ദുബൈ: ഷാര്‍ജ-കോഴിക്കോട് വിമാനം റദ്ദാക്കിയത് പെരുന്നാള്‍ ആഘോഷിക്കാന്‍ നാട്ടിലേക്ക് തിരിച്ച യാത്രക്കാരെ വലച്ചു. ഉച്ചക്ക് 2.40 ന് ഷാര്‍ജയില്‍ നിന്ന് കോഴിക്കോട്ടേക്ക് തിരിക്കേണ്ട എയര്‍ഇന്ത്യ എക്സ്പ്രസിെൻറ ഐ എക്സ് 354 വിമാനമാണ് പൊടുന്നനെ റദ്ദാക്കിയത്. പകരം ഏര്‍പ്പെടുത്തിയ വിമാനം പുലര്‍ച്ചെ രണ്ടിന് പുറപ്പെടുമെന്നാണ് വിവരം നൽകിയത്. സാങ്കേതിക കാരണങ്ങള്‍ വിമാനം റദ്ദാക്കി യാത്രക്കാര്‍ക്ക് വേണമെങ്കില്‍ ടിക്കറ്റ് തുക തിരിച്ചുനല്‍കാം എന്നായിരുന്നു അറിയിപ്പ്.
ഇതോടെ പെരുന്നാളിന് നാട്ടിലെത്തേണ്ടവര്‍ ആശങ്കയിലായി. യാത്രക്കാര്‍ എയര്‍ലൈന്‍സ് അധികൃതരുമായി ഏറെ നേരം ചര്‍ച്ച നടത്തിയ ശേഷം രാത്രി രണ്ടിന് മറ്റൊരു വിമാനത്തില്‍ ഇവരെ നാട്ടിലെത്തിക്കാമെന്ന് ധാരണയായി. ഭക്ഷണവും മറ്റും ലഭ്യമാക്കാന്‍ എയര്‍ഇന്ത്യ അധികൃതര്‍ സന്നദ്ധത കാണിച്ചതായി യാത്രക്കാര്‍ പറഞ്ഞു. കഴിഞ്ഞദിവസങ്ങളിലായി എയര്‍ ഇന്ത്യ, എയര്‍ഇന്ത്യ എക്സ്പ്രസ് വിമാനങ്ങളുടെ വൈകി പറക്കല്‍ തുടര്‍ക്കഥയാവുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.