മുംബൈ: രണ്ടാം ഭാര്യയെ അമ്മയെന്ന് അഭിസംബോധന ചെയ്യാൻ വിസമ്മതിച്ചതിന്റെ പേരിൽ മകനെ കൊലപ്പെടുത്തിയ കേസിൽ യുവാവിന് കോടതി ജീവപര്യന്തം തടവുശിക്ഷ വിധിച്ചു. 2018ലാണ് കേസിനാസ്പദമായ സംഭവം നടന്നത്. കൊലപാതകത്തിൽ പ്രതിയായ സലിം ശൈഖ് കുറ്റക്കാരനാണെന്ന് അഡീഷനൽ സെഷൻസ് ജഡ്ജി എസ്.ഡി തൗഷികർ തിങ്കളാഴ്ച വിധിച്ചു.
മകൻ ഇമ്രാൻ തന്റെ രണ്ടാം ഭാര്യയെ അമ്മ എന്നു വിളിക്കാത്തതാണ് യുവാവിനെ പ്രകോപിപ്പിച്ചത്. കുറ്റത്തിന് സലിം ശൈഖ് മാത്രമാണ് രചയിതാവ്' താൻ മാത്രമാണെന്ന് പ്രോസിക്യൂഷൻ തെളിയിച്ചുവെന്ന് കോടതി ചൂണ്ടിക്കാട്ടി.
സലിം ശൈഖിന്റെ ആദ്യ ഭാര്യ നൽകിയ പരാതിയിലാണ് കേസ് എടുത്തത്. 2018 ആഗസ്റ്റിൽ രണ്ടാമത്തെ ഭാര്യയെ അമ്മ എന്ന് വിളിക്കാൻ വിസമ്മതിച്ചതിനെ തുടർന്ന് പ്രതി മകൻ ഇമ്രാനുമായി വഴക്കിട്ടതാണ് സംഭവം.
സലിം ശൈഖിന്റെ ആദ്യ ഭാര്യയുടെ പരാതിയിൽ ദക്ഷിണ മുംബൈയിലെ ഡോംഗ്രി ഏരിയയിലെ വീട്ടിൽ പോലീസ് എത്തുമ്പോഴേക്കും പ്രതി മകനെ കത്രിക കൊണ്ട് ആക്രമിക്കുകയും ഗുരുതരമായി പരിക്കേൽപ്പിക്കുകയും ചെയ്തു. ഇരയെ ആശുപത്രിയിൽ എത്തിച്ചെങ്കിലും മരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.