തരം മാറട്ടെ...

ഭൂ​മി ത​രം​മാ​റ്റി​ക്കി​ട്ടാ​ന്‍ എ​ന്തു​ചെ​യ്യ​ണം? ത​രം​മാ​റ്റാ​വു​ന്ന ഭൂ​മി​യും ത​രം​മാ​റ്റാ​ന്‍ ക​ഴി​യാ​ത്ത
ഭൂ​മി​യു​മു​ണ്ടോ? എ​ന്തൊ​ക്കെ​യാ​ണ് വ്യ​വ​സ്ഥ​ക​ള്‍? ഏ​തൊ​ക്കെ ഓ​ഫി​സു​ക​ളെ​യാ​ണ് സ​മീ​പി​ക്കേ​ണ്ട​ത്?
ഇ​ട​നി​ല​ക്കാ​രി​ല്ലാ​തെ റ​വ​ന്യൂ ഓ​ഫി​സു​ക​ള്‍ വ​ഴി ഭൂ​മി ത​രം​മാ​റ്റു​ന്ന നി​യ​മ​പ​ര​മാ​യ രീ​തി ഏ​തൊ​ക്കെ?

അ​നി​യ​ന്ത്രി​ത​മാ​യ വ​യ​ൽ/​ത​ണ്ണീ​ർ​ത്ത​ട നി​ക​ത്ത​ലി​ന് ത​ട​യി​ടാ​ൻ 2008ൽ ​കൊ​ണ്ടു​വ​ന്ന കേ​ര​ള നെ​ൽ​വ​യ​ൽ ത​ണ്ണ​ീർ​ത്ത​ട സം​ര​ക്ഷ​ണ നി​യ​മ​ത്തി​ന്റെ ഭാ​ഗ​മാ​യാ​ണ് ഭൂ ​സ്ഥി​തി സം​ബ​ന്ധി​ച്ച ഡേറ്റ ​ബാ​ങ്ക് റ​വ​ന്യൂ​വ​കു​പ്പ് കൊ​ണ്ടു​വ​ന്ന​ത്. നി​ലം എ​ന്ന് റ​വ​ന്യൂ രേ​ഖ​ക​ളി​ൽ രേ​ഖ​പ്പെ​ടു​ത്തി​യി​ട്ടു​ള​ള​വയെ സം​ര​ക്ഷി​ത ഭൂ ​പ്ര​ദേ​ശ​മാ​യി നിലനിർത്തുകയാണ് ഇ​തു​വ​ഴി ല​ക്ഷ്യ​മി​ടു​ന്ന​ത്. ഇത്തരം ഭൂ​മി​യി​ൽ ഒ​രു​ത​ര​ത്തി​ലു​മു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​നു​വ​ദ​നീ​യ​മ​ല്ല. ഇ​തി​നെ പു​ര​യി​ട​മാ​ക്കു​ന്ന പ്ര​കൃി​യ​യാ​ണ് ത​രം​മാ​റ്റ​ൽ.

സം​സ്ഥാ​ന​ത്ത് ഭൂ​മി വി​വി​ധ​ത​രം ഇ​ന​ങ്ങ​ളാ​യാ​ണ് റ​വ​ന്യൂ രേ​ഖ​ക​ളി​ൽ രേ​ഖ​പ്പെ​ടു​ത്തി​യി​രി​ക്കു​ന്ന​ത്. പു​ര​യി​ടം, കൃ​ഷി​നി​ലം, ത​ണ്ണീ​ർ​ത്ത​ടം തു​ട​ങ്ങി​യ​വ​യാ​ണ​ത്. ഇ​ങ്ങ​നെ ഒ​രു ഇ​ന​ത്തി​ൽ രേ​ഖ​പ്പെ​ടു​ത്ത​പ്പെ​ട്ട ഭൂ​മി ബ​ന്ധ​പ്പെ​ട്ട അ​ധി​കാ​രി​ക​ൾ മ​റ്റൊ​രു ഇ​ന​ത്തി​ലേ​ക്ക് മാ​റ്റി റ​വ​ന്യൂ രേ​ഖ​ക​ളി​ൽ രേ​ഖ​പ്പെ​ടു​ത്തു​ന്ന​താ​ണ് ‘ത​രം​മാ​റ്റ​ൽ’.

നി​ല​മെ​ന്ന് ഡേ​റ്റ ബാ​ങ്കി​ൽ രേ​ഖ​പ്പെ​ടു​ത്തി​യ​തും എ​ന്നാ​ൽ കാ​ല​ങ്ങ​ളാ​യി കൃ​ഷി​ന​ട​ത്താ​ത്ത ഭൂ​മി​യു​മാ​ണെ​ങ്കി​ൽ ത​രം​മാ​റ്റ​ലി​ലൂ​ടെ ഇ​തി​നെ പു​ര​യി​ട​മാ​ക്കാം. അ​ത​നു​സ​രി​ച്ച് ഡേ​റ്റ ബാ​ങ്കി​ൽ തി​രു​ത്ത​ലും വ​രും. മ​റ്റു ഭൂ​മി​യി​ല്ലാ​ത്ത​വ​ർ​ക്ക് വീ​ടു​ണ്ടാ​ക്കാ​നും ഡേ​റ്റ ബാ​ങ്കി​ൽ ഉ​ൾ​പ്പെ​ട്ട ഭൂ​മി​യി​ൽ നി​ർ​മാ​ണം ന​ട​ത്തി കെ​ട്ടി​ട ന​മ്പ​റോ ഉ​ട​മ​സ്ഥാ​വ​കാ​ശ സ​ർ​ട്ടി​ഫി​ക്ക​റ്റോ കി​ട്ടാ​തെ വ​ല​യു​ന്ന​വ​ർ​ക്ക് അ​ത് ല​ഭി​ക്കാ​നും ത​രം​മാ​റ്റ​ലി​ലൂ​ടെ സാ​ധി​ക്കും.

ഡേ​റ്റ ബാ​ങ്കി​ൽ പ​ല​ഭൂ​മി​ക​ളും തെ​റ്റാ​യി ക​യ​റി​ക്കൂ​ടി​യ​തു കാ​ര​ണം ക്ര​യ​വി​ക്ര​യ​ം ന​ട​ക്കാ​തെ ബു​ദ്ധി​മു​ട്ടു​ന്ന​വ​ർ​ക്കും ഇ​തൊ​രു പോം​വ​ഴി​യാ​ണ്. ഇ​ത്ത​രം ല​ക്ഷ്യ​ങ്ങ​ളു​ള്ള​പ്പോ​ൾ ത​ന്നെ, ഇ​ള​വു​ക​ൾ മു​ത​ലാ​ക്കി നി​ർ​ബാ​ധം പാ​ട​ങ്ങ​ൾ നി​ക​ത്താ​നു​ള്ള ‘നി​യ​മാ​നു​സൃ​ത’ മാ​ർ​ഗ​മാ​യും ഇ​തി​നെ ദു​രു​പ​യോ​ഗം ചെ​യ്യു​പ്പെ​ടു​ന്ന അ​വ​സ്ഥ​യു​ണ്ട്.

