യാത്രക്കാരുടെ വിവരങ്ങൾ കസ്റ്റംസിന്; ആശങ്ക അറിയിച്ച് ഷാർജ ഇന്ത്യൻ അസോസിയേഷൻ

ഷാ​ർ​ജ: യാ​ത്ര​ക്കാ​രു​ടെ വി​വ​ര​ങ്ങ​ൾ വി​മാ​ന​ക്ക​മ്പ​നി​ക​ൾ ഇ​ന്ത്യ​ൻ ക​സ്റ്റം​സി​ന് കൈ​മാ​റ​ണ​മെ​ന്ന നി​ർ​ദേ​ശം പ്ര​വാ​സി​ക​ളെ ബാ​ധി​ക്കു​മെ​ന്ന ആ​ശ​ങ്ക കേ​ന്ദ്ര​മ​ന്ത്രി ജ​യ​ശ​ങ്ക​റി​നെ അ​റി​യി​ച്ച്​ ഷാ​ർ​ജ ഇ​ന്ത്യ​ൻ അ​സോ​സി​യേ​ഷ​ൻ. പ്ര​സി​ഡ​ന്റ് നി​സാ​ർ ത​ള​ങ്ക​ര​യു​ടെ നേ​തൃ​ത്വ​ത്തി​ലു​ള്ള അ​സോ​സി​യേ​ഷ​ൻ മാ​നേ​ജി​ങ് ക​മ്മി​റ്റി അം​ഗ​ങ്ങ​ളാ​ണ്​ ഒ​ഡി​ഷ​യി​ലെ ഭു​വ​നേ​ശ്വ​റി​ൽ ന​ട​ക്കു​ന്ന പ്ര​വാ​സി ഭാ​ര​തീ​യ ദി​വ​സ്​ ച​ട​ങ്ങി​നി​ടെ മ​ന്ത്രി ജ​യ​ശ​ങ്ക​റി​നെ പ്ര​വാ​സി​ക​ളു​ടെ ആ​ശ​ങ്ക അ​റി​യി​ച്ച​ത്. പ്ര​വാ​സി​ക​ളു​ടെ യാ​ത്ര സം​ബ​ന്ധി​ച്ചു​ള്ള വി​വ​ര​ങ്ങ​ൾ നേ​ര​ത്തേ ക​സ്റ്റം​സി​നെ അ​റി​യി​ക്ക​ണ​മെ​ന്ന പു​തി​യ കേ​ന്ദ്ര​നി​യ​മ​ത്തി​ലെ അ​പാ​ക​ത​ക​ൾ ചൂ​ണ്ടി​ക്കാ​ണി​ച്ച് നി​വേ​ദ​നം സ​മ​ർ​പ്പി​ക്കു​ക​യും ചെ​യ്തു.

അ​സോ​സി​യേ​ഷ​ൻ ഉ​ന്ന​യി​ക്കു​ന്ന ആ​ശ​ങ്ക​ക​ൾ അ​നു​ഭാ​വ​പൂ​ർ​വം പ​രി​ഗ​ണി​ക്കാ​മെ​ന്ന്​ മ​ന്ത്രി ജ​യ​ശ​ങ്ക​ർ അ​റി​യി​ച്ച​താ​യി അ​സോ​സി​യേ​ഷ​ൻ വാ​ർ​ത്ത​ക്കു​റി​പ്പി​ൽ അ​റി​യി​ച്ചു. യാ​ത്ര​ക്കാ​രു​ടെ വി​വ​ര​ങ്ങ​ൾ വി​മാ​ന​ക്ക​മ്പ​നി​ക​ൾ ഇ​ന്ത്യ​ൻ ക​സ്റ്റം​സി​ന് കൈ​മാ​റ​ണ​മെ​ന്ന നി​ർ​ദേ​ശം ഏ​പ്രി​ൽ ഒ​ന്നു മു​ത​ലാ​ണ് ച​ട്ടം പ്രാ​ബ​ല്യ​ത്തി​ൽ വ​രു​ന്ന​ത്. നി​ർ​ദേ​ശം പാ​ലി​ക്കാ​ത്ത ക​മ്പ​നി​ക​ൾ​ക്ക് ക​ന​ത്ത പി​ഴ ചു​മ​ത്താ​നും നി​ർ​ദേ​ശ​മു​ണ്ട്. ജ​നു​വ​രി 10ന​കം ര​ജി​സ്ട്രേ​ഷ​ൻ പൂ​ർ​ത്തി​യാ​ക്ക​ണ​മെ​ന്ന് സെ​ൻ​ട്ര​ൽ ബോ​ർ​ഡ് ഓ​ഫ് ഇ​ൻ​ഡ​യ​റ​ക്ട് ടാ​ക്സ​സ് ആ​ൻ​ഡ് ക​സ്റ്റം​സ് പു​റ​ത്തി​റ​ക്കി​യ നോ​ട്ടീ​സി​ൽ നി​ർ​ദേ​ശി​ച്ചി​രു​ന്നു.

വി​മാ​നം പു​റ​പ്പെ​ടു​ന്ന​തി​ന് 24 മ​ണി​ക്കൂ​ർ മു​മ്പാ​ണ് യാ​ത്ര​ക്കാ​രു​ടെ വി​വ​ര​ങ്ങ​ൾ ക​സ്റ്റം​സി​ന് കൈ​മാ​റേ​ണ്ട​ത്. ട്രാ​ൻ​സി​റ്റ് യാ​ത്ര​ക്കാ​രു​ടേ​ത് അ​ട​ക്ക​മു​ള്ള വി​വ​ര​ങ്ങ​ൾ അ​റി​യി​ക്ക​ണം. യാ​ത്ര​ക്കാ​ര​ന്റെ പേ​ര്, ഇ-​മെ​യി​ൽ, മൊ​ബൈ​ൽ ന​മ്പ​ർ, യാ​ത്ര​ക്കാ​യി ഉ​പ​യോ​ഗി​ച്ച പേ​മെ​ന്റ് സം​വി​ധാ​നം, പി.​എ​ൻ.​ആ​ർ ന​മ്പ​ർ, ടി​ക്ക​റ്റ് ഇ​ഷ്യൂ ചെ​യ്ത തീ​യ​തി, ബാ​ഗേ​ജ് തു​ട​ങ്ങി​യ വി​വ​ര​ങ്ങ​ളെ​ല്ലാം ക​സ്റ്റം​സ് ആ​വ​ശ്യ​പ്പെ​ട്ട​വ​യി​ലു​ണ്ട്. വി​മാ​ന​യാ​ത്ര​യു​ടെ സു​ര​ക്ഷി​ത​ത്വ​വും കാ​ര്യ​ക്ഷ​മ​ത​യും വ​ർ​ധി​പ്പി​ക്കാ​നാ​ണ് പു​തി​യ ച​ട്ട​ങ്ങ​ളെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണം.