ഉമ്മുൽഖുവൈന്‍: സിഗ്നലിൽ ചുവപ്പ് കത്തിക്കിടക്കുേമ്പാൾ തൊട്ടടുത്ത എളുപ്പ വഴി തെരയുന്ന ശീലമുണ്ടെങ്കിൽ സൂക്ഷിക്കുക. മ്മുൽഖുവൈനിലെത്തിയാൽ പണി പാളും. ഇവിടെ ബസാര്‍ ഭാഗത്ത് നിന്ന് കിങ് ഫൈസല്‍ റോഡ് വഴി വ്യാവസായിക മേഖലയിലേക്ക് പോകുമ്പഴോണ് ഏറ്റവും കൂടുതൽ സൂക്ഷിേക്കണ്ടത്. ആദ്യം ലഭിക്കുന്ന സിഗ്നലില്‍ ചുവപ്പ്നിറം തെളിഞ്ഞാല്‍ പച്ചനിറം തെളിയുന്നത് വരെ കാത്തു നിൽക്കാൻ പലരും തയാറല്ല. പകരം ശൈഖ് സായിദ് പള്ളിയോട് ചേർന്ന ഭാഗത്തുള്ള യുടേണ്‍ സമാനമായ റോഡിലൂടെ യു.എ.ക്യു. ബാങ്കിന് മുന്‍വശം വഴി യാത്ര തുടരും.
പ്രധാന റോഡ് വഴി വരുന്നവര്‍ക്ക് ഈ കുറുക്കുവഴി സ്വീകരിക്കാൻ തോന്നിയാൽ സൂക്ഷിക്കുക. നാല് ബ്ലാക്ക് പോയൻറും 500 ദിര്‍ഹം ഫൈനുമാണ് കാത്തിരിക്കുന്നത്. അപകടങ്ങള്‍ ഉണ്ടാകാന്‍ സാധ്യതയുള്ളതും ഒപ്പം ഗതാഗതക്കുരുക്കും ഈ നിയമ ലംഘനം മൂലമുണ്ടാകും. അതുകൊണ്ടുതന്നെ അധികൃതര്‍ കര്‍ശന നിലപാടാണ് സ്വീകരിക്കുന്നത്. ഇതിനകം നിരവധിപേർക്ക് പിഴയിട്ടുകഴിഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.