ഉപതെ​ര​ഞ്ഞെ​ടു​പ്പ് ഫ​ലം; വ​ർ​ഗീ​യ​ത​ക്ക് സ്ഥാ​ന​മി​ല്ലെ​ന്ന​തി​ന്​ തെ​ളി​വ്​ -പു​ത്തൂ​ർ റ​ഹ്‌​മാ​ൻ

ദു​ബൈ: പാ​ല​ക്കാ​ട്, ചേ​ല​ക്ക​ര നി​യ​മ​സ​ഭ മ​ണ്ഡ​ല​ങ്ങ​ളി​ലെ​യും വ​യ​നാ​ട് ലോ​ക്‌​സ​ഭ മ​ണ്ഡ​ല​ത്തി​ലെ​യും തെ​ര​ഞ്ഞെ​ടു​പ്പു ഫ​ലം കേ​ര​ളം യു.​ഡി.​എ​ഫി​ന്‍റെ ശ​ക്ത​മാ​യ തി​രി​ച്ചു​വ​ര​വ് ആ​ഗ്ര​ഹി​ക്കു​ന്നു എ​ന്ന​തി​ന്‍റെ വ്യ​ക്ത​മാ​യ സൂ​ച​ന​യാ​ണെ​ന്ന്​ യു.​എ.​ഇ കെ.​എം.​സി.​സി പ്ര​സി​ഡ​ന്‍റ്​ ഡോ. ​പു​ത്തൂ​ർ റ​ഹ്​​മാ​ൻ പ​റ​ഞ്ഞു.

പാ​ല​ക്കാ​ട് ന​ട​ന്ന ത്രി​കോ​ണ മ​ത്സ​ര​ത്തി​ല്‍ ജ​നം രാ​ഹു​ല്‍ മാ​ങ്കൂ​ട്ട​ത്തി​നെ ഏ​റ്റ​വും മി​ക​ച്ച ഭൂ​രി​പ​ക്ഷ​ത്തി​ൽ വി​ജ​യി​പ്പി​ച്ചു. ഇ​ട​തു​കോ​ട്ട​യാ​യ ചേ​ല​ക്ക​ര​യി​ല്‍ യു.​ഡി.​എ​ഫി​ന്‍റെ ചി​ട്ട​യാ​യ പ്ര​വ​ര്‍ത്ത​നം ഫ​ലം ചെ​യ്ത​ത് പ​രാ​ജ​യ​ത്തി​ലും ദൃ​ശ്യ​മാ​ണ്. വ​യ​നാ​ട്ടി​ലെ പ്രി​യ​ങ്ക​യു​ടെ വി​ജ​യ​മാ​വ​ട്ടെ എ​തി​രി​ല്ലാ​ത്ത​തു​മാ​യി. പാ​ല​ക്കാ​ട്ടെ തെ​ര​ഞ്ഞെ​ടു​പ്പു ഫ​ലം കേ​ര​ള​ത്തി​ലെ ഇ​ട​തു​മു​ന്ന​ണി സി.​പി.​എ​മ്മി​ന്‍റെ നേ​തൃ​ത്വ​ത്തി​ല്‍ കൂ​ടു​ത​ല്‍ വ​ര്‍ഗീ​യ പ്രീ​ണ​ന​ത്തി​ലൂ​ന്നി​ത്തു​ട​ങ്ങി എ​ന്നാ​ണ് കാ​ണി​ക്കു​ന്ന​ത്.

രാ​ഹു​ല്‍ മാ​ങ്കൂ​ട്ട​ത്തി​ന് വോ​ട്ട് ചെ​യ്യി​ക്കാ​ന്‍ വീ​ടു​ക​ള്‍ ക​യ​റി ഖു​ര്‍ആ​നി​ല്‍ തൊ​ട്ട് സ​ത്യം ചെ​യ്യി​ച്ചെ​ന്ന സി.​പി.​എം ജി​ല്ല സെ​ക്ര​ട്ട​റി ഇ.​എ​ന്‍. സു​രേ​ഷ് ബാ​ബു​വി​ന്‍റെ നീ​ച​മാ​യ ആ​രോ​പ​ണം ഉ​ൾ​​പ്പെ​ടെ തെ​ര​ഞ്ഞെ​ടു​പ്പു​കാ​ല​ത്ത് സ്വീ​ക​രി​ച്ച സ​മീ​പ​ന​ങ്ങ​ള്‍ ഇ​ട​തു​രാ​ഷ്ട്രീ​യ​ത്തി​ന്‍റെ അ​ടി​ത്ത​റ മാ​ന്തു​ന്ന​താ​ണ്. തെ​ര​ഞ്ഞെ​ടു​പ്പി​ലു​ട​നീ​ളം മു​സ്‍ലിം​ക​ളോ​ടു​ള്ള വെ​റു​പ്പു പ​ര​ത്താ​നും പാ​ല​ക്കാ​ട്ടെ ഹി​ന്ദു​ക്ക​ളെ അ​തു​വ​ഴി സ്വാ​ധീ​നി​ക്കാ​മെ​ന്നു​മാ​ണ് ഭ​ര​ണ​പ​ക്ഷം ക​ണ​ക്കു​കൂ​ട്ടി​യ​ത്. മു​ന​മ്പം വി​ഷ​യ​ത്തെ​ക്കു​റി​ച്ച് ഒ​ര​ക്ഷം ഉ​രി​യാ​ടാ​ത്ത സ​ര്‍ക്കാ​ര്‍ അ​തൊ​രു മു​സ്‍ലിം-​കൃ​സ്ത്യ​ന്‍ ഭി​ന്നി​പ്പി​നു​ള്ള ആ​യു​ധ​മാ​ക്കാ​മെ​ന്നും ക​രു​തി.

ഒ​ടു​വി​ല്‍ ഏ​റ്റ​വും ക​ടു​ത്ത വ​ര്‍ഗീ​യ പ്ര​ചാ​ര​ണ​ത്തി​നാ​യി കേ​ര​ള​ത്തി​ലെ ര​ണ്ടു സു​ന്നി വി​ഭാ​ഗ​ങ്ങ​ളു​ടെ മു​ഖ​പ​ത്ര​ങ്ങ​ളെ​യും ഉ​പ​യോ​ഗ​പ്പെ​ടു​ത്തി. ഒ​രേ​സ​മ​യം കേ​ര​ള​ത്തി​ലെ മൂ​ന്നു മ​ത​വി​ഭാ​ഗ​ങ്ങ​ളെ​യും ക​ബ​ളി​പ്പി​ക്കാ​നും യു.​ഡി.​എ​ഫ് വോ​ട്ട് ഭി​ന്നി​പ്പി​ക്കാ​നു​മു​ള്ള ശ്ര​മ​മാ​ണ് സി.​പി.​എം ന​ട​ത്തി​യ​ത്. ഭാ​ഗ്യ​വ​ശാ​ല്‍ ഒ​ന്നും ഫ​ലം ക​ണ്ടി​ല്ലെ​ന്നും അ​ദ്ദേ​ഹം പ​റ​ഞ്ഞു.