ദുബൈ: കോവിഡ്-19 വ്യാപനം തടയുന്നതിന് വിദേശികൾക്ക് ഇന്ത്യ വിസ നിയന്ത്രിച്ചതിന് പിന്നാ ലെ യു.എ.ഇയിൽ കഴിയുന്ന ഇന്ത്യക്കാരോടും യാത്രകൾ ഒഴിവാക്കാൻ നിർദേശം. നാട്ടിലേക്ക് മട ങ്ങുന്നതുൾപ്പെടെയുള്ള എല്ലാ യാത്രകളും ഒഴിവാക്കാനാണ് ഇന്ത്യൻ ഇമിഗ്രേഷൻ ബ്യൂറോ നിർ ദേശം നൽകിയിരിക്കുന്നത്.
കോവിഡ്-19 ബാധിത രാജ്യങ്ങളിൽനിന്നുള്ള വിദേശ പൗരന്മാർക്ക് വിസ നിയന്ത്രണത്തിന് പുറമേയാണ് വിദേശത്ത് താമസിക്കുന്ന ഇന്ത്യക്കാരായ പ്രവാസികൾക്ക് സർക്കാർ പുതിയ യാത്രാ ഉപദേശം നൽകിയിരിക്കുന്നത്.
ഇന്ത്യയിലെത്തുമ്പോൾ കുറഞ്ഞത് 14 ദിവസത്തേക്ക് ക്വാറൈൻറനിൽ കഴിയേണ്ടി വരുമെന്നും അത്യാവശ്യമല്ലെങ്കിൽ യാത്രകൾ പൂർണമായും ഒഴിവാക്കുന്നതാണ് നല്ലതെന്നും ഇമിഗ്രേഷൻ ബ്യൂറോ ട്വിറ്ററിൽ കുറിച്ചു. അടിയന്തര യാത്ര ആവശ്യമായവർ തങ്ങളെയും മറ്റുള്ളവരെയും സംരക്ഷിക്കാൻ മുൻകരുതൽ എടുക്കണമെന്നും ഇന്ത്യൻ കോൺസുൽ ജനറൽ ഇന്ത്യൻ പൗരന്മാരോട് അഭ്യർഥിച്ചു.
മുൻകരുതൽ നടപടികളുടെ ഭാഗമായി യു.എ.ഇ പൗരൻമാർ ഇന്ത്യയിലേക്കുള്ള യാത്ര പരമാവധി ഒഴിവാക്കണമെന്ന് കഴിഞ്ഞ ദിവസം യു.എ.ഇ വിദേശകാര്യ മന്ത്രാലയം നിർദേശിച്ചിരുന്നു. കോവിഡ് നിയന്ത്രണത്തിെൻറ ഭാഗമായി ഇന്ത്യൻ സർക്കാർ വിസ നിയന്ത്രണം ഏർപ്പെടുത്തിയ പശ്ചാത്തലത്തിലായിരുന്നു നിർദേശം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.