്സിറ്റിയിൽനിന്ന് ബയോമെഡിക്കൽ എൻജിനീയറിങ്ങിൽ ഡോക്ടറേറ്റ് നേടിയ ഡോ. അംന സംജീതിനെയും ജില്ല കെ.എം.സി.സിയുടെ റഹ്മ പദ്ധതിയുടെ വിജയത്തിന് വേണ്ടി പ്രവർത്തിച്ച ഷാഹിദ്, അലി, അനീസ്, ഷഫീർ, മുസ്തഫ, റഷീദ് കരിമ്പനക്കൽ എന്നിവരെയും ആദരിച്ചു.
കെ.എം.സി.സി ഭാരവാഹികളായ മുജീബ് കൂത്തുമാടൻ, റാഷിദ് തൊഴലിൽ, അലി കോട്ടക്കൽ, റാഷിദ് കെ.കെ, ഹമീദ് കോട്ടൂർ, സബീൽ പരവക്കൽ, അലി കോട്ടക്കൽ, മുസ്തഫ പുളിക്കൽ, അസീസ് മുക്രി, കെ.കെ. നാദിർ, ഹഫ്‌സത്ത്, നസ്മിജ ഇബ്രാഹിം, ഷഫീർ വില്ലൂർ, മുസ്തഫ ഉള്ളാടശ്ശേരി എന്നിവർ സംസാരിച്ചു. കമ്മിറ്റിയുടെ വികസന രേഖ ഓർഗനൈസിങ് സെക്രട്ടറി അഷ്‌റഫ് അമരിയിൽ അവതരിപ്പിച്ചു. മഹിതം മലപ്പുറം ഫെസ്റ്റ് പ്രചാരണത്തോടനുബന്ധിച്ച് പോസ്റ്റർ പ്രകാശനവും ചടങ്ങിൽ നടന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.