ദേ​ശീ​യ ദി​ന​ത്തി​ന് സൗ​ജ​ന്യ ഡേ​റ്റ; വ്യാ​ജ​മെ​ന്ന്​ ടെ​ലി​കോം ക​മ്പ​നി​ക​ൾ

അ​ബൂ​ദ​ബി: യു.​എ.​ഇ​യു​ടെ 53ാമ​ത് ദേ​ശീ​യ ദി​ന​ത്തോ​ട​നു​ബ​ന്ധി​ച്ച് 53 ജി.​ബി സൗ​ജ​ന്യ ഡേ​റ്റ ല​ഭി​ക്കു​ന്നു​വെ​ന്ന ത​ര​ത്തി​ൽ വ്യാ​ജ വാ​ർ​ത്ത പ്ര​ച​രി​പ്പി​ക്കു​ന്ന​തി​നെ​തി​രെ മു​ന്ന​റി​യി​പ്പ് ന​ൽ​കി യു.​എ.​ഇ​യി​ലെ ടെ​ലി​കോം ക​മ്പ​നി​ക​ൾ. ഇ​തു​മാ​യി ബ​ന്ധ​പ്പെ​ട്ട്​ സോ​ഷ്യ​ൽ മീ​ഡി​യ​യി​ൽ പ്ര​ച​രി​ക്കു​ന്ന വ്യാ​ജ ഓ​ഫ​റു​ക​ൾ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന് രാ​ജ്യ​ത്തെ പ്ര​മു​ഖ ടെ​ലി​ക​മ്യൂ​ണി​ക്കേ​ഷ​ൻ സേ​വ​ന ദാ​താ​ക്ക​ളാ​ണ്​ മു​ന്ന​റി​യി​പ്പ് ന​ൽ​കി​യി​രി​ക്കു​ന്ന​ത്. സം​ശ​യാ​സ്പ​ദ​മാ​യ ലി​ങ്കു​ക​ൾ അ​വ​ഗ​ണി​ക്ക​ണ​മെ​ന്നും അ​ത്ത​രം സ​ന്ദേ​ശ​ങ്ങ​ൾ മ​റ്റു​ള്ള​വ​രി​ലേ​ക്ക് പ​ങ്കു​വെ​ക്ക​രു​തെ​ന്നും മു​ന്ന​റി​യി​പ്പി​ൽ പ​റ​യു​ന്നു.

ദേ​ശീ​യ ദി​ന​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് പു​തി​യ സൈ​ബ​ർ ത​ട്ടി​പ്പു​ക​ൾ വ്യാ​പ​ക​മാ​കു​ന്ന​ത്. 53 ജി.​ബി സൗ​ജ​ന്യ ഡേ​റ്റ പാ​ക്കേ​ജ് എ​ന്ന വ്യാ​ജ സ​ന്ദേ​ശം വാ​ട്​​സ്​​ആ​പ് വ​ഴി​യും ടെ​ക്സ്റ്റ് സ​ന്ദേ​ശ​ങ്ങ​ളാ​യും പ​ല​രു​ടെ​യും ഫോ​ണു​ക​ളി​ലെ​ത്തി​യ​താ​യി പ്ര​വാ​സി​ക​ളും സാ​ക്ഷ്യ​പ്പെ​ടു​ത്തു​ന്നു. എ​ല്ലാ നെ​റ്റ്‌​വ​ർ​ക്കു​ക​ളി​ലും 53 ജി.​ബി സൗ​ജ​ന്യ ഡേ​റ്റ ല​ഭ്യ​മാ​ണെ​ന്നും മൂ​ന്ന് മാ​സ​ത്തേ​ക്ക് സാ​ധു​വാ​ണെ​ന്നും എ​ന്‍റെ ഓ​ഫ​ർ ഞാ​ൻ സ്വ​ന്ത​മാ​ക്കി​യെ​ന്നും പ​റ​യു​ന്ന സ​ന്ദേ​ശ​ത്തി​നൊ​ടു​വി​ലാ​ണ് വ്യാ​ജ ലി​ങ്ക് ചേ​ർ​ത്ത് ‘ഇ​വി​ടെ ക്ലി​ക്ക് ചെ​യ്യു​ക’ എ​ന്ന് പ​റ​യു​ന്ന​ത്.

എ​പ്പോ​ഴും ഇ​ത്ത​രം ത​ട്ടി​പ്പു​ക​ൾ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്നാ​ണ് ടെ​ലി​കോം ക​മ്പ​നി​ക​ൾ പ​റ​യു​ന്ന​ത്. സം​ശ​യാ​സ്പ​ദ​മാ​യ ലി​ങ്കു​ക​ൾ അ​വ​ഗ​ണി​ക്ക​ണ​മെ​ന്നും, ക്ലി​ക്ക് ചെ​യ്യു​ന്ന​തി​നു​മു​മ്പ് ഓ​ഫ​റു​ക​ൾ പ​രി​ശോ​ധി​ക്ക​ണ​മെ​ന്നും എ​ക്‌​സ് പോ​സ്റ്റി​ലൂ​ടെ ടെ​ലി​കോം ക​മ്പ​നി ഉ​പ​ഭോ​ക്താ​ക്ക​ളെ അ​റി​യി​ച്ചു.