എച്ച്3എൻ2 വൈറസ് ബാധ മൂലം രാജ്യത്ത് രണ്ട് മരണം സ്ഥിരീകരിച്ചിരിക്കുകയാണ് ഒന്ന് കർണാടകയിലും മറ്റൊന്ന് ഹരിയാനയിലും. രാജ്യത്താകെ 90 പേർക്ക് എച്ച്3 എൻ2 മൂലം പനി ബാധിച്ചിട്ടുണ്ടെന്നും സർക്കാർ വ്യക്തമാക്കുന്നു.
തണുപ്പിൽ നിന്ന് ചൂടിലേക്കുള്ള കാലാവസ്ഥാ മാറ്റവും പനി ഉൾപ്പെടെയുള്ള പ്രശ്നങ്ങൾക്ക് വഴി വെക്കുന്നുണ്ട്. ഈ സാഹചര്യത്തിൽ എന്താണ് എച്ച്3എൻ2 എന്നും ലക്ഷണങ്ങളും പരിശോധിക്കാം.
ഇൻഫ്ലുവൻസ എ വൈറസിന്റെ സബ് ടൈപ്പാണ് എച്ച്3എൻ2. ഇത് ശ്വാസകോശ അണുബാധയുണ്ടാക്കുന്നു. ഈ വൈറസ് പക്ഷികളിലും സസ്തനികളിലും രോഗബാധയുണ്ടാക്കും. പക്ഷികളിലും മറ്റ് മൃഗങ്ങളിലും വൈറസിന് പലതവണ വ്യതിയാനം സംഭവിച്ചിട്ടുണ്ട്.
എച്ച്3എൻ2 ആണ് മനുഷ്യരിൽ ഇൻഫ്ലുവൻസക്കിടവരുത്തുന്നതെന്ന് ലോകാരോഗ്യ സംഘടന പറയുന്നു.
ലോകാരോഗ്യ സംഘടന പറയുന്നതനുസരിച്ച്, പക്ഷിപ്പനി, പന്നിപ്പനി, തുടങ്ങിയ ഇൻഫ്ലുവൻസ അണുബാധ മനുഷ്യരിൽ ഗുരുതരമല്ലാത്ത ശ്വസന അണുബാധ (പനിയും ചുമയും) ഉണ്ടാക്കുന്നു. അത് ഗുരുതരമായി ന്യുമോണിയ ആവുകയും അക്യൂട്ട് റെസ്പിറേറ്ററി ഡിസ്ട്രസ് സിൻഡ്രോമിലേക്കും (ശ്വാസകോശത്തിലെ വായു അറകളിൽ ദ്രാവകം നിറഞ്ഞ് ഓക്സിജൻ ലഭിക്കാത്ത അവസ്ഥ) മരണത്തിലേക്കും നയിക്കാം.
എച്ച്3എൻ2 വിന്റെ സാധാരണ ലക്ഷണങ്ങൾ:
ആർക്കെങ്കിലും ശ്വസനത്തിന് തടസം നേരിടുകയോ നെഞ്ചുവേദനയോ അസ്വസ്ഥതയോ അനുഭവപ്പെടുക, നിരന്തരം പനി, ഭക്ഷണമിറക്കുമ്പോൾ തൊണ്ടവേദന എന്നിവ അനുഭവപ്പെടുന്നുണ്ടെങ്കിൽ ഡോക്ടറെ കാണണം.
ചുമക്കുമ്പോഴും തുമ്മുമ്പോഴും അടുത്തിടപഴകുമ്പോഴുമാണ് എച്ച്3എൻ2 പകരുന്നത്. വൈറസുള്ള പ്രതലം സ്പർശിച്ച കൈകൾ വൃത്തിയാക്കാതെ മൂക്കും വായയും തൊട്ടാലും രോഗം ബാധിക്കാം. ഗർഭിണികൾ, കുഞ്ഞുങ്ങൾ, വൃദ്ധർ, രോഗ പ്രതിരോധശേഷി കുറവുള്ള മറ്റുള്ളവർ എന്നിവർക്ക് രോഗം സങ്കീർണമാകാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.