കൊൽക്കത്ത: ബംഗാളിൽ ബി.ജെ.പി വിജയിച്ച് അധികാരത്തിലേറിയാൽ സംസ്ഥാനത്തെ സ്ത്രീ സുരക്ഷയ്ക്കായി 'ആന്‍റി റോമിയോ സ്ക്വാഡ്' രൂപീകരിക്കമെന്ന് ഉത്തർപ്രദേശ് മുഖ്യമന്ത്രിയും ബി.ജെ.പി നേതാവുമായ യോഗി ആദിത്യനാഥ് പറഞ്ഞിരുന്നു. തൃണമൂൽ സർക്കാരിന് കീഴിൽ ബംഗാളിലെ സ്ത്രീകൾ സുരക്ഷിതരല്ലെന്നാണ് യോഗി അവകാശപ്പെടുന്നത്. കേരളത്തിൽ തെരഞ്ഞെടുപ്പ് പ്രചാരണത്തിനെത്തിയപ്പോൾ 'ലൗ ജിഹാദാ'യിരുന്നു യോഗി ഉയർത്തിക്കാട്ടിയത്.
'ബംഗാളില്‍ സ്ത്രീകള്‍ സുരക്ഷിതരല്ലാത്തത് എന്തുകൊണ്ടാണ്..? ഞങ്ങള്‍ അധികാരത്തിലേറിയാൽ പെണ്‍കുട്ടികളുടെ വിദ്യാഭ്യാസവും യാത്രയും സൗജന്യമാക്കും. പെണ്‍കുട്ടികളുടെ സ്‌കൂളിന് ചുറ്റും കറങ്ങി നടക്കുന്നവരെ തുരത്താനായി ആൻറി റോമിയോ സ്ക്വാഡും രൂപീകരിക്കും. -യോഗി പറഞ്ഞു. യോഗി അധികാരമേറ്റെടുത്ത ശേഷം സ്ത്രീ സുരക്ഷക്ക് എന്ന പേരിൽ 2017ല്‍ ഉത്തര്‍പ്രദേശില്‍ രൂപീകരിച്ചതായിരുന്നു ആന്‍റി റോമിയോ സ്ക്വാഡ്.
എന്നാൽ, യോഗിയുടെ വിചിത്രമായ അവകാശവാദങ്ങളോട് രൂക്ഷമായാണ് കോൺഗ്രസ് എംപിയായ ശശി തരൂരും തൃണമൂൽ എംപിയായ മഹുവ മൊയ്ത്രയും പ്രതികരിച്ചത്. 'അജയ് ബിഷ്ട് അഥവാ യോഗി ആദിത്യനാഥിൽ നിന്നുള്ള ഏറ്റവും പുതിയത്. ''ബംഗാളിൽ ബി.ജെ.പി അധികാരത്തിലേറിയാൽ സത്രീ സുരക്ഷയ്ക്കായി 'ആന്‍റി റോമിയോ സ്ക്വാഡ്' രൂപീകരിക്കും'' ഗുഡ്ഡുജി - നിങ്ങളുടെ രോഗത്തിൽ നിന്നും വ്യത്യസ്തമായി ഞങ്ങൾ ബംഗാളികൾ ഹൃദയം കൊണ്ട് കാമുകീ-കാമുകൻമാരാണ്. ഞങ്ങളുടെ സംഗീതം, കവിത, മധുരപലഹാരങ്ങൾ എന്നിവ ഇഷ്ടപ്പെടുന്നതിനോടൊപ്പം ഞങ്ങളുടെ റോമിയോകളെയും ഞങ്ങൾ സ്നേഹിക്കുന്നു. -മഹുവ മൊയ്ത്ര ട്വീറ്റ് ചെയ്തു.
Latest from Ajay Bisht aka YogiCM:
— Mahua Moitra (@MahuaMoitra) April 8, 2021
"Anti-Romeo squads in Bengal if BJP is voted in"
Gudduji- Unlike your ilk, we Bengalis are lovers at heart!
We like our music, our poetry, our mishti & yes, our Romeos too!
ഈ മുഖ്യമന്ത്രിയുടെ ദുർഭരണകാലത്തെ ഒരേയൊരു നേട്ടം വിഡ്ഡിത്തങ്ങൾക്ക് നിയമസാധുത നൽകലാണ്. ഇപ്പോൾ മറ്റൊരു സംസ്ഥാനത്തും സാമൂഹികവും ലൈംഗികവുമായ ഉപദ്രവങ്ങൾക്ക് ഔദ്യോഗിക അനുമതി നൽകാനാണ് അയാൾ ആഗ്രഹിക്കുന്നത്. പാഠം വ്യക്തമാണ്. ബി.ജെ.പിയെ തെരഞ്ഞെടുക്കുക.. ഗുണ്ടാരാജ് നേടുക. ബംഗാളിലെ വോട്ടർമാർക്ക് മുന്നറിയിപ്പ് നൽകുന്നു. -ശശി തരൂർ ട്വിറ്ററിൽ കുറിച്ചു.
The legitimisation of lumpen conduct is the only achievement of this chief minister in his own tenure of misgovernance. Now he wants to give official sanction to social&sexual harassment in another state. The lesson is clear: elect BJP, get Goonda Raj. Bengal's voters are warned. pic.twitter.com/rdOLNQz9xQ
— Shashi Tharoor (@ShashiTharoor) April 9, 2021
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.