ഔദ്യോഗികമായി പുറത്തിറങ്ങുന്നതിന് മുന്നോടിയായി ജർമ്മൻ വാഹന നിർമാതാക്കളായ ഔഡി അവരുടെ ഇലക്ട്രിക് എസ്. യു.വി ഇ-ട്രോൺ അവതരിപ്പിച്ചു. ജൂലൈ 12നാണ് ഇ-ട്രോണിനെ കമ്പനി ഔദ്യോഗികമായി അവതരിപ്പിക്കുക. ഇലക്ട്രിക് കാർ വിപ ണിയിൽ സാന്നിധ്യം ശക്തമാക്കാൻ ലക്ഷ്യമിട്ടാണ് ഇ-ട്രോണിൻെറയും വരവ്.
ഔഡിയുടെ ക്യു 5, ക്യു 7 മോഡലുകൾക്ക് ഇടയിലായിരിക്കും ഇ-ട്രോണിൻെറ സ്ഥാനം. ഡിസൈനിൽ പൂർണമായും ക്യു സീരിസിനെ കോപ്പിയടിക്കാതെ തനത് രൂപം ഇ-േട്രാണിന് നൽകാൻ ഔഡി ശ്രമിച്ചിട്ടുണ്ട്. രണ്ട് ആക്സിലുകളിലും ഓരോ ഇലക്ട്രിക് മോട്ടോറുകളാണ് ഇ-ട്രോണിന് നൽകിയിരിക്കുന്നത്.
മുന്നിൽ 125kWൻെറ മോട്ടോറും പിന്നിൽ 140kW ഇലക്ട്രിക് മോട്ടോറുമാണ് ഔഡി ഉൾക്കൊള്ളിച്ചിരിക്കുന്നത്. 355 ബി.എച്ച്.പിയാണ് ഇരു മോട്ടോറുകളും കൂടി നൽകുന്ന പരമാവധി കരുത്ത്. സിംഗിൾ ചാർജിൽ 400 കിലോ മീറ്റർ വരെ സഞ്ചരിക്കാൻ കഴിയുന്ന മോഡലാണ് ഇ-ട്രോൺ. കേവലം 6.6 സെക്കൻഡിൽ ഇ-ട്രോൾ 0-100 കി.മി വേഗത കൈവരിക്കും. ബൂസ്റ്റ് മോഡിൽ 100 കിലോ മീറ്റർ വേഗത കൈവരിക്കാൻ 5.5 സെക്കൻഡ് മതി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.