ബാരിക്കേഡ് നീക്കാൻ സംഘടിച്ച് മണിപ്പൂർ ജനത; സംഘർഷം, 50 പേ​ർ​ക്ക് പ​രി​ക്ക്

ഇം​ഫാ​ൽ: മ​ണി​പ്പൂ​ർ വം​ശീ​യ സം​ഘ​ർ​ഷ​ത്തി​നി​ടെ വീ​ടൊ​ഴി​ഞ്ഞു​പോ​കേ​ണ്ടി വ​ന്ന​വ​ർ ബി​ഷ്ണു​പു​ർ ജി​ല്ല​യി​ലെ ഫൗ​ഗാ​ക്ചോ ഇ​ഖാ​യി​ൽ സ്വ​ന്തം വീ​ടു​ക​ളി​ലേ​ക്ക് മ​ട​ങ്ങി​യെ​ത്താ​നാ​യി പ്ര​തി​ഷേ​ധ​വു​മാ​യി ത​ടി​ച്ചു​കൂ​ടി. സൈ​നി​ക ബാ​രി​ക്കേ​ഡു​ക​ൾ മ​റി​ക​ട​ന്ന് വീ​ടു​ക​ളി​ലേ​ക്ക് മ​ട​ങ്ങാ​നാ​ണ് ജ​നം ഒ​ത്തു​കൂ​ടി​യ​ത്. ദ്രു​ത​ക​ർ​മ​സേ​ന​യും അ​സം റൈ​ഫി​ൾ​സും മ​ണി​പ്പൂ​ർ പൊ​ലീ​സും പ്ര​ക്ഷോ​ഭ​ക​രു​മാ​യി ഏ​റ്റു​മു​ട്ടി. പ​ല​പ്പോ​ഴാ​യി ക​ണ്ണീ​ർ വാ​ത​കം പ്ര​യോ​ഗി​ച്ചു. പ്ര​ക്ഷോ​ഭ​ക​ർ സ്ഥ​ല​ത്തു​ത​ന്നെ നി​ല​യു​റ​പ്പി​ച്ചു. ത​ങ്ങ​ളു​ടെ വീ​ടു​ള്ള തോ​ർ​ബു​ങ്ങി​ലേ​ക്ക് മ​ട​ങ്ങാ​ൻ അ​നു​വ​ദി​ക്ക​ണ​മെ​ന്നാ​യി​രു​ന്നു അ​വ​രു​ടെ ആ​വ​ശ്യം. ​

50 പേ​ർ​ക്ക് പ​രി​ക്കേ​റ്റു. ഇ​തി​ൽ ഏ​റെ​യും സ്ത്രീ​ക​ളാ​ണ്. പ​രി​ക്കേ​റ്റ​വ​രെ ബി​ഷ്ണു​പു​ർ ജി​ല്ല ആ​ശു​പ​ത്രി​യി​ലേ​ക്കും സ​മീ​പ​ത്തെ ചി​കി​ത്സ കേ​ന്ദ്ര​ങ്ങ​ളി​ലേ​ക്കും മാ​റ്റി. സം​ഘ​ർ​ഷം വ്യാ​പി​ക്കാ​തി​രി​ക്കാ​നാ​യി മ​ണി​പ്പൂ​രി​ലെ അ​ഞ്ച് താ​ഴ്വ​ര ജി​ല്ല​ക​ളി​ൽ ചൊ​വ്വാ​ഴ്ച വൈ​കീ​ട്ടു​മു​ത​ൽ ക​ർ​ഫ്യൂ ആ​ണ്. പു​ല​ർ​ച്ചെ അ​ഞ്ചു മു​ത​ൽ വൈ​കീ​ട്ട് ആ​റു വ​രെ ക​ർ​ഫ്യൂ ഇ​ള​വ് നി​ല​നി​ന്ന ജി​ല്ല​ക​ളാ​ണി​ത്. കോ​ഓ​ഡി​നേ​റ്റി​ങ് ക​മ്മി​റ്റി ഓ​ൺ മ​ണി​പ്പൂ​ർ ഇ​ന്റ​ഗ്രി​റ്റി (സി.​ഒ.​സി.​ഒ.​എം.​ഐ)​യും അ​വ​രു​ടെ വ​നി​ത വി​ഭാ​ഗ​വും ബാ​രി​ക്കേ​ഡു​ക​ൾ നീ​ക്കാ​ൻ രം​ഗ​ത്തി​റ​ങ്ങ​ണ​മെ​ന്ന് ക​ഴി​ഞ്ഞ ദി​വ​സം ആ​ഹ്വാ​നം ചെ​യ്തി​രു​ന്നു. ബാ​രി​ക്കേ​ഡ് നീ​ക്കാ​നു​ള്ള ആ​ഹ്വാ​നം സി.​ഒ.​സി.​ഒ.​എം.​ഐ പി​ൻ​വ​ലി​ക്ക​ണ​മെ​ന്ന് സം​സ്ഥാ​ന സ​ർ​ക്കാ​ർ വ​ക്താ​വും മ​ന്ത്രി​യു​മാ​യ സ​പം ര​ഞ്ജ​ൻ വാ​ർ​ത്ത സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടി​രു​ന്നെ​ങ്കി​ലും ഫ​ലം ക​ണ്ടി​ല്ല. അ​വ​ശ്യ സ​ർ​വി​സു​ക​ളി​ലു​ള്ള​വ​രു​ടെ വാ​ഹ​ന​ങ്ങ​ൾ​ക്ക് ക​ർ​ഫ്യൂ ബാ​ധ​ക​മാ​യി​രി​​ക്കി​ല്ലെ​ന്ന് സ​ർ​ക്കാ​ർ അ​റി​യി​ച്ചു. ആ​ഗ​സ്റ്റ് 30ന​കം ബാ​രി​ക്കേ​ഡു​ക​ൾ നീ​ക്കാ​ൻ സ​ർ​ക്കാ​റി​നോ​ട് ആ​വ​ശ്യ​പ്പെ​ട്ട​താ​ണെ​ന്ന് സി.​ഒ.​സി.​ഒ.​എം.​ഐ മാ​ധ്യ​മ കോ​ഓ​ഡി​നേ​റ്റ​ർ സോ​മെ​ന്ദ്രോ തോ​ക്ചോം പ​റ​ഞ്ഞു.