പോളിംഗ് ബൂത്തിനു മുന്നിൽ ‘ആപ്​’ പ്രവർത്തകനെ മർദ്ദിക്കാൻ ശ്രമിച്ച്​ കോൺഗ്രസ്​ സ്ഥാനാർഥി അൽക ലാംബ

ന്യൂഡൽഹി: പോളിംഗ് ബൂത്തിനു മുന്നിൽ വെച്ച്​ ആം ആദ്മി പ്രവർത്തകനെ മർദ്ദിക്കാൻ ശ്രമിച്ച്​ കോൺഗ്രസ് സ്ഥാനാർഥിയു ം മുൻ ആം ആദ്മി എം‌.എൽ‌.എയുമായ അൽക ലാംബ. ത​​െൻറ മകനെക്കുറിച്ച് ആം ആദ്​മി പ്രവർത്തകൻ പറഞ്ഞ ചില പരാമർശങ്ങളാണ്​ അൽക ലാംബയെ ചൊടിപ്പിച്ചത്​. എന്നാൽ എന്താണ്​ പ്രവർത്തകൻ പറഞ്ഞതെന്ന്​ വ്യക്തമല്ല.

അൽക ലാംബ ആപ്​ പ്രവർത്തക​െന മർ ദിക്കാനായി കൈ വീശുന്ന ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുകയാണ്​. എന്നാൽ അൽ ക ലാംബയുടെ മർദ്ദനം പ്രവർത്തക​​െൻറ ദേഹത്ത്​ കൊണ്ടിട്ടില്ല. മജ്നു കാ തില പോളിംഗ് ബൂത്തിന് മുന്നിൽ ശനിയാഴ്ച രാവിലെയാണ്​ സംഭവം നടന്നത്​. ആം ആദ്മി പാർട്ടി പ്രവർത്തകനെ അൽക ലാംബ ആക്രമിച്ചപ്പോൾ സംഭവസ്ഥലത്തുണ്ടായിരുന്ന പൊലീസ് ഉദ്യോഗസ്ഥർ പ്രശ്​നത്തിൽ ഇടപെടുകയും പ്രവർത്തകനെ ബലം പ്രയോഗിച്ച്​ സ്ഥലത്തു നിന്ന്​ നീക്കുകയും ചെയ്​തു.

ചാന്ദ്‌നി ചൗക്ക് എം‌.എൽ‌.എയായ അൽക ലാംബ ആം ആദ്​മി പാർട്ടിയുമായും മുഖ്യമന്ത്രി അരവിന്ദ് കെജ്‌രിവാളുമായുള്ള അഭിപ്രായവ്യത്യാസത്തിനും പരസ്യമായ തർക്കത്തിനുമൊടുവിൽ പാർട്ടി വിട്ട്​ കോൺഗ്രസിലെത്തുകയായിരുന്നു. ഇത്തവണ കോൺഗ്രസ്​ ടിക്കറ്റിൽ ചാന്ദ്‌നി ചൗക്ക്​ മണ്ഡലത്തിൽ നിന്നു തന്നെയാണ്​ അവർ ജനവിധി തേടുന്നത്​.