വാ​ക്​​സി​ൻ വി​ത​ര​ണം; നൂറ്റാണ്ടിന്‍റെ മഹാദൗത്യം

ലോ​ക​ത്തെ പി​ടി​ച്ചു​ല​ച്ച മ​ഹാ​മാ​രി​ക്ക്​ ഇ​നി​യും പ്ര​തി​വി​ധി​യാ​യി​ട്ടി​ല്ല. അ​തി​ന്​ ലോ​കം ഉ​റ്റു​നോ​ക്കു​ന്ന​ത്​ ഒ​ന്നി​ലേ​ക്കു മാ​ത്രം- വാ​ക്​​സി​ൻ. ഭൂ​മു​ഖ​ത്തെ 600 കോ​ടി​യി​ലേ​റെ മ​നു​ഷ്യ​രെ​യാ​ണ്​​ ഒ​രു അ​തി​സൂ​ക്ഷ്​​മ ജീ​വി​ക്കെ​തി​രെ പ്ര​തി​രോ​ധ​ശേ​ഷി​യു​ള്ള​വ​രാ​ക്കി മാ​റ്റേ​ണ്ട​ത്. അ​തു​കൊ​ണ്ടു​ത​ന്നെ വ​രാ​ൻ​പോ​കു​ന്ന വാ​ക്​​സി​ൻ ദൗ​ത്യം മ​നു​ഷ്യ​ച​രി​ത്രം ഇ​തു​വ​രെ കാ​ണാ​ത്ത കഠിന യ​ത്​​ന​ങ്ങ​ളി​ലൊ​ന്നാ​യി രിക്കും. നി​ർ​മാ​ണ ക​മ്പ​നി​യി​ൽ​നി​ന്ന്​ കു​ത്തി​വെ​പ്പെ​ടു​ക്കു​ന്ന ഒ​രാ​ളു​ടെ കൈ​യ​റ്റം വ​രെ അ​തെ​ത്തി​ക്കു​ന്ന​തി​ൽ നി​ര​വ​ധി ക​ട​മ്പ​ക​ളാ​ണു​ള്ള​ത്.

ഓരോ രാജ്യത്തും സു​ര​ക്ഷി​ത​മാ​യി വാ​ക്​​സി​ൻ എ​ത്തി​ക്കൽ വ്യോ​മ​യാ​ന​രം​ഗം ഇ​തു​വ​രെ നേ​രി​ടാ​ത്ത വെ​ല്ലു​വി​ളി​യാ​കും. വാക്​സിനേഷൻ നൂ​റ്റാ​ണ്ടി​െൻറ മ​ഹാ​ദൗ​ത്യ​മാ​കുന്നത്​ അങ്ങിനെയാണ്​.

വാ​ക്​​സി​ൻ ക​ട​ത്തി​ന്​ 8,000 ബോ​യി​ങ്​ -747 വി​മാ​ന​ങ്ങ​ൾ വേ​ണ്ടി വ​രു​മെ​ന്നാ​ണ്​ ഇ​ൻ​റ​ർ​നാ​ഷ​ന​ൽ എ​യ​ർ ട്രാ​ൻ​സ്​​പോ​ർ​ട്ട്​ അ​സോ​സി​യേ​ഷ​െൻറ( അ​യാ​ട്ട) ക​ണ​ക്ക്.

ര​ണ്ട്​ മു​ത​ൽ എ​ട്ട്​ ഡി​ഗ്രി വ​രെ ത​ണു​പ്പി​ലാ​ണ്​​ സാ​ധാ​ര​ണ വാ​ക്​​സി​നു​ക​ൾ സൂ​ക്ഷി​​ക്കു​ന്ന​ത്. എ​ന്നാ​ൽ, യു.​എ​സി​ലെ ഫൈ​സ​ർ ക​മ്പ​നിയുടെ വാ​ക്​​സി​ൻ​ മൈ​ന​സ്​ 70 ഡി​ഗ്രി ത​ണു​പ്പി​ൽ വേ​ണം സൂ​ക്ഷി​ക്കാ​ൻ. അ​തി​നാ​വ​ശ്യ​മാ​യ സം​വി​ധാ​നം ഏ​ർ​പ്പെ​ടു​ത്താ​ൻ ക​ഴി​യാ​ത്ത​വ​രെ​ല്ലാം ആ പ്രത്യേക വാ​ക്​​സി​ൻ പ​ട്ടി​ക​യി​ൽ നി​ന്ന്​ പു​റ​ത്താ​കും.

