ലഖ്നോ: ഉത്തർപ്രദേശിൽ രണ്ട് സമാജ്വാദി പാർട്ടി നേതാക്കൾ വ്യത്യസ്ത സംഭവങ്ങളിലായി വെടിയേറ്റ് മരിച്ചു. രാഷ്ട്രീയ വൈരാഗ്യമല്ല കൊലപാതകത്തിന് പിന്നിലെന്ന് പൊലീസ് അറിയിച്ചു.
41കാരനായ ലാൽജി യാദവാണ് കൊല്ലപ്പെട്ട ഒന്നാമൻ. വെള്ളിയാഴ്ച രാവിലെ 9.30ന് ഖ്വാജ സാരി എരിയയിലെ സിദ്ധികുപുരിലാണ് ലാൽജി കൊല്ലപ്പെട്ടത്. ഷാഗഞ്ചിൽ നിന്ന് ജുൻപൂരിലേക്കുള്ള യാത്രക്കിടെ മോട്ടോർ സൈക്കിളിലെത്തിയ മൂന്നംഗ സംഘമാണ് ലാൽജിക്ക് നേരെ വെടിയുതിർത്തത്. കൊല്ലപ്പെട്ട യാദവിനെതിരെ നിരവധി ക്രിമിനൽ കേസുകളുണ്ട്.
ഗൗതം ബുദ്ധ നഗർ ജില്ലയിൽ സമാജ്വാദി പാർട്ടി ദാദ്രി മണ്ഡലം പ്രസിഡൻറ് രാമേതക് കതാരിയയാണ് കൊല്ലപ്പെട്ടത്. മുഖംമൂടി ധരിച്ചെത്തിയ നാലംഗ സംഘമാണ് രമേതകിനെതിരെ വെടിയുതിർത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.