ദുബൈ: എസ്.എസ്.എൽ.സി പരീക്ഷയിൽ യു.എ.ഇയിലെ സ്കൂളുകൾക്ക് മികച്ച വിജയം. എട്ട് സ്കൂളുകളിൽ നാലിടങ്ങളിലും വിദ്യാർഥികൾ നൂറുമേനി വിജയം കൊയ്തു. 73 പേർ മുഴുവൻ വിഷയങ്ങളിലും എ പ്ലസ് കരസ്ഥമാക്കി. ഗൾഫിൽ യു.എ.ഇയിൽ മാത്രമാണ് എസ്.എസ്.എൽ.സി പരീക്ഷ നടന്നത്.
ആകെ പരീക്ഷയെഴുതിയ 518 പേരിൽ 504 പേരും വിജയിച്ചു. ഏറ്റവും കൂടുതൽ പേർ പരീക്ഷയെഴുതിയ അബൂദബി മോഡൽ സ്കൂൾ നൂറുമേനി സ്വന്തമാക്കി. ഇവിടെ പരീക്ഷയെഴുതിയ 135 പേരും വിജയിച്ചു. 35 പേർ ഫുൾ എപ്ലസ് കരസ്ഥമാക്കി. 49 പേർ പരീക്ഷയെഴുതിയ ഷാർജ ന്യൂ ഇന്ത്യൻ മോഡൽ സ്കൂൾ ഒമ്പത് ഫുൾ എപ്ലസോടെ നൂറുമേനി നേടി. റാസൽഖൈമ ന്യൂ ഇന്ത്യൻ ഹൈസ്കൂളിൽ പരീക്ഷയെഴുതിയ 43 പേരും വിജയിച്ചു.
22 പേരെ പരീക്ഷക്ക് ഇരുത്തിയ ഉമ്മുൽഖുവൈൻ ദി ഇംഗ്ലീഷ് സ്കൂളും നൂറുമേനി സ്വന്തമാക്കി. ദുബൈ ന്യൂ ഇന്ത്യൻ മോഡൽ സ്കൂൾ, ഗൾഫ് മോഡൽ സ്കൂൾ, അൽഐൻ ന്യൂ ഇന്ത്യൻ മോഡൽ സ്കൂൾ, ഫുജൈറ ഇന്ത്യൻ സ്കൂൾ എന്നിവയും മികച്ച വിജയം കരസ്ഥമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.