ഡേ​റ്റ ബാ​ങ്ക്

കൃ​ഷി​യോ​ഗ്യ​മാ​യ ഭൂ​മി​യു​ടെ വി​വ​ര​ങ്ങ​ള്‍ സ​ർ​ക്കാ​ർ ഡേ​റ്റ ബാ​ങ്കാ​യി വി​ജ്ഞാ​പ​നം ചെ​യ്തി​ട്ടു​ണ്ട്. നെ​ൽ​വ​യ​ൽ ത​ണ്ണീ​ർ ത​ട സം​ര​ക്ഷ​ണ​നി​യ​മം പ്രാ​ബ​ല്യ​ത്തി​ൽ വ​രു​ന്ന​തി​ന് മു​ൻ​പ് ഭൂ​മി പു​ര​യി​ട​മാ​യാ​ണോ നെ​ൽ വ​യ​ലാ​യാ​ണോ ത​ണ്ണീ​ർ​ത്ത​ട​മാ​യാ​ണോ നി​ല​നി​ൽ​ക്കു​ന്ന​ത് എ​ന്ന് കാ​ണി​ക്കു​ന്ന രേ​ഖ​യാ​ണ് ഡേ​റ്റ ബാ​ങ്ക്. 2008ലാ​ണ് ഇ​ത് നി​ല​വി​ൽ വ​രു​ന്ന​ത്. 2008ന് ​മു​മ്പ് നി​ക​ത്ത​പ്പെ​ട്ട ഭൂ​മി​യാ​ണ് ഡേ​റ്റ ബാ​ങ്കി​ൽ നി​ന്ന് ഒ​ഴി​വാ​ക്ക​പ്പെ​ടാ​നും ത​രം​മാ​റ്റ​ത്തി​നും അ​ർ​ഹ​ത​യു​ള്ള​ത്. 2017ന് ​മു​മ്പ് 25 സെ​ന്റി​ന് താ​ഴെ വി​സ്തൃ​തി​യു​ള്ള ഭൂ​മി പി​ന്നീ​ട് കൈ​മാ​റ്റം ചെ​യ്തി​ട്ടു​ണ്ടെ​ങ്കി​ൽ പോ​ലും സൗ​ജ​ന്യ ത​രം​മാ​റ്റ​ത്തി​ന് അ​ർ​ഹ​ത​യു​ണ്ട്.

ത​രം​മാ​റ്റ​ൽ ന​ട​പ​ടി​ക​ൾ

ഡേ​റ്റ ബാ​ങ്കി​ൽ നി​ന്ന് ഭൂ​മി ഒ​ഴി​വാ​ക്ക​ൽ, ത​രം​മാ​റ്റ​ലി​നു​ള്ള ഉ​ത്ത​ര​വ് സ​മ്പാ​ദി​ക്ക​ൽ, റ​വ​ന്യൂ രേ​ഖ​ക​ളി​ൽ ഇ​നം​മാ​റ്റം വ​രു​ത്ത​ൽ എ​ന്നി​ങ്ങ​നെ മൂ​ന്ന് പ്ര​ധാ​ന ഘ​ട്ട​ങ്ങളായാണ് ത​രം​മാ​റ്റ​ൽ നി​ർ​വ​ഹി​ക്കു​ന്ന​ത്. ഡേ​റ്റ ബാ​ങ്കി​ല്‍ ഉ​ള്‍പ്പെ​ട്ടി​ട്ടി​ല്ലെ​ങ്കി​ല്‍ ഭൂ​മി ത​രം​മാ​റ്റു​ന്ന​തി​ന് മ​റ്റു ത​ട​സ്സ​മി​ല്ല. ആ​ർ.​ഡി.​ഒ​ക്ക് അ​പേ​ക്ഷ ന​ല്‍കി രേ​ഖ​ക​ളി​ല്‍ മാ​റ്റം വ​രു​ത്തി​യാ​ല്‍ മാ​ത്രം മ​തി​യാ​കും. ഡേ​റ്റ ബാ​ങ്കി​ലു​ണ്ടെ​ങ്കി​ലും 2008ന് ​മു​മ്പേ നി​ക​ത്ത​പ്പെ​ട്ട ഭൂ​മി​യാ​ണെ​ങ്കി​ല്‍ ത​രം​മാ​റ്റാം. ഇ​തി​ന്റെ ന​ട​പ​ടി​ക്ര​മ​ങ്ങ​ൾ ഇ​നി പ​റ​യു​ന്നു:

1. ഡേ​റ്റ ബാ​ങ്കി​ല്‍ നി​ന്ന് ഒ​ഴി​വാ​ക്കാ​ൻ
2. ആ​ർ.​ഡി.​ഒ​ക്ക് അ​പേ​ക്ഷ ന​ല്‍ക​ണം.
3. ഉ​പ​ഗ്ര​ഹ ചി​ത്രം പ​രി​ശോ​ധി​ച്ച് കൃ​ഷി ഓ​ഫി​സ​ർ ഡേ​റ്റ ബാ​ങ്കി​ല്‍ നി​ന്ന് ഒ​ഴി​വാ​ക്കാ​ന്‍ ശി​പാ​ർ​ശ ചെ​യ്യ​ണം.
4. ആ​ർ.​ഡി.​ഒ ഡേ​റ്റ ബാ​ങ്കി​ല്‍ നി​ന്ന് ഒ​ഴി​വാ​ക്കി ഉ​ത്ത​ര​വി​റ​ക്കും.
5. ഒ​ഴി​വാ​ക്കി​ക്കി​ട്ടി​യാ​ൽ ത​രം​മാ​റ്റ​ലിന് വീ​ണ്ടും ആ​ർ.​ഡി.​ഒ​ക്ക് അ​പേ​ക്ഷ ന​ൽകണം. ഇതിൽ ആ​ർ.​ഡി.​ഒ വി​ല്ലേ​ജ് ഓ​ഫി​സ​റു​ടെ റി​പ്പോ​ർ​ട്ട് തേ​ടും. അ​തി​ന്‍റെ അ​ടി​സ്ഥാ​ന​ത്തി​ലാ​ണ് ത​രം​മാ​റ്റ​ല്‍ ഉ​ത്ത​ര​വ് പു​റ​ത്തി​റ​ക്കു​ക. പി​ന്നീ​ട് ഭൂ​രേ​ഖ​യി​ല്‍ മാ​റ്റം വ​രു​ത്തു​ം. അ​ടു​ത്ത ത​വ​ണ നി​കു​തി അ​ട​ക്കു​ന്ന​തോ​ടെ ത​രം​മാ​റ്റ​ല്‍ പ്ര​യോ​ഗ​ത്തി​ല്‍ വ​രു​ക​യും ചെ​യ്യും. റ​വ​ന്യൂ ഓ​ഫി​സ് മു​ഖേ​ന അ​പേ​ക്ഷ ന​ൽ​കു​ന്ന​തി​നാ​ൽ ഇ​തി​ന് ഇ​ട​നി​ല​ക്കാ​രി​ല്ല.

അ​പേ​ക്ഷ​ക​ൾ പ്ര​വ​ഹി​ക്കു​ന്നു

സം​സ്ഥാ​ന​ത്ത് ഭൂ​നി​കു​തി​യു​ൾ​പ്പെ​ടെ പ്ര​ധാ​ന ഇ​ട​പാ​ടു​ക​ൾ ഓ​ൺ​ലൈ​ൻ സം​വി​ധാ​ന​ത്തി​ലൂ​ടെ​യാ​ക്കി​യ​തി​നെ തു​ട​ർ​ന്ന് ഭൂ​മി ത​രം​മാ​റ്റ​ത്തി​നാ​യി ദി​വ​സേ​ന നൂ​റു​ക്ക​ണ​ക്കി​ന് അ​പേ​ക്ഷ​ക​ളാ​ണ് ആ​ർ.​ഡി.​ഒ ഓ​ഫി​സു​ക​ളി​ൽ ല​ഭി​ക്കു​ന്ന​ത്. ഓ​ൺ​ലൈ​നാ​യും നേ​രി​ട്ടും ജൂ​ൺ​വ​രെ ല​ഭി​ച്ച​ത് 4,31,203 ല​ക്ഷം അ​പേ​ക്ഷ​ക​ളാ​ണ്. ഇ​ത് ഓ​രോ ദി​വ​സ​വും കൂ​ടി​വ​രു​ക​യാ​ണ്. ഇ​തി​ൽ 1,63,575 അ​പേ​ക്ഷ​ക​ൾ തീ​ർ​പ്പാ​ക്കി. ബാ​ക്കി 2,67,628 അ​പേ​ക്ഷ​ക​ളാ​ണ് അ​വ​ശേ​ഷി​ക്കു​ന്ന​ത്. ഭൂ​മി ത​രം​മാ​റ്റ​ൽ ന​ട​പ​ടി​ക​ൾ അ​തി​വേ​ഗ​ത്തി​ലാ​ക്കു​ന്ന​തി​നാ​യി ആ​വ​ശ്യ​മാ​യ സോ​ഫ്റ്റ്​​വെ​യ​ർ ക്ര​മീ​ക​ര​ണ​ങ്ങ​ളും ജീ​വ​ന​ക്കാ​രു​ടെ നി​യ​മ​ന​ങ്ങ​ളും പൂ​ർ​ത്തി​യാ​യി​ട്ടു​ണ്ട്.

ഇ​ള​വു​ക​ൾ വ​ന്ന വ​ഴി

വ​കു​പ്പ് 9 (1) പ്ര​കാ​രം ക​ല​ക്ട​ർ നി​യോ​ഗി​ക്കു​ന്ന റ​വ​ന്യൂ ഡി​വി​ഷ​ന​ൽ ഓ​ഫി​സ​ർ അ​ധ്യ​ക്ഷ​നാ​യു​ള്ള ജി​ല്ല​ത​ല അം​ഗീ​കൃ​ത ക​മ്മി​റ്റി​ക്ക് ഭ​വ​ന​നി​ർ​മാ​ണ​ത്തി​നാ​വ​ശ്യ​മാ​യ നി​ലം നി​ക​ത്ത​ലി​ന് ചി​ല ഇ​ള​വു​ക​ൾ, 2008ലെ ​ത​ണ്ണീ​ർ​ത്ത​ട നി​യ​മ​ത്തി​ൽ അ​നു​വ​ദി​ച്ചി​രു​ന്നു. യ​ഥാ​ക്ര​മം, നി​യ​മ​ത്തി​ലെ വ്യ​വ​സ്ഥ​ക​ൾ പാ​ലി​ച്ച് പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ൽ ഉ​ട​മ​യു​ടെ 4.04 ആ​ർ വ​രെ​യു​ള്ള നി​ല​വും, മു​നി​സി​പ്പ​ൽ/ കോ​ർ​പ​റേ​ഷ​ൻ പ്ര​ദേ​ശ​ങ്ങ​ളി​ൽ 2.02ആ​ർ വ​രെ​യു​ള്ള നി​ല​വും ഭ​വ​ന​നി​ർ​മാ​ണാ​വ​ശ്യ​ങ്ങ​ൾ​ക്ക് മാ​ത്ര​മാ​യി നി​ക​ത്താ​നാ​യു​ള്ള അ​നു​വാ​ദം കൊ​ടു​ക്കു​ന്ന​തി​ന് ഈ ​ക​മ്മി​റ്റി​ക്ക് അ​ധി​കാ​ര​മു​ണ്ടാ​യിരുന്നു. അ​ങ്ങ​നെ നി​ക​ത്തു​മ്പോ​ൾ ആ ​പ്ര​ദേ​ശ​ത്തി​ന്റെ പാ​രി​സ്ഥി​തി​ക സ​ന്തു​ല​നാ​വ​സ്ഥ​യെ​യോ, സ​മീ​പ വ​യ​ലു​ക​ളി​ലെ കൃ​ഷി​യെ​യോ ദോ​ഷ​ക​ര​മാ​യി ബാ​ധി​ക്കാ​ൻ പാ​ടി​ല്ല. അ​തോ​ടൊ​പ്പം, അ​നു​മ​തി തേ​ടു​ന്ന ഉ​ട​മ​ക്ക് താ​മ​സ​യോ​ഗ്യ​മാ​യ മ​റ്റു സ്ഥ​ല​ങ്ങ​ളി​ല്ല എ​ന്നും നി​ക​ത്തു​ന്ന​ത് സ്വ​ന്തം ആ​വ​ശ്യ​ത്തി​ന് വീ​ട് വെ​ക്കാ​നാ​ണെ​ന്നും മ​റ്റു വ​യ​ലു​ക​ളാ​ൽ ചു​റ്റ​പ്പെ​ട്ട പ്ര​ദേ​ശ​മ​ല്ല നി​ക​ത്തു​ന്ന​തെ​ന്നും ഉ​റ​പ്പു​വ​രു​ത്ത​ണം.

പു​തി​യ ച​ട്ടം

ഇ​തി​നി​ടെ, 2008ന് ​മു​മ്പ് നി​ക​ത്തി​യ വ​യ​ലു​ക​ൾ പ​റ​മ്പാ​യി പ​തി​ച്ച് കൊ​ടു​ക്കു​ന്ന​തി​ന് വേ​ണ്ടി 2015ൽ ​കേ​ര​ള ധ​ന​കാ​ര്യ ബി​ൽ​വ​ഴി സ​ർ​ക്കാ​ർ പു​തി​യ ച​ട്ടം കൊ​ണ്ടു​വ​ന്നു. തു​ട​ർ​ന്നാ​ണ് പു​തി​യ ഭേ​ദ​ഗ​തി വ​രു​ന്ന​ത്. കേ​ര​ള നെ​ൽ​വ​യ​ൽ ത​ണ്ണീ​ർ​ത്ത​ട സം​ര​ക്ഷ​ണ (ഭേ​ദ​ഗ​തി) നി​യ​മം 2018 പ്ര​കാ​രം ക​ര​ഭൂ​മി​യു​ടെ 25 ശ​ത​മാ​നം ന്യാ​യ​വി​ല അ​ട​ച്ചാ​ൽ 2008ന് ​മു​മ്പ് നി​ക​ത്തി​യ വ​യ​ൽ പ​റ​മ്പാ​യി പ​തി​ച്ചു ന​ൽ​കും എ​ന്നാ​ണ് ഇ​പ്പോ​ഴ​ത്തെ വ്യ​വ​സ്ഥ. എ​ന്നാ​ൽ, ഈ ​ത​രം​മാ​റ്റി കി​ട്ടു​ന്ന ഭൂ​മി സം​ബ​ന്ധി​ച്ച് ഒ​രു നി​ബ​ന്ധ​ന​യും സ​ർ​ക്കാ​ർ വെ​ച്ചി​ട്ടി​ല്ല. അതുകൊണ്ട് പലതും റി​യ​ൽ എ​സ്റ്റേ​റ്റ് ബിസിനസിന്റെ ഭാഗമായി മാറുന്നുണ്ട്.

മു​ൻ​ഗ​ണ​ന പ്ര​ധാ​നം; ചി​ല​ർ​ക്ക് ഇ​ള​വും

നി​ല​വി​ൽ റ​വ​ന്യൂ ലാ​ന്‍ഡ് ഇ​ൻ​ഫ​ർ​മേ​ഷ​ൻ സി​സ്റ്റം എ​ന്ന റെ​ലി​സ് പോ​ർ​ട്ട​ൽ മു​ഖേ​ന​യാ​ണ് അ​പേ​ക്ഷ ന​ൽ​കു​ന്ന​ത്. ഇ​തി​ൽ മു​ൻ​ഗ​ണ​ന ക​ർ​ശ​ന​മാ​യി പാ​ലി​ച്ചാ​ണ് ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന​ത്. എ​ന്നാ​ൽ ഗു​രു​ത​ര രോ​ഗ​ങ്ങ​ളു​ടെ ച​ികി​ത്സ, വി​ദ്യാ​ഭ്യാ​സം, വി​വാ​ഹം എ​ന്നീ ആ​വ​ശ്യ​ങ്ങ​ൾ കൂ​ടാ​തെ ലൈ​ഫ് പ​ദ്ധ​തി​ക്ക് കീ​ഴി​ലെ ഭ​വ​ന നി​ർ​മാ​ണം എ​ന്നീ കാ​ര്യ​ങ്ങ​ൾ​ക്ക് അ​പേ​ക്ഷ​ക​ർ​ക്ക് മു​ൻ​ഗ​ണ​ന ക്ര​മ​ത്തി​ൽ ഇ​ള​വു​ക​ൾ ന​ൽ​കി വ​രു​ന്നു​ണ്ട്. ഇ​ള​വു​ക​ൾ അ​നു​വ​ദി​ക്കു​ന്ന​ത് ആ​ർ.​ഡി.​ഒ അ​ധ്യ​ക്ഷ​നാ​യ ഇ​ന്‍റേ​ണ​ൽ ക​മ്മി​റ്റി​യാ​ണ്.

റ​വ​ന്യൂ രേ​ഖ​ക​ളി​ൽ 48 മ​ണി​ക്കൂ​റി​നു​ള്ളി​ൽ മാ​റ്റം

ഭൂ​മി ത​രം​മാ​റ്റ ഉ​ത്ത​ര​വ് താ​ലൂ​ക്ക് ഓ​ഫി​സി​ൽ ല​ഭി​ച്ചാ​ൽ റ​വ​ന്യൂ രേ​ഖ​ക​ളി​ൽ 48 മ​ണി​ക്കൂ​റി​നു​ള്ളി​ൽ മാ​റ്റം വ​രു​ത്തും. വി​ല്ലേ​ജ് ഓ​ഫി​സു​ക​ളി​ൽ രേ​ഖ​ക​ളി​ൽ മാ​റ്റം വ​രു​ത്തേ​ണ്ട​താ​യ സ​ബ്ഡി​വി​ഷ​ൻ ആ​വ​ശ്യ​മി​ല്ലാ​ത്ത കേ​സു​ക​ളി​ൽ താ​ലൂ​ക്ക് ഓ​ഫി​സു​ക​ളി​ലെ പ്ര​സ്തു​ത ന​ട​പ​ടി​ക്ര​മം ഒ​ഴി​വാ​ക്കി​യി​ട്ടു​ണ്ട്. ത​രം​മാ​റ്റ ഉ​ത്ത​ര​വി​ന്മേ​ൽ ത​ന്നെ ബ്ലോ​ക്ക് ന​മ്പ​ർ, സ​ർ​വേ ന​മ്പ​ർ, ത​ണ്ട​പ്പേ​ർ ന​മ്പ​ർ എ​ന്നി​വ രേ​ഖ​പ്പെ​ടു​ത്തി ഭൂ​രേ​ഖാ ത​ഹ​സി​ൽ​ദാ​ർ നേ​രി​ട്ട് വി​ല്ലേ​ജ് ഓ​ഫി​സ​ർ​മാ​ർ​ക്ക് മാ​റ്റം വ​രു​ത്താ​നാ​യി ര​ണ്ട് ദി​വ​സ​ത്തി​ന​കം അ​യ​ച്ചു ന​ൽ​ക​ണം. അ​തോ​ടൊ​പ്പം റെ​ലി​സ് പോ​ർ​ട്ട​ലി​ലും താ​ലൂ​ക്ക് ഓ​ഫി​സി​ൽ നി​ന്നു​ത​ന്നെ ഭൂ​മി​യു​ടെ ത​രം ‘സ്വ​ഭാ​വ വ്യ​തി​യാ​നം ന​ട​ത്തി​യ പു​ര​യി​ടം’ എ​ന്നു മാ​റ്റം വ​രു​ത്തും.

തു​ട​ർ​ന്ന് വി​ല്ലേ​ജ് ഓ​ഫി​സ​ർ ആ​ർ.​ഡി.​ഒ​യു​ടെ ഉ​ത്ത​ര​വി​ന്റെ​യും ത​ഹ​സി​ൽ​ദാ​റി​ന്റെ ക​ത്തി​ന്റെ​യും ന​മ്പ​റും തീ​യ​തി​യും ഉ​ൾ​പ്പെ​ടെ സ​പ്ലി​മെ​ന്റ​റി ബി.​ടി.​ആ​റി​ൽ രേ​ഖ​പ്പെ​ടു​ത്തി ക​ക്ഷി​ക്ക് 5 പ്ര​വൃ​ത്തി​ദി​ന​ങ്ങ​ൾ​ക്ക​കം ഭൂ​നി​കു​തി അ​ട​ച്ചു ന​ൽ​ക​ണം. സ​ബ്ഡി​വി​ഷ​ൻ ആ​വ​ശ്യ​മാ​യ കേ​സു​ക​ളി​ൽ സ്കെ​ച്ച് ഉ​ൾ​പ്പെ​ടെ ഉ​ത്ത​ര​വാ​ണ് താ​ലൂ​ക്ക് ഓ​ഫി​സി​ൽ ല​ഭി​ക്കു​ന്ന​ത്. അ​തി​നാ​ൽ സ​ർ​വേ ന​ട​പ​ടി​ക്ര​മ​ങ്ങ​ൾ താ​ൽ​ക്കാ​ലി​ക​മാ​യി ഒ​ഴി​വാ​ക്കു​ന്ന​തോ​ടൊ​പ്പം ഭൂ​മി​യു​ടെ വി​സ്തീ​ർ​ണ​ത്തി​ന് അ​നു​സ​രി​ച്ച് സ​ബ് ഡി​വി​ഷ​ൻ അം​ഗീ​ക​രി​ച്ച്, ഭൂ​നി​കു​തി തി​ട്ട​പ്പെ​ടു​ത്തി ഭൂ​രേ​ഖാ ത​ഹ​സി​ൽ​ദാ​ർ സ്വ​മേ​ധ​യാ ഉ​ത്ത​ര​വ് പു​റ​പ്പെ​ടു​വി​ക്കും. റെ​ലി​സ് പോ​ർ​ട്ട​ലി​ലും താ​ൽ​ക്കാ​ലി​ക സ​ബ് ഡി​വി​ഷ​ൻ ന​മ്പ​ർ ന​ൽ​കി മാ​റ്റം വ​രു​ത്തി തു​ട​ർ​ന്ന് സ്കെ​ച്ച് പ​ക​ർ​പ്പ് വി​ല്ലേ​ജ് ഓ​ഫി​സ​ർ​ക്ക് കൈ​മാ​റും. വി​ല്ലേ​ജ് ഓ​ഫി​സി​ലെ സ​പ്ലി​മെ​ന്റ​റി ബി.​ടി.​ആ​റി​ൽ താ​ൽ​ക്കാ​ലി​ക സ​ർ​വേ ന​മ്പ​ർ അ​ടി​സ്ഥാ​ന​മാ​ക്കി​യാ​ണ് ഭൂ​നി​കു​തി സ്വീ​ക​രി​ച്ച​തെ​ന്നും സ​ബ്ഡി​വി​ഷ​ൻ സ​ർ​വേ​യ​ർ വ​ഴി പൂ​ർ​ത്തി​യാ​ക്കു​ന്ന​താ​ണെ​ന്നും രേ​ഖ​പ്പെ​ടു​ത്തും. അ​പേ​ക്ഷ​ക​നി​ൽ നി​ന്നു സ​ത്യ​വാ​ങ്മൂ​ല​വും വാ​ങ്ങും. തു​ട​ർ​ന്ന് ഭൂ​നി​കു​തി സ്വീ​ക​രി​ക്കാം.

ന്യാ​യ​വി​ല വ​ർ​ധി​ക്കും

നെ​ൽ​വ​യ​ൽ ത​ണ്ണീ​ർ​ത്ത​ട നി​യ​മ​പ്ര​കാ​രം ത​രം​മാ​റ്റി​യ ഭൂ​മി​യു​ടെ ന്യാ​യ​വി​ല​യും വ​ർ​ധി​ക്കും. ഇ​തി​ന് റ​വ​ന്യൂ ഡി​വി​ഷ​ന​ൽ ഓ​ഫി​സ​ർ​മാ​ർ​ക്ക് റ​വ​ന്യൂ വ​കു​പ്പ് നി​ർ​ദേ​ശം ന​ൽ​കി​യി​ട്ടു​ണ്ട്. ഭാ​വി​യി​ൽ ത​രം​മാ​റ്റം അ​നു​വ​ദി​ക്കു​ന്ന ഭൂ​മി​ക്കും ന്യാ​യ​വി​ല വ​ർ​ധി​പ്പി​ക്കും. ഇ​തു ന​ട​പ്പാ​കു​ന്ന​തോ​ടെ ഇ​നി ഇ​ത്ത​രം ഭൂ​മി കൈ​മാ​റ്റം ചെ​യ്യു​മ്പോ​ൾ ഉ​യ​ർ​ന്ന ന്യാ​യ​വി​ല​യു​ടെ അ​ടി​സ്ഥാ​ന​ത്തി​ൽ സ്റ്റാം​പ് ഡ്യൂ​ട്ടി, ര​ജി​സ്ട്രേ​ഷ​ൻ ഫീ​സ് ഇ​ന​ങ്ങ​ളി​ൽ കൂ​ടു​ത​ൽ പ​ണം ചെ​ല​വി​ടേ​ണ്ടി വ​രു​ക​യും ചെ​യ്യും.

ഇ​ട​നി​ല മാഫിയ

സം​സ്ഥാ​ന​ത്ത് ഭൂ​മി ത​രം​മാ​റ്റ​ത്തി​നാ​യു​ള്ള അ​പേ​ക്ഷ സ​മ​ർ​പ്പ​ണ ന​ട​പ​ടി​ക​ളി​ൽ ചി​ല സ്വ​കാ​ര്യ ഏ​ജ​ൻ​സി​ക​ളു​ടെ ഇ​ട​പെ​ട​ലും ന​ട​ക്കു​ന്നു. വ​ലി​യൊ​രു വി​ഭാ​ഗം അ​ക്ഷ​യ സെ​ന്റ​റു​ക​ൾ മു​ഖേ​ന​യാ​ണ് അ​പേ​ക്ഷ സ​മ​ർ​പ്പി​ക്കു​ന്ന​ത്.

കേ​ര​ള​ത്തി​ന് പു​റ​ത്തും വി​ദേ​ശ​ത്തും ജോ​ലി​ചെ​യ്യു​ന്ന​വ​രി​ൽ പ​ല​രും അ​വ​രു​ടെ സൗ​ക​ര്യാ​ർ​ഥം അ​പേ​ക്ഷ​ക​ൾ സ​മ​ർ​പ്പി​ക്കു​ന്ന​തി​ന് ഇ​ത്ത​ര​ത്തി​ൽ സ്വ​കാ​ര്യ ഏ​ജ​ൻ​സി​ക​ളു​ടെ സേ​വ​നം തേ​ടു​ന്നു. ഇത്തരംഏ​ജ​ൻ​സി​ക​ൾ ചി​ല സ്ഥ​ല​ങ്ങ​ളി​ൽ ഭൂ​മി ത​രം​മാ​റ്റ​ൽ ന​ട​പ​ടി​ക​ൾ നി​യ​ന്ത്രി​ക്കു​ന്ന രീ​തി​യു​മു​ണ്ട്.

ഇ​ത്ത​രം ക്ര​മ​ക്കേ​ടു​ക​ൾ സം​ബ​ന്ധി​ച്ച പ​രാ​തി​ക​ളും റ​വ​ന്യൂ വ​കു​പ്പി​ൽ ല​ഭി​ക്കു​ന്നു​ണ്ട്. അ​പ്പോ​ൾ​ത​ന്നെ ക​ല​ക്ട​ർ​മാ​ർ മു​ഖേ​ന അ​ന്വേ​ഷ​ണം ന​ട​ത്തി ന​ട​പ​ടി സ്വീ​ക​രി​ക്കാ​നാ​ണ് നി​ർ​ദേ​ശം ന​ൽ​കി​യി​രി​ക്കു​ന്ന​ത്. പ​രാ​തി​ക​ളി​ൽ ആ​വ​ർ​ത്ത​ന സ്വ​ഭാ​വ​മു​ള്ള​വ ബ​ന്ധ​പ്പെ​ട്ട റ​വ​ന്യൂ വി​ജി​ല​ൻ​സ് ഡെ​പ്യൂ​ട്ടി ക​ല​ക്ട​ർ​മാ​ർ മു​ഖേ​ന​യും ന​ട​ത്താ​ൻ കൈ​മാ​റു​ക​യും ചെ​യ്തു​വ​രു​ക​യാ​ണ്.

കേ​ൾ​ക്കാ​ൻ സു​ഖം; ചെ​രി​പ്പ് തേ​ഞ്ഞ​വ​ർ നി​ര​വ​ധി

ഭൂ​മി ത​രം​മാ​റ്റം പ​റ​യാ​നും കേ​ൾ​ക്കാ​നും സു​ഖ​മു​ണ്ടെ​ങ്കി​ലും കാ​ര്യ​ത്തോ​ട് അ​ടു​ക്കു​മ്പോ​ൾ ചെ​രി​പ്പ് തേ​ഞ്ഞ​വ​രാ​ണ് പ​ല​രും. ത​രം​മാ​റ്റി കി​ട്ടി​യ​വ​രു​ടെ അ​നു​ഭ​വ​വും ഇ​തു​ത​ന്നെ. ന​ട​പ​ടി​ക​ൾ തു​ട​രു​ന്ന​വ​രു​ടെ കാ​ര്യ​വും ഭേദമല്ല. വി​ല്ലേ​ജ് ഓ​ഫി​സ്, കൃ​ഷി ഓ​ഫി​സ്, താ​ലൂ​ക്ക് ഓ​ഫി​സ്, ആ​ർ.​ഡി.​ഒ ഓ​ഫി​സ് എ​ന്നി​വി​ട​ങ്ങ​ളി​ൽ ക​യ​റി​യി​റ​ങ്ങി മ​ടു​ത്ത​വ​രാ​ണ് പ​ല​രും. ആ​ദ്യ​ഘ​ട്ട​ത്തി​ൽ വി​ല്ലേ​ജ് ഓ​ഫി​സ​ർ ക​നി​ഞ്ഞി​ല്ലെ​ങ്കി​ൽ എ​ല്ലാം പി​ന്നെ കു​ഴ​യും.

വി​ല്ലേ​ജ് ഓ​ഫി​സ​ർ എ​ന്തെ​ങ്കി​ലും ത​ട​സ്സ​വാ​ദം എ​ഴു​തി​യാ​ൽ പി​ന്നെ മു​ക​ളി​ലേ​ക്ക് ഒ​രു​ദ്യോ​ഗ​സ്ഥ​നും അ​തി​ന്മേ​ൽ തൊ​ടാ​റി​ല്ല. 2019ൽ ​നേ​രി​ട്ട് അ​പേ​ക്ഷി​ച്ച​വ​രു​ടെ പോ​ലും ഇ​ന്നും ത​രം​മാ​റ്റി കി​ട്ടി​യി​ട്ടി​ല്ല. യ​ഥാ​സ​മ​യം ഉ​ദ്യോ​ഗ​സ്ഥ​ർ സൈ​റ്റി​ൽ അ​പ് ലോ​ഡ് ചെ​യ്യാ​ത്ത​താ​ണ് കാ​ര​ണം. ഇ​ങ്ങ​നെ പോ​കു​ന്നു അ​പേ​ക്ഷ​ക​രു​ടെ ദു​രി​ത​വും ബു​ദ്ധി​മു​ട്ടും.

പ​ല നൂ​ലാ​മാ​ല​ക​ൾ പ​റ​ഞ്ഞ് വൈ​കി​പ്പി​ക്കു​ന്ന​താ​ണ് മി​ക്ക​യി​ട​ങ്ങ​ളി​ലും കാ​ണാ​നാ​കു​ന്ന​ത്. ഒ​രു​കു​റ്റം ക​ണ്ടെ​ത്താ​നാ​യി​ല്ലെ​ങ്കി​ലും സ​മീ​പ​വാ​സി​ക​ളു​ടെ എ​തി​ർ​പ്പു​ണ്ടെ​ന്ന് പ​റ​ഞ്ഞ് ചി​ല ഉ​ദ്യോ​ഗ​സ്ഥ​ർ മു​ട​ക്കാ​റു​ണ്ട്. ചി​ല​രെ കാ​ണേ​ണ്ട​രീ​തി​യി​ൽ ക​ണ്ടി​ല്ലെ​ങ്കി​ൽ അ​പേ​ക്ഷ തൊ​ടാ​ത്ത സം​ഭ​വ​ങ്ങ​ളും ഉ​ണ്ട്. അ​പേ​ക്ഷ​ക​ൾ പ​രി​ഗ​ണി​ക്കു​ന്ന​ത് മു​ൻ​ഗ​ണ​ന പ്ര​കാ​ര​മാ​ണെ​ന്ന് പ​റ​യു​മ്പോ​ഴും ക്ര​മം​വി​ട്ട് ന​ട​പ​ടി​ക​ൾ ചെ​യ്യു​ന്നു എ​ന്ന പ​രാ​തി​ക​ളും ഉ​യ​രു​ന്നു. അ​പേ​ക്ഷ​ക​ളി​ലെ പോ​രാ​യ്മ​ക​ൾ യ​ഥാ​സ​മ​യം അ​പേ​ക്ഷ​ക​നെ അ​റി​യി​ക്കു​ന്ന സം​വി​ധാ​ന​വും ഇ​ല്ല. എ​പ്പോ​ഴെ​ങ്കി​ലും നേ​രി​ട്ടെ​ത്തി സ്ഥി​തി പ​രി​ശോ​ധി​ക്കു​മ്പോ​ഴാ​ണ് ക്വ​റി എഴുതി അ​പേ​ക്ഷ മാ​റ്റി​യ വി​വ​രം അ​റി​യു​ന്ന​ത്. അ​പേ​ക്ഷ ഉ​ദ്യോ​ഗ​സ്ഥ​ർ നി​ര​സി​ച്ചാ​ൽ പി​ന്നെ കോ​ട​തി​യെ സ​മീ​പി​ക്കു​ക​യേ വ​ഴി​യു​ള്ളൂ.

ഖ​ജ​നാ​വും വീ​ർ​ക്കു​ന്നു

ഭൂ​മി ത​രം​മാ​റ്റ ന​ട​പ​ടി​ക​ൾ തു​ട​ങ്ങി​യ അ​ന്നു​മു​ത​ൽ തീ​ർ​പ്പാ​ക്കി​യ അ​പേ​ക്ഷ​ക​ളി​ൽ നി​ന്ന് സ​ർ​ക്കാ​ർ ഖ​ജ​നാ​വി​ലേ​ക്ക് ഇ​തു​വ​രെ എ​ത്തി​യ​ത് 1100 കോ​ടി​യോ​ളം രൂ​പ. ജൂ​ൺ മാ​സം​വ​രെ കി​ട്ടി​യ 4,31,203 അ​പേ​ക്ഷ​ക​ളി​ൽ തീ​ർ​പ്പാ​ക്കി​യ​ത് 1,63,575 എ​ണ്ണ​മാ​ണ്. ഇ​തി​ൽ 3660 ഓ​ഫ് ലൈ​ൻ അ​പേ​ക്ഷ​ക​ളും പെ​ടും. കൂ​ടാ​തെ അ​പേ​ക്ഷ ഫീ​സി​ന​ത്തി​ൽ 1000 രൂ​പ നി​ര​ക്കി​ലും അ​ധി​ക​വ​രു​മാ​നം വേ​റെ​യും സ​ർ​ക്കാ​റി​ലേ​ക്ക് എ​ത്തി​യി​ട്ടു​ണ്ട്. 2018 മു​ത​ൽ ആ​രം​ഭി​ച്ച ന​ട​പ​ടി​യി​ലൂ​ടെ ക​ഴി​ഞ്ഞ​വ​ർ​ഷം വ​രെ 200 കോ​ടി​യോ​ളം മാ​ത്രം വ​രു​മാ​നം ല​ഭി​ച്ചി​രു​ന്ന സ്ഥാ​ന​ത്ത്, ന​ട​പ​ടി​ക​ൾ വേ​ഗ​ത്തി​ലാ​ക്കി​യ​തും അ​ദാ​ല​ത്തു​ക​ൾ സം​ഘ​ടി​പ്പി​ച്ച​ത് വ​ഴി​യു​മാ​ണ് അ​ഞ്ചി​ര​ട്ടി​യോ​ളം വ​രു​മാ​നം സ്വ​രു​ക്കൂ​ട്ടാ​ൻ സ​ർ​ക്കാ​റി​നാ​യ​ത്.

ഭൂ​മി ത​രം​മാ​റ്റ​ൽ: അ​പേ​ക്ഷ ഓ​ൺ​ലൈ​നാ​യി

ഭൂ​മി ത​രം​മാ​റ്റം സം​ബ​ന്ധി​ച്ച അ​പേ​ക്ഷ​ക​ൾ revenue.kerala.gov.in പോ​ർ​ട്ട​ൽ മു​ഖേ​ന​യാ​ണ് സ്വീ​ക​രി​ക്കു​ക. അ​പേ​ക്ഷ​ക​ർ​ക്ക് എ​വി​ടെ നി​ന്നും സ്വ​ന്ത​മാ​യോ അ​ക്ഷ​യ കേ​ന്ദ്ര​ങ്ങ​ളു​ടെ സ​ഹാ​യ​ത്തോ​ടെ​യോ അ​പേ​ക്ഷ ന​ൽ​കാം. അ​പേ​ക്ഷ​യി​ലെ ന​ട​പ​ടി വി​വ​ര​ങ്ങ​ൾ നി​രീ​ക്ഷി​ക്കാ​നും സാ​ധി​ക്കും.

ഫീ​സ്

കൃ​ഷി​ഭ​വ​നു​ക​ളി​ൽ വി​ജ്ഞാ​പ​നം ചെ​യ്തി​ട്ടു​ള്ള ഡേ​റ്റ ബാ​ങ്കി​ൽ ഉ​ൾ​പ്പെ​ടാ​ത്ത​തും വി​ല്ലേ​ജ് രേ​ഖ​ക​ൾ പ്ര​കാ​രം നി​ല​മെ​ന്ന് രേ​ഖ​പ്പെ​ടു​ത്തി​യ​തു​മാ​യ 2017 ഡി​സം​ബ​ർ 30 പ്ര​കാ​രം 25 സെ​ന്റി​ൽ താ​ഴെ മാ​ത്രം വി​സ്തീ​ർ​ണ​മു​ള്ള ഭൂ​മി​ക്ക് ത​രം​മാ​റ്റ​ത്തി​ന് ഫീ​സ് ന​ൽ​കേ​ണ്ട​തി​ല്ല. ഫോ​റം 5ന് ​അ​പേ​ക്ഷ ഫീ​സ്‌ 100 രൂ​പ​യും ഫാ​റം 6, 7 എ​ന്നി​വ​യു​ടെ അ​പേ​ക്ഷ ഫീ​സ് 1000 രൂ​പ​യും ആ​ണ്. 2017 ഡി​സം​ബ​ർ 30ന് ​ശേ​ഷം തീ​റു വാ​ങ്ങി​യ​താ​യ 25 സെ​ന്റി​ൽ താ​ഴെ വി​സ്തീ​ർ​ണം വ​രു​ന്ന ഭൂ​മി​ക്കും 2017 ഡി​സം​ബ​ർ 30 പ്ര​കാ​രം 25 സെ​ന്റി​ൽ അ​ധി​കം വി​സ്തീ‍ർ​ണ​മു​ള്ള ഭൂ​മി​ക്കും ന്യാ​യ​വി​ല​യു​ടെ 10 ശ​ത​മാ​നം ഫീ​സ്‌ അ​ട​ക്ക​ണം.

കൃ​ഷി ഓ​ഫി​സ​റു​ടെ റി​പ്പോ​ർ​ട്ട് നി​ർ​ബ​ന്ധം

2008ലെ ​കേ​ര​ള നെ​ൽ​വ​യ​ൽ- ത​ണ്ണീ​ർ​ത്ത​ട സം​ര​ക്ഷ​ണ ച​ട്ട​ങ്ങ​ൾ​ക്ക് അ​നു​ബ​ന്ധ​മാ​യി കൃ​ഷി ഓ​ഫി​സ​ർ ന​ൽ​കു​ന്ന റി​പ്പോ​ർ​ട്ട് പ്ര​കാ​ര​മാ​ണ് ത​രം​മാ​റ്റ അ​പേ​ക്ഷ സ​മ​ർ​പ്പ​ണ​വും തു​ട​ർ ന​ട​പ​ടി​ക​ളും ന​ട​ക്കു​ക. നേ​ര​ത്തേ പ്രാ​ദേ​ശി​ക​ത​ല നി​രീ​ക്ഷ​ണ സ​മി​തി​യു​ടെ റി​പ്പോ​ർ​ട്ടും ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ ഫോം 5​ന്‍റെ തു​ട​ർ​ച്ച​യാ​യി ന​ൽ​കി​യി​ട്ടു​ള്ള പ്ര​ഫോ​ർ​മ​യി​ൽ സ​മ​ർ​പ്പി​ക്കു​ന്ന റി​പ്പോ​ർ​ട്ട് എ​ന്ന ശീ​ർ​ഷ​ക​ത്തി​ൽ പ​റ​ഞ്ഞി​രി​ക്കു​ന്ന​ത് കൃ​ഷി ഓ​ഫി​സ​ർ സ​മ​ർ​പ്പി​ക്കു​ന്ന റി​പ്പോ​ർ​ട്ട് എ​ന്നാ​ണ്. പ​ക്ഷേ, റ​വ​ന്യൂ ഡി​വി​ഷ​ന​ൽ ഓ​ഫി​സ​ർ​മാ​ർ പ്രാ​ദേ​ശി​ക​ത​ല സ​മി​തി​യു​ടെ റി​പ്പോ​ർ​ട്ടും ആ​വ​ശ്യ​പ്പെ​ട്ടി​രു​ന്നു. അ​ത് ആ​വ​ശ്യ​മി​ല്ലെ​ന്ന് ചൂ​ണ്ടി​ക്കാ​ട്ടി 2024 മാ​ർ​ച്ചി​ൽ സ​ർ​ക്കാ​ർ സ​ർ​ക്കു​ല​ർ ഇ​റ​ക്കി​യി​ട്ടു​ണ്ട്. ഇ​തി​ൽ പ്രാ​ദേ​ശി​ക​ത​ല നി​രീ​ക്ഷ​ണ സ​മി​തി​യു​ടെ റി​പ്പോ​ർ​ട്ട് ആ​വ​ശ്യ​പ്പെ​ട​രു​തെ​ന്ന് ക​ർ​ശ​ന നി​ർ​ദേ​ശം ന​ൽ​കി​യി​ട്ടു​ണ്ട്.

സൂ​ക്ഷ്മ​പ​രി​ശോ​ധ​ന​യും

ഫോം ​ആ​റി​ൽ സ​മ​ർ​പ്പി​ച്ചി​ട്ടു​ള്ള അ​പേ​ക്ഷ​ക​ളി​ൽ 25 സെ​ന്റി​ന് താ​ഴെ വി​സ്തൃ​തി​യു​ള്ള​തും ഫീ​സ് അ​ട​ക്കേ​ണ്ട​തി​ല്ലാ​ത്തു​മാ​യ അ​പേ​ക്ഷ​ക​ൾ കൃ​ത്യ​മാ​യി പ​രി​ശോ​ധി​ച്ച് ത​രം​തി​രി​ക്കും. പി​ന്തു​ട​ർ​ച്ചാ​വ​കാ​ശം വ​ഴി​യോ വി​ൽ​പ​ന വ​ഴി​യോ ഉ​ട​മ​സ്ഥ​ത കൈ​മാ​റ്റം ന​ട​ന്ന ഭൂ​മി​യാ​ണെ​ങ്കി​ൽ, ആ​ദ്യ ഭൂ​വു​ട​മ​യു​ടെ പ​ക്ക​ൽ 25 സെ​ന്റി​ൽ കൂ​ടു​ത​ൽ ഭൂ​മി​യാ​ണ് ഉ​ണ്ടാ​യി​രു​ന്ന​തെ​ങ്കി​ൽ സൗ​ജ