അജ്മാന്‍: പുതുവത്സര അവധിയോടനുബന്ധിച്ച് അജ്മാന്‍ ഗതാഗത വകുപ്പ് ബസ് സര്‍വിസുകളുടെ എണ്ണം വര്‍ധിപ്പിക്കുന്നു.ഉപഭോക്താക്കളുടെ വര്‍ധിച്ച ആവശ്യം പരിഗണിച്ചാണ് നടപടി.
ഇന്റേണൽ, എക്‌സ്‌റ്റേണൽ ലൈനുകളിൽ ട്രിപ്പുകൾ വർധിപ്പിക്കുന്നതും ഈ അവസരത്തിൽ അതോറിറ്റിയുടെ പദ്ധതിയിലുണ്ടെന്ന് പബ്ലിക് ട്രാൻസ്‌പോർട്ട് ആൻഡ് ലൈസൻസിങ് കോർപറേഷൻ എക്‌സിക്യൂട്ടീവ് ഡയറക്ടർ എൻജി. സാമി അലി അൽ ജല്ലാഫ് പറഞ്ഞു. പ്രാദേശിക റൂട്ടുകളായ അൽ ജർഫ്, വ്യാവസായിക മേഖല, അൽ ഹമീദിയ എന്നിവിടങ്ങളിലേക്ക് വൈകുന്നേരം രണ്ടു മണി മുതൽ രാത്രി 11 വരെ കൂടുതല്‍ ബസുകള്‍ സര്‍വിസ് നടത്തും.
എമിറേറ്റിന് പുറത്തേക്കുള്ള സര്‍വിസുകളായ സെന്റർ പോയന്റ് മെട്രോ ലൈൻ, ഷാർജ ലൈൻ എന്നിവ ഉൾപ്പെടെയുള്ള സ്ഥലങ്ങളിലേക്കും അധിക സർവിസുകൾ ഉണ്ടായിരിക്കുമെന്ന് അജ്മാന്‍ ഗതാഗത വകുപ്പ് അധികൃതര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.