തിരുവനന്തപുരം: കെ.എസ്.ആർ.ടി.സിയുടെ ജനത ബസ് തിങ്കളാഴ്ച മുതൽ സർവീസ് ആരംഭിക്കും. കുറഞ്ഞ ടിക്കറ്റ് നിരക്കിൽ എസിയിൽ യാത്ര ചെയ്യാൻ കഴിയും എന്നതാണ് ജനത ബസിന്‍റെ സവിശേഷത. എസി ലോ ഫ്ലോർ ബസുകളാണിവ. 20 രൂപയാണ് മിനിമം ചാർജ്. സൂപ്പർ ഫാസ്റ്റിനേക്കാൾ രണ്ടുരൂപ കുറവാണിത്.
കൊല്ലം-തിരുവനന്തപുരം, കൊട്ടാരക്കര - തിരുവനന്തപുരം റൂട്ടുകളിലാണ് പരീക്ഷണാടിസ്ഥാനത്തിൽ ആദ്യമായി സർവീസ് ആരംഭിക്കുന്നത്‌. പരീക്ഷണം വിജയിച്ചാൽ കിഫ്‌ബി വായ്‌പ വഴി കൂടുതൽ ബസ് വാങ്ങും. ദിവസം നാല് ട്രിപ്പുകളാണ് ഉള്ളത്.
രാവിലെ 7.15ന് കൊല്ലത്തുനിന്നും കൊട്ടാരക്കരയിൽനിന്നും സർവ്വീസ് ആരംഭിക്കുന്ന ബസ് ഒമ്പതരയോടുകൂടി സെക്രട്ടറിയറ്റ്‌ പരിസരത്തെത്തും. വൈകുന്നേരത്തെ ട്രിപ്പ് 4.45ന് തമ്പാനൂരിൽനിന്ന്‌ വിമെൻസ്‌ കോളജ്‌, ബേക്കറി ജങ്‌ഷൻ വഴി കന്റോൺമെന്റ്‌ റോഡ്‌ സെക്രട്ടറിയറ്റിലെത്തും. വൈകിട്ട്‌ അഞ്ചിന്‌ കൊല്ലം, കൊട്ടാരക്കര എന്നിവിടങ്ങളിലേക്ക്‌ പുറപ്പെടും. ഫാസ്റ്റ് പാസഞ്ചറിന്റെ സ്റ്റോപ്പുകളെല്ലാം ജനത സർവീസിനുമുണ്ടാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.