ബെർലിൻ: 30 വയസിൽ താഴെയുള്ളവരിൽ മൊഡേണ വാക്സിൻ ആരോഗ്യ പ്രശ്നങ്ങൾ ഉണ്ടാക്കുമെന്ന മുന്നറിയിപ്പുമായി ജർമൻ ആരോഗ്യ വകുപ്പ് ഉദ്യോഗസ്ഥർ. മൊഡേണ വാക്സിൻ 30 വയസിന് താഴെ ഉള്ളവരിൽ ഹൃദ്രോഗത്തിന് കാരണമാകാമെന്നാണ് ആരോഗ്യ വകുപ്പിന്‍റെ കണ്ടെത്തൽ.
30 വയസിന് താഴെയുള്ളവരിൽ ഹൃദയ ധമനികളിൽ നീര് വെക്കുന്ന മയോകാർഡിറ്റിസ്, ഹൃദയത്തിനു ചുറ്റുമുള്ള കോശങ്ങളിൽ നീര് വെക്കുന്ന പെരികാർഡിറ്റിസ് എന്നീ രോഗങ്ങൾക്ക് വാക്സിൻ കാരണമാകാമെന്നാണ് ജർമൻ ആരോഗ്യ വിദഗ്ധരുടെ കണ്ടെത്തൽ. അതേസമയം, 30 വയസിന് മുകളിലുള്ളവരിൽ ഇത്തരത്തിൽ ആരോഗ്യ പ്രശ്നങ്ങൾ ഉണ്ടാകില്ലെന്നും വിദ്ഗധർ പറയുന്നു.
ജർമനിയുടെ ഫെഡറൽ ഇൻസ്റ്റിറ്റ്യൂട്ട് ഫോർ വാക്സിൻസ് ആൻഡ് ബയോമെഡിസിന്‍റെ കണ്ടെത്തലുകൾ അടിസ്ഥാനമാക്കിയാണ് സ്റ്റിക്കോയുടെ നിർദേശം. യുവാക്കളിൽ മോഡേണ വാക്സിന് ഉപയോഗത്തിനുള്ള അനുമതി അമേരിക്ക വൈകിപ്പിച്ചിരുന്നു. എന്നാൽ അഞ്ച് മുതൽ 11 വയസ് വരെയുള്ള കുട്ടികളിൽ ഫൈസർ വാക്സിൻ ഉപയോഗത്തിന് കഴിഞ്ഞ ആഴ്ച യു.എസ് അനുമതി നൽകുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.