ന്യൂഡല്‍ഹി: അസമില്‍ ഉല്‍ഫ തീവ്രവാദികള്‍ തട്ടികൊണ്ടുപോയ ബി.ജെ.പി നേതാവിന്‍റെ മകനെ മോചിപ്പിച്ചു. ബി.ജെ.പി നേതാവ് രത്നേശ്വര്‍ മൊറാന്‍റെ മകന്‍ കുല്‍ദീപ് മൊറാനെ(27) ആഗസ്റ്റ് ഒന്നിനാണ് ഉല്‍ഫ(ഐ) വിഭാഗം തീവ്രവാദികള്‍ കടത്തികൊണ്ടുപോയത്.
അസം- അരുണാചല്‍ പ്രദേശ് അതിര്‍ത്തി ഗ്രാമത്തില്‍ നിന്നും തട്ടികൊണ്ടുപോയ കുല്‍ദീപിനെ മോചിപ്പിക്കാന്‍ ഒരു കോടി രൂപ നല്‍കണമെന്ന് തീവ്രവാദികള്‍ വിഡിയോ ക്ളിപ്പിലൂടെ ആവശ്യപ്പെട്ടിരുന്നു. കുല്‍ദീപിനെ ഉള്‍പ്പെടുത്തികൊണ്ട് ചിത്രീകരിച്ച വിഡിയോയില്‍ പണം നല്‍കിയില്ളെങ്കില്‍ കൊലപ്പെടുത്തുമെന്നും ഭീഷണിയുയര്‍ത്തി. വെള്ളിയാഴ്ച രാവിലെ മ്യാന്‍മര്‍-അരുണാചല്‍ ബോര്‍ഡറില്‍ കുല്‍ദീപിനെ മോചിപ്പിച്ച് സംഘം രക്ഷപ്പെടുകയായിരുന്നു. എന്നാല്‍ മോചന ദ്രവ്യമായി രൂപ നല്‍കിയോ എന്ന കാര്യം വ്യക്തമല്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.