ന്യൂഡൽഹി: പരീക്ഷക്കെത്താൻ വൈകിയതിനാൽ ഹാളിലേക്ക് പ്രവേശിപ്പിക്കാത്തതിൽ മനം നൊന്ത് 28കാരൻ ആത്മഹത്യ ചെയ്തു. കർണാടകക്കാരനായ വരുൺ എന്ന വിദ്യാർഥിയാണ് രാജേന്ദ്ര നഗറിലുള്ള വാടക മുറിയിൽ തൂങ്ങി മരിച്ചത്.
ഇന്നലെ നടന്ന യു.പി.എസ്.സി സിവിൽ സർവീസ് പ്രിലിമിനറി പരീക്ഷയെഴുതാൻ ഉത്തര ഡൽഹിയിലെ പഹഡ്ഗഞ്ചിലുള്ള പരീക്ഷാസെൻററിൽ എത്തിയെങ്കിലും ഹാളിൽ പ്രവേശിക്കാനുള്ള സമയം വൈകിയതിനാൽ അധികൃതർ തടയുകയായിരുന്നു. ഏറെ നാളായി ഇൗ പരീക്ഷ മുന്നിൽ കണ്ട് കഠിന പരിശ്രമം നടത്തി വരുകയായിരുന്നു വരുൺ. മൃതദേഹത്തിനരികിൽ നിന്ന് പൊലീസ് ആത്മഹത്യ കുറിപ്പ് കണ്ടെടുത്തിട്ടുണ്ട്.
വരുണിെൻറ ഫോണിലേക്ക് പല തവണ വിളിച്ചിട്ടും എടുക്കാത്തതിനാൽ വീട്ടിൽ വന്നു നോക്കിയ കൂട്ടുകാരിയാണ് ഇയാളെ മരിച്ച നിലയിൽ കണ്ടത്. വീടീനു പുറത്തു നിന്ന് വിളിച്ചിട്ടും വാതിൽ തുറക്കാത്തതിനാൽ ജനൽ വഴി നോക്കിയപ്പോൾ ഫാനിൽ തൂങ്ങി മരിച്ച നിലയിൽ കാണുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.