ദുബൈയിൽ വിസ മാറാൻ നെട്ടോട്ടം; അതിർത്തിയിലും വിമാനത്താവളത്തിലും വൻ തിരക്ക്​

ദു​ബൈ: രാ​ജ്യ​ത്തി​നു​ള്ളി​ൽ നി​ന്ന്​ ത​ന്നെ വി​സ മാ​റാ​നു​ള്ള സൗ​ക​ര്യം യു.​എ.​ഇ നി​ർ​ത്തി​ലാ​ക്കി​യ​തോ​ടെ പു​തി​യ വി​സ​യെ​ടു​ക്കാ​ൻ പ്ര​വാ​സി​ക​ളു​ടെ നെ​ട്ടോ​ട്ടം. കാ​റി​ലും ബ​സി​ലും വി​മാ​ന​ത്തി​ലു​മാ​യി ഒ​മാ​നി​ലെ​ത്തി പു​തി​യ വി​സ​യെ​ടു​ത്ത്​ തി​രി​ച്ചു​വ​രാ​നാ​ണ്​ ശ്ര​മം. എ​ന്നാ​ൽ, തി​ര​ക്കേ​റി​യ​തോ​ടെ ഒ​മാ​ൻ വ​ഴി​യു​ള്ള റോ​ഡ്​ യാ​ത്ര മു​ട​ങ്ങി​യ അ​വ​സ്ഥ​യി​ലാ​ണ്. കൂ​ടു​ത​ൽ തു​ക ന​ൽ​കി വി​മാ​ന​ത്തി​ൽ യാ​ത്ര ചെ​യ്യ​ണം. അ​വ​ധി​ക്കാ​ല​ത്ത് ടി​ക്ക​റ്റ്​ നി​ര​ക്ക്​ കൂ​ടു​ത​ലാ​യ​തി​നാ​ൽ ഇ​ന്ത്യ​യി​ൽ പോ​യി​വ​രാ​ൻ ക​ഴി​യാ​ത്ത പ്ര​യാ​സ​വു​മു​ണ്ട്. രാ​ജ്യ​ത്തി​നു​ള്ളി​ൽ​നി​ന്ന്​ ത​ന്നെ വി​സ മാ​റാ​നു​ള്ള സൗ​ക​ര്യം ക​ഴി​ഞ്ഞ​യാ​ഴ്ച​യാ​ണ്​ യു.​എ.​ഇ നി​ർ​ത്ത​ലാ​ക്കി​യ​ത്. വി​സ മാ​റ​ണ​മെ​ങ്കി​ൽ രാ​ജ്യം വി​ട​ണ​മെ​ന്ന നി​ബ​ന്ധ​ന യു.​എ.​ഇ​യി​ൽ മു​മ്പ്​ ഉ​ണ്ടാ​യി​രു​ന്നെ​ങ്കി​ലും കോ​വി​ഡ്​​കാ​ല​ത്ത്​ ഇ​തി​ന്​ ഇ​ള​വ്​ ന​ൽ​കി​യി​രു​ന്നു.

ഈ ​ഇ​ള​വാ​ണ്​ ഇ​പ്പോ​ൾ ഒ​ഴി​വാ​ക്കി​യി​രി​ക്കു​ന്ന​ത്. ഇ​തോ​ടെ, കാ​ലാ​വ​ധി ക​ഴി​ഞ്ഞ സ​ന്ദ​ർ​ശ​ക വി​സ​ക്കാ​രും താ​മ​സ വി​സ​ക്കാ​രു​മെ​ല്ലാം എ​ക്സി​റ്റ്​ അ​ടി​ച്ച​ശേ​ഷം തി​രി​ച്ചു​വ​ര​ണം.

ടിക്കറ്റ്​ നിരക്ക്​ കൂടുതലായതിനാൽ ഇന്ത്യയിലേക്ക്​ പോകാനും കഴിയുന്നില്ല

ദി​വ​സ​വും ആ​യി​ര​ക്ക​ണ​ക്കി​നാ​ളു​ക​ളു​ടെ വി​സ കാ​ലാ​വ​ധി ക​ഴി​യു​ന്നു​ണ്ട്. ഇ​വ​രെ​ല്ലാം ഒ​മാ​ൻ അ​തി​ർ​ത്തി​യി​ലേ​ക്ക്​ ഒ​ഴു​കി​യെ​ത്തി​യ​തോ​ടെ അ​തി​ർ​ത്തി വ​ഴി അ​ത്യാ​വ​ശ്യ വാ​ഹ​ന​ങ്ങ​ൾ മാ​ത്ര​മേ ക​ട​ത്തി വി​ടു​ന്നു​ള്ളൂ. എ​ല്ലാ ബ​സു​ക​ളും അ​തി​ർ​ത്തി ക​ട​ത്തി​വി​ടു​ന്നു​മി​ല്ല. സ​ർ​ക്കാ​ർ അം​ഗീ​കൃ​ത ബ​സു​ക​ൾ മാ​ത്ര​മാ​ണ്​ ക​ട​ത്തി​വി​ടു​ന്ന​ത്.

ഇ​തോ​ടെ​യാ​ണ് യാ​ത്ര​ക്കാ​ർ​ വി​മാ​ന മാ​ർ​ഗം ഒ​മാ​നി​ലെ​ത്തു​ന്ന​ത്. വി​സ​യും ടി​ക്ക​റ്റും ഉ​ൾ​പെ​ടെ 1400 ദി​ർ​ഹ​മി​ന്‍റെ മു​ക​ളി​ലാ​ണ്​ പാ​ക്കേ​ജ്. ഒ​മാ​നി​ൽ എ​ത്തി​യ ശേ​ഷം വി​സ എ​ടു​ത്ത്​ തി​രി​ച്ചു​വ​രും. എ​ന്നാ​ൽ, ചി​ല​രു​ടെ വി​സ വൈ​കു​ന്നു​മു​ണ്ട്.

ഇ​വ​ർ വി​സ കി​ട്ടു​ന്ന​ത്​ വ​രെ ഒ​മാ​നി​ൽ വി​മാ​ന​ത്താ​വ​ള​ത്തി​ൽ ത​ങ്ങു​ക​യാ​ണ്. ഒ​ട്ടു​മി​ക്ക വി​സ​ക​ളും നാ​ലോ അ​ഞ്ചോ മ​ണി​ക്കൂ​റി​നു​ള്ളി​ൽ ശ​രി​യാ​വാ​റു​ണ്ടെ​ന്ന്​ ട്രാ​വ​ൽ ഏ​ജ​ൻ​സി​ക​ൾ പ​റ​യു​ന്നു. സീ​സ​ൺ സ​മ​യ​മാ​യ​തി​നാ​ൽ ആ​യി​ര​ക്ക​ണ​ക്കി​നാ​ളു​ക​ൾ സ​ന്ദ​ർ​ശ​ക വി​സ​യി​ൽ യു.​എ.​ഇ​യി​ലു​ണ്ട്. കൃ​ത്യ​സ​മ​യ​ത്ത്​ വി​സ പു​തു​ക്കാ​ൻ ക​ഴി​യാ​ത്ത​തി​നാ​ൽ പി​ഴ അ​ട​ക്കേ​ണ്ട അ​വ​സ്ഥ​യി​ലാ​ണ്​ പ​ല​രും.