ദുബൈ: വിദ്യാഭ്യാസ മേഖലയെ പരിപോഷിപ്പിക്കുന്നതിന്‍റെ ഭാഗമായി മുഹമ്മദ് ബിൻ റാശിദ് ആൽ മക്തൂം നോളജ് ഫൗണ്ടേഷൻ (എം.ബി.ആർ.എഫ്) എമിറേറ്റിലെ സ്കൂളുകൾക്ക് 22,000 പുസ്തകങ്ങൾ സംഭാവന നൽകി. സായിദ് എജുക്കേഷൻ കോംപ്ലക്സ് പുതുതായി സ്ഥാപിച്ച സ്കൂളുകൾക്ക് പുസ്തകങ്ങൾ വിതരണം ചെയ്യും.
‘എന്‍റെ കുടുംബം വായിക്കുന്നു’ സംരംഭത്തിന്‍റെ ഭാഗമായാണ് പുസ്തക വിതരണമെന്ന് എം.ബി.ആർ.എഫ് അറിയിച്ചു. വിദ്യാഭ്യാസപരമായ അവസരങ്ങളിലൂടെ വൈദഗ്ധ്യങ്ങളെ പ്രോത്സാഹിപ്പിക്കുകയും വ്യക്തികളെ ശാക്തീകരിക്കുകയും ചെയ്യുക എന്ന ലക്ഷ്യത്തോട് ചേർന്നുനിൽക്കുന്നതാണ് പുതിയ സംരംഭം.
രാജ്യവ്യാപകമായി വിദ്യാഭ്യാസ സ്ഥാപനങ്ങൾക്ക് സുസ്ഥിരമായ പിന്തുണ തേടുകയും ചെയ്യുന്നതായി എം.ബി.ആർ.എഫ് വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.