ന്യൂഡൽഹി: പ്രധാനമന്ത്രി നരേന്ദ്ര മോദിയുടെ പേര് ദുരുപയോഗം ചെയ്ത് വായ്പ പദ്ധതി ആരംഭിച്ച സംഭവത്തിൽ സി.ബി.െഎ കേസെടുത്തു. 11 മാസം മുമ്പ് പ്രധാനമന്ത്രിയുടെ ഒാഫിസ് നൽകിയ പരാതിയിലാണ് കേസ്.
‘പ്രധാനമന്ത്രി ജൻ കല്യാൺ യോജന’ എന്ന പേരിൽ വായ്പ പദ്ധതി തുടങ്ങിയത് സംബന്ധിച്ച് 11 മാസംമുമ്പ് പ്രധാന ദേശീയ ദിനപത്രത്തിൽ പരസ്യം വന്നിരുന്നു. 12 മണിക്കൂറിനുള്ളിൽ ചേർന്നാൽ ഫയൽ നിരക്ക് വേണ്ട, ജാമ്യം വേണ്ട, പലിശയില്ല, 60 ശതമാനം റിബേറ്റ് എന്നിങ്ങനെ വാഗ്ദാനങ്ങളുമായാണ് പരസ്യം പ്രത്യക്ഷപ്പെട്ടത്. www.satyamgroup.org എന്ന അഡ്രസിൽ ലോഗ് ഇൻ ചെയ്യാനായിരുന്നു നിർദേശം. ആൾമാറാട്ടമാണെന്ന് കണ്ടെത്തിയതിനെ തുടർന്നാണ് കേസെടുത്തതെന്ന് സി.ബി.െഎ വൃത്തങ്ങൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.