ബംഗളുരു: മകളുടെ വിവാഹത്തിന് ആഢംബര ക്ഷണക്കത്തുമായി ബി.ജെ.പി മുൻമന്ത്രി. കർണാടകയിലെ ബി.ജെ.പി നേതാവും മുൻമന്ത്രിയുമായ ഗാലി ജനാർദ്ധനൻ റെഡ്ഡിയാണ് ആഡബംര വിവാഹക്ഷണക്കത്ത് പുറത്തിറക്കിയത്. നവംബർ 20നാണ് റെഡ്ഡിയുടെ മകൾ ബ്രാമിണിയുടെ വിവാഹം. ചെറിയ പെട്ടിയാണ് ക്ഷണക്കത്തായി നൽകുന്നത്. ഇത് തുറക്കുേമ്പാൾ ഒരു ചെറിയ എൽ.സി.ഡി സ്ക്രീനും അതിനൊപ്പം ഉയർന്നുവരും. സംഗീതത്തിെൻറ അകമ്പടിയോടുകുടി വിവാഹത്തിെൻറ അറിയിപ്പ് സ്ക്രീനിൽ തെളിഞ്ഞു വരും. ശേഷം റെഡ്ഡിയും, ഭാര്യയും, മകനുമെല്ലാം പാടുന്ന വിഡിയോയും സക്രീനിൽ തെളിയും. വധുവിനെയും വരനെയും പരിചയപ്പെടുത്തി വിവാഹത്തിന് എല്ലാവരെയും ക്ഷണിക്കുന്നതോടുകൂടി വിഡിയോ അവസാനിക്കുന്നു.
ബോളിവുഡിനെപ്പോലും നാണിപ്പിക്കുന്ന തരത്തിൽ വിവാഹക്ഷണക്കത്തിറക്കിയ റെഡ്ഡി കർണാടകയിലെ പ്രധാന വ്യവസായികളിൽ ഒരാളാണ്. അനധികൃത ഖനനത്തിെൻറ പേരിൽ മൂന്നുവർഷം ജയിലിലും കിടന്നിട്ടുണ്ട്. ബി. എസ്.യെദ്യുരിയപ്പ മന്ത്രിസഭയിലെ മന്ത്രിയായിരുന്ന ഇേദ്ദഹത്തെ പിന്നീട് സി.ബി.െഎ അറസറ്റു ചെയ്തതിനെ തുടർന്നാണ് മന്ത്രി സ്ഥാത്തുനിന്ന് മാറ്റിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.