ദുബൈ: നാലു വർഷം കൂടുമ്പോൾ മാത്രം ജന്മദിനം ആഘോഷിക്കാൻ ഭാഗ്യം ലഭിച്ചവരാണ് ഫെബ്രുവരി 29ന് ജനിച്ചവർ. അതുകൊണ്ടുതന്നെ ഇവരുടെ ജന്മദിനത്തിന് ഏറെ പ്രത്യേകതയും കൽപിക്കാറുണ്ട്. യു.എ.ഇയിൽ ഫെബ്രുവരി 29ന് ജന്മദിനം ആഘോഷിക്കുന്നവർക്ക് രുചികരമായ ഒരു കേക്ക് സൗജന്യമായി സമ്മാനിച്ചിരിക്കുകയാണ് പ്രമുഖ ഹൈപ്പർമാർക്കറ്റ് ഗ്രൂപ്പായ നെസ്റ്റോ. 270ഓളം പേരാണ് കഴിഞ്ഞ ദിവസം കേക്ക് വാങ്ങാനെത്തിയതെന്ന് നെസ്റ്റോ ഗ്രൂപ് അധികൃതർ അറിയിച്ചു. ഫെബ്രുവരി 29ന് യു.എ.ഇയിൽ എല്ലാ നെസ്റ്റോ ഹൈപ്പർമാർക്കറ്റുകളിലും കേക്ക് തയാറായിരുന്നു. എമിറേറ്റ്സ് ഐഡിയുമായി എത്തുന്നവർക്കാണ് കേക്ക് സമ്മാനമായി നൽകിയത്. ബ്രഡ്ബറീസ് എന്ന ബ്രാൻഡ് ആണ് നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.