ഭൂ​പ്ര​ദേ​ശ വൈ​പു​ല്യം, അ​തി​ർ​ത്തി സം​ഘ​ർ​ഷ​ങ്ങ​ൾ മൂ​ല​മു​ള്ള യാ​ത്ര സ​ങ്കീ​ർ​ണ​ത, കാ​ർ​ഗോ ല​ഭ്യ​ത​ക്കു​റ​വ്​ തു​ട​ങ്ങി​യ കാ​ര​ണ​ങ്ങ​ളാ​ൽ ആ​ഫ്രി​ക്ക​യി​ൽ വാ​ക്​​സി​ൻ വി​ത​ര​ണം അ​സാ​ധ്യ​മാ​ണെ​ന്ന്​ അ​യാ​ട്ട.

വാ​ക്​​സി​ൻ എ​ത്തി​ക്കുന്നിടത്ത്​ സൂ​ക്ഷി​ച്ചു​വെ​ക്കാ​ൻ ശീ​തീ​ക​ര​ണ സം​വി​ധാ​നം വേ​ണം. ദ​രി​ദ്ര​രാ​ജ്യ​ങ്ങ​ൾ നേ​രി​ടു​ന്ന വ​ലി​യ പ്ര​തി​സ​ന്ധി​ ഇ​താ​ണ്. 

മ​ഹാ​മാ​രി​യി​ൽ ന​ട്ടം​തി​രി​യു​ന്ന ലോ​ക​ത്തെ ഏ​റ്റ​വും വി​ല​പി​ടി​പ്പു​ള്ള വ​സ്​​തു​വാ​ണ്​​ ഇന്ന്​ വാ​ക്​​സി​ൻ. അ​തി​നാ​ൽ മോ​ഷ​ണ സാ​ധ്യ​ത​യും മു​ന്നി​ലു​ണ്ട്.

വാ​ക്​​സി​ൻ പെ​ട്ടി

ഫൈ​സ​ർ ക​മ്പ​നി അ​വ​രു​ടെ വാ​ക്​​സി​ൻ കൊ​ണ്ടു​പോ​കാ​ൻ സ്വ​ന്തം പെ​ട്ടി ത​യാ​റാ​ക്കി. സ്യൂ​ട്ട്​​കേ​സി​െൻറ വ​ലു​പ്പം. ഇ​തി​ൽ ഐ​സ്​ പാ​ക്​ ചെ​യ്​​ത്​ ജി.​പി.​എ​സ്​ (ഗ്ലോ​ബ​ൽ പൊ​സി​ഷ​നി​ങ്​ സി​സ്​​റ്റം)​ഘ​ടി​പ്പി​ക്കും. 5,000 ഡോ​സ്​ വാ​ക്​​സി​ൻ 10 ദി​വ​സം വ​രെ സൂ​ക്ഷി​ക്കാം.

വി​ല ഞെ​ട്ടി​ക്കും

1200 ഡോ​സ്​ വാ​ക്​​സി​ൻ മൈ​ന​സ്​ എ​ട്ട്​ ഡി​ഗ്രി ത​ണു​പ്പി​ൽ അ​ഞ്ചു ദി​വ​സം വ​രെ സൂ​ക്ഷി​ക്കാ​വു​ന്ന വാ​ക്​​സി​ൻ പെ​ട്ടി​ക്ക്​ ബ്രി​ട്ട​നി​ൽ 5000 പൗ​ണ്ടാ​ണ്​ വി​ല (4.92 ല​ക്ഷം രൂ​പ). എ​ന്നാ​ൽ, ഒ​രു ത​വ​ണ വാ​ങ്ങി​യാ​ൽ ആ​യി​ര​ത്തി​ലേ​റെ പ്രാ​വ​ശ്യം ഉ​പ​യോ​ഗി​ക്കാ​മെ​ന്ന മെ​ച്ച​മു​ണ്ട്.