കളഞ്ഞു കുളിച്ച്​ കോൺഗ്രസ്​; കുളിരായി തെന്നിന്ത്യ

ന്യൂ​ഡ​ൽ​ഹി: ബി.​ജെ.​പി​യു​മാ​യു​ള്ള സെ​മി ഫൈ​ന​ൽ കോ​ൺ​ഗ്ര​സ്​ ക​ള​ഞ്ഞു​കു​ളി​ച്ചു. തെ​ല​ങ്കാ​ന​യി​ൽ ബി.​ആ​ർ.​എ​സ്​ സ​ർ​ക്കാ​റി​നോ​ടു​ള്ള ജ​ന​രോ​ഷം ഭാ​ഗ്യ​വ​ശാ​ൽ അ​നു​കൂ​ല​മാ​യി മാ​റി​യ​തൊ​ഴി​ച്ചാ​ൽ കോ​ൺ​ഗ്ര​സി​നെ ന​ടു​ക്ക​ത്തി​ലേ​ക്കും നി​രാ​ശ​യി​ലേ​ക്കും ത​ള്ളി​വി​ടു​ന്ന​താ​ണ്​ നി​യ​മ​സ​ഭ തെ​ര​ഞ്ഞെ​ടു​പ്പു ഫ​ല​ങ്ങ​ൾ. ഭ​ര​ണ​മു​ണ്ടാ​യി​രു​ന്ന രാ​ജ​സ്ഥാ​ൻ, ഛത്തി​സ്​​ഗ​ഢ്​ എ​ന്നി​വി​ട​ങ്ങ​ളി​ലും ബി.​ജെ.​പി ശ​ക്​​ത​മാ​യ ഭ​ര​ണ​വി​രു​ദ്ധ​വി​കാ​രം നേ​രി​ട്ട മ​ധ്യ​പ്ര​ദേ​ശി​ലും ജ​ന​വി​ധി​യി​ൽ അ​വ്യ​ക്​​ത​ത പോ​ലും സൃ​ഷ്ടി​ക്കാ​ൻ കോ​ൺ​ഗ്ര​സി​ന്​ സാ​ധി​ച്ചി​ല്ല.

കാ​വി​ത്ത​മു​ള്ള പ്ര​ചാ​ര​ണ​ത്തി​ലൂ​ടെ വി​ജ​യ​ത്തി​ലേ​ക്ക്​ ചാ​ടി​ക്ക​ട​ക്കാ​ൻ ബി.​ജെ.​പി​യെ കൈ​യ​യ​ച്ചു സ​ഹാ​യി​ച്ച​ത്​ കോ​ൺ​ഗ്ര​സി​ന്‍റെ സം​ഘ​ട​ന ദൗ​ർ​ബ​ല്യ​വും ഉ​ൾ​പ്പോ​രു​മാ​ണ്. ബി.​ജെ.​പി​യി​ലും ഉ​ൾ​പ്പോ​രു​ക​ളു​ണ്ടാ​യി​രു​ന്നു. ​മോ​ദി​പ്ര​താ​പം കൊ​ണ്ട്​ അ​ത്​ മ​റി​ക​ട​ക്കാ​ൻ ബി.​ജെ.​പി​ക്ക്​ സാ​ധി​ച്ചു. എ​ന്നാ​ൽ പ്രാ​ദേ​ശി​ക നേ​താ​ക്ക​ൾ തെ​ര​ഞ്ഞെ​ടു​പ്പ്​ ന​യി​ക്കു​ക​യും നി​യ​ന്ത്രി​ക്കു​ക​യും ചെ​യ്ത കോ​ൺ​ഗ്ര​സി​ൽ ദേ​ശീ​യ നേ​താ​ക്ക​ൾ​ക്ക്​ സ​ഹാ​യ​ക റോ​ൾ മാ​ത്ര​മാ​ണ്​ ഉ​ണ്ടാ​യി​രു​ന്ന​ത്. നേ​തൃ​ത്വ​ത്തി​ന്‍റെ അ​നു​ശാ​സ​ന​ങ്ങ​ൾ ഉ​ദ്ദേ​ശി​ച്ച ഫ​ലം ക​ണ്ടി​ല്ല. അ​മി​ത​വി​ശ്വാ​സ​ത്തി​ലാ​യി​രു​ന്നു തു​ട​ക്കം മു​ത​ൽ കോ​ൺ​ഗ്ര​സ്.

മ​ധ്യ​പ്ര​ദേ​ശി​ൽ കേ​ന്ദ്ര-​സം​സ്ഥാ​ന ഭ​ര​ണ​ത്തോ​ടു​ള്ള ശ​ക്​​ത​മാ​യ എ​തി​ർ​വി​കാ​രം ആ​വാ​ഹി​ക്കാ​ൻ ഓ​ടി​ത്ത​ള​ർ​ന്ന പ​ട​ക്കു​തി​ര​ക​ളാ​യ ക​മ​ൽ​നാ​ഥി​നും ദി​ഗ്​​വി​ജ​യ്​​സി​ങ്ങി​നും ക​ഴി​ഞ്ഞി​ല്ല. അ​വ​ർ ക​ഴി​ഞ്ഞാ​ൽ എ​ണ്ണി​പ്പ​റ​യാ​ൻ ത​ക്ക ര​ണ്ടാം​നി​ര നേ​താ​ക്ക​ൾ കോ​ൺ​ഗ്ര​സി​ന്​ അ​വി​ടെ​യി​ല്ല. ഒ​രു വ​ശ​ത്ത്​ ആ​ർ.​എ​സ്.​എ​സ്​ എ​ണ്ണ​യി​ട്ട യ​ന്ത്ര​മാ​യി പ്ര​വ​ർ​ത്തി​ച്ച​പ്പോ​ൾ, പ്ര​ചാ​ര​ണ യ​ന്ത്രം ച​ലി​പ്പി​ക്കാ​ൻ താ​ഴെ​ത്ത​ട്ടി​ൽ ശ​ക്​​ത​മാ​യ പാ​ർ​ട്ടി ഘ​ട​ക​ങ്ങ​ളും സം​വി​ധാ​ന​ങ്ങ​ളും കോ​ൺ​ഗ്ര​സി​ന്​ ഉ​ണ്ടാ​യി​രു​ന്നി​ല്ല. അ​തി​നി​ട​യി​ലും ഇ​ൻ​ഡ്യ പ്ര​സ്ഥാ​ന​ത്തെ ക​രു​തി സീ​റ്റ്​ വി​ട്ടു​വീ​ഴ്ച​ക​ൾ​ക്ക്​ ത​യാ​റാ​യ​തു​മി​ല്ല. രാ​ഹു​ൽ ഗാ​ന്ധി ന​യി​ച്ച ഭാ​ര​ത്​ ജോ​ഡോ യാ​ത്ര​ക്കോ അ​ദ്ദേ​ഹം അ​ട​ക്ക​മു​ള്ള ദേ​ശീ​യ നേ​താ​ക്ക​ൾ​ക്കോ സം​സ്ഥാ​ന​ത്ത്​ ച​ല​ന​മു​ണ്ടാ​ക്കാ​ൻ ക​ഴി​ഞ്ഞി​ല്ലെ​ന്ന്​ ബി.​ജെ.​പി​യു​ടെ മൂ​ന്നി​ൽ ര​ണ്ടി​ന​ടു​ത്ത ഭൂ​രി​പ​ക്ഷം തെ​ളി​യി​ക്കു​ന്നു.

രാ​ജ​സ്ഥാ​നി​ൽ അ​ഞ്ചു വ​ർ​ഷ​വും അ​ടി​ച്ചു​നീ​ങ്ങി​യ അ​ശോ​ക്​ ഗെ​ഹ്​​ലോ​ട്ടും സ​ചി​ൻ പൈ​ല​റ്റും അ​വ​സാ​ന മ​ണി​ക്കൂ​റു​ക​ളി​ൽ ഹൈ​ക​മാ​ൻ​ഡ്​ ഇ​ട​പെ​ട​ലി​ലൂ​ടെ ചി​ല വേ​ദി​ക​ളി​ൽ ഒ​ന്നി​ച്ചു നി​ൽ​ക്കു​ന്ന​താ​യി​രു​ന്നു കാ​ഴ്ച. പ്ര​ചാ​ര​ണം വെ​വ്വേ​റെ നീ​ങ്ങി. സ​ചി​ൻ പൈ​ല​റ്റി​നെ ത​ഴ​ഞ്ഞ​തി​ൽ ഗു​ർ​ജ​ർ വി​ഭാ​ഗം മു​ഖം ക​റു​പ്പി​ച്ചു. ഏ​ഴ്​ ഗാ​ര​ന്‍റി​യു​മാ​യി സ്ത്രീ ​വോ​ട്ട്​ ല​ക്ഷ്യ​മാ​ക്കി​യ ഗെ​ഹ്​​ലോ​ട്ടി​ന്, മു​ൻ​കാ​ല സൗ​ജ​ന്യ​ങ്ങ​ൾ പൂ​ർ​ണ​മാ​യി ജ​ന​ങ്ങ​ളി​ൽ എ​ത്തി​ക്കാ​ൻ ക​ഴി​യാ​തി​രു​ന്ന​ത്​ തി​രി​ച്ച​ടി​യാ​യി. ജ​ന​രോ​ഷം നേ​രി​ടു​ന്ന​തു നോ​ക്കാ​തെ വി​ശ്വ​സ്ത​രാ​യ സി​റ്റി​ങ്​ എം.​എ​ൽ.​എ​മാ​ർ​ക്കെ​ല്ലാം ഗെ​ഹ്​​ലോ​ട്ട്​ സീ​റ്റ്​ കൊ​ടു​ത്ത​പ്പോ​ൾ ഹൈ​​ക​മാ​ൻ​ഡ് കാ​ഴ്ച​ക്കാ​രാ​യി. ചെ​റു​പാ​ർ​ട്ടി​ക​ൾ ക​ഴി​ഞ്ഞ ത​വ​ണ​ത്തെ​പ്പോ​ലെ ത​ന്നെ ഇ​ക്കു​റി​യും വി​ല്ല​ന്മാ​രാ​യി മാ​റു​ക​യും ചെ​യ്തു. ഇ​തി​നെ​ല്ലാ​മി​ട​യി​ലും പാ​ള​യ​ത്തി​ലെ പോ​ര് മ​റ​ച്ചു​വെ​ച്ച്​ തെ​ര​ഞ്ഞെ​ടു​പ്പി​ൽ നീ​ങ്ങു​ന്ന​തി​ൽ ബി.​ജെ.​പി വി​ജ​യി​ച്ചു.

ഛത്തി​സ്​​ഗ​ഢി​ലും വൈ​കി​യ വേ​ള​യി​ൽ ഏ​ച്ചു​കെ​ട്ടി​യ സൗ​ഹൃ​ദ​മാ​യി​രു​ന്നു ഭൂ​പേ​ഷ്​ ബാ​ഘേ​ലും ടി.​എ​സ്.​ സി​ങ്​​ദേ​വും ത​മ്മി​ൽ ഉ​ണ്ടാ​യി​രു​ന്ന​ത്. ബാ​ഘേ​ലി​ന്‍റെ വാ​ക്കി​ലും നേ​തൃ​ത്വ​ത്തി​ലും പൂ​ർ​ണ​വി​ശ്വാ​സം അ​ർ​പ്പി​ച്ച്​ മു​ന്നോ​ട്ടു​നീ​ങ്ങി​യ കോ​ൺ​ഗ്ര​സ്, ന​ക്സ​ൽ-​ആ​ദി​വാ​സി മേ​ഖ​ല​ക​ളി​ലെ വോ​ട്ടൊ​ഴു​ക്ക്​ കാ​ണാ​തെ​പോ​യി. ബി.​ജെ.​പി​യെ സം​ബ​ന്ധി​ച്ചി​ട​ത്തോ​ളം, മോ​ദി​യെ​ന്ന ഒ​റ്റ നേ​താ​വ്​ പ്ര​ധാ​ന മു​ഖ​മാ​യി എ​വി​ടെ​യും നി​ന്നു. സം​സ്ഥാ​ന നേ​താ​ക്ക​ളു​ടെ പ്ര​തി​ച്ഛാ​യ​യി​ൽ മാ​ത്രം വി​ശ്വാ​സ​മ​ർ​പ്പി​ച്ചു നീ​ങ്ങു​ക​യാ​യി​രു​ന്നു കോ​ൺ​ഗ്ര​സ്.

തെ​ല​ങ്കാ​ന​യി​ലെ ഫ​ലം കോ​ൺ​ഗ്ര​സി​ന്​ അ​നു​കൂ​ല​മെ​ന്ന്​ പ​റ​യു​ന്ന​തി​നേ​ക്കാ​ൾ, ബി.​ആ​ർ.​എ​സി​ന്​ എ​തി​രെ​ന്നു വി​ല​യി​രു​ത്തു​ന്ന​താ​വും ശ​രി. അ​ത്ര​മേ​ൽ ഭ​ര​ണ​വി​രു​ദ്ധ വി​കാ​ര​മാ​ണ്​ മു​ഖ്യ​മ​ന്ത്രി ച​​ന്ദ്ര​ശേ​ഖ​ര റാ​വു​വും കു​ടും​ബ​വും നേ​രി​ട്ട​ത്. തെ​ല​ങ്കാ​ന രൂ​പ​വ​ത്ക​ര​ണ നേ​ര​ത്ത്​ കോ​ൺ​ഗ്ര​സി​നെ വ​ഞ്ചി​ച്ച റാ​വു​വി​ന്​ ഒ​മ്പ​തു കൊ​ല്ല​ത്തി​നു​ശേ​ഷം തി​രി​ച്ച​ടി കി​ട്ടു​ന്നു​വെ​ന്ന സ​മാ​ശ്വാ​സം കൂ​ടി കോ​ൺ​ഗ്ര​സ്​ അ​നു​ഭ​വി​ക്കു​ന്നു​വെ​ന്നു മാ​ത്രം. മോ​ദി​പ്ര​താ​പ കാ​ല​ത്തും തെ​ല​ങ്കാ​ന, ക​ർ​ണാ​ട​ക, കേ​ര​ളം, ത​മി​ഴ്​​നാ​ട്, ആ​​ന്ധ്ര​പ്ര​ദേ​ശ്​ എ​ന്നീ തെ​ക്കേ​യി​ന്ത്യ​ൻ സം​സ്ഥാ​ന​ങ്ങ​ൾ ബി.​ജെ.​പി​യോ​ട്​ പു​റം​തി​രി​ഞ്ഞു​ത​ന്നെ നി​ൽ​ക്കു​ന്ന​ത്​ മ​റ്റൊ​രു സ​മാ​ശ്വാ​സം.

സെ​മി ഫൈ​ന​ലി​ലെ തി​രി​ച്ച​ടി നി​ര​വ​ധി സം​സ്ഥാ​ന നേ​താ​ക്ക​ൾ​ക്കു​ള്ള തി​രി​ച്ച​ടി കൂ​ടി​യാ​ണ്. മു​ഖ്യ​മ​ന്ത്രി സ്ഥാ​നാ​ർ​ഥി​യാ​കാ​നു​ള്ള അ​വ​സ​രം അ​ശോ​ക്​ ഗെ​ഹ്​​ലോ​ട്ട്, ക​മ​ൽ​നാ​ഥ്, ദി​ഗ്​​വി​ജ​യ്​​സി​ങ്​ എ​ന്നി​വ​ർ​ക്ക്​ എ​ന്ന​ന്നേ​ക്കു​മാ​യി ന​ഷ്ട​പ്പെ​ട്ടു​വെ​ന്നു വേ​ണം ക​രു​താ​ൻ. തോ​റ്റ സം​സ്ഥാ​ന​ങ്ങ​ളി​ൽ ഈ ​നേ​താ​ക്ക​ളെ മു​ന്നി​ൽ​നി​ർ​ത്തി ലോ​ക്സ​ഭ തെ​ര​ഞ്ഞെ​ടു​പ്പ​ങ്ക​ത്തി​ന്​ ഇ​റ​ങ്ങേ​ണ്ട സ്​​ഥി​തി​യി​ലു​മാ​ണ്​ കോ​ൺ​ഗ്ര​സ്.