യു.എ.ഇയിലെ മികച്ച മലയാളി സെയിൽസ്മാനെ കണ്ടെത്തുന്നതിന് സംഘടിപ്പിക്കുന്ന ‘സെയിൽസ്മാൻ ഓഫ് ദ ഇയർ’പുരസ്കാരത്തിന്‍റെ ധാരണപത്രം ‘മാധ്യമം’സി.ഇ.ഒ പി.എം. സാലിഹ്, അനിൽ ബാലചന്ദ്രൻ എന്നിവർ കൈമാറുന്നു. മാധ്യമം മാർക്കറ്റിങ് മാനേജർ. കെ. ജുനൈസ്, എസ്പാനിയോ ഇവന്‍റ്സ് ഡയറക്ടർ എ.ടി. അൻവർ എന്നിവർ സമീപം
ദുബൈ: സെയിൽസ് രംഗത്തെ പ്രതിഭകളെ കണ്ടെത്തുന്നതിന് 'ഗൾഫ് മാധ്യമത്തിന്‍റെ'സഹകരണത്തോടെ അനിൽ ബാലചന്ദ്രൻ ദി സെയിൽസ്മാൻ പ്രൈവറ്റ് ലിമിറ്റഡ് ഒരുക്കുന്ന സെയിൽസ്മാൻ ഓഫ് ദ ഇയർ അവാർഡിന്‍റെ രണ്ടാം ഘട്ടം ദുബൈയിൽ നടക്കും. യു.എ.ഇയിലെ സെയിൽസ്മാൻമാർക്ക് പുരസ്കാരത്തിന് അപേക്ഷിക്കാം. ആദ്യഘട്ടം കൊച്ചിയിൽ പൂർത്തിയായി.
ലോകമെമ്പാടുമുള്ള മലയാളി സംരംഭകരെ ബന്ധിപ്പിക്കുന്ന ആഗോള ബിസിനസ് കൂട്ടായ്മയാണ് ദി സെയിൽസ്മാൻ ടീം. അനിൽ ബാലചന്ദ്രൻ എന്ന രാജ്യാന്തര സെയിൽസ് ആൻഡ് ബിസിനസ് പരിശീലകനൊപ്പം ആറു ഭൂഖണ്ഡങ്ങളിലെ 350ലേറെ സംരംഭകരുടെ കൂട്ടായ്മയായി 'അനിൽ ബാലചന്ദ്രൻ ദി സെയിൽസ്മാൻ പ്രൈവറ്റ് ലിമിറ്റഡ്'എന്ന പേരിലാണ് ഇത് പ്രവർത്തിക്കുന്നത്.
നിരവധി വിൽപനക്കാർ നമുക്കിടയിലുണ്ടെന്നും അവരുടെ സേവനത്തെ കുറിച്ച് സമൂഹം ബോധവാന്മാരല്ലെന്നും അവരെ ആദരിക്കാനാണ് പുരസ്കാരം നൽകുന്നതെന്നും സംഘാടകർ അറിയിച്ചു. കച്ചവടക്കാർ, മറ്റു സ്ഥാപനങ്ങളിൽ സെയിൽസ്മാനായി ജോലി ചെയുന്നവർ, സ്വന്തമായി ബിസിനസ് ചെയുന്നവർ, സർവിസ് മേഖലയിൽ പ്രവർത്തിക്കുന്നവർ തുടങ്ങിയവർക്കെല്ലാം പുരസ്കാരത്തിന് അപേക്ഷിക്കാം. സെയിൽസ്മാന്‍റെ ഔദ്യോഗിക വെബ്സൈറ്റായ thesalesmanoftheyear.com വഴിയാണ് അപേക്ഷിക്കേണ്ടത്. അവസാന തീയതി മാർച്ച് 31. കൂടുതൽ വിവരങ്ങൾക്ക് വാട്സ്ആപ് നമ്പറിൽ ബന്ധപ്പെടുക. ഫോൺ: 919995508275.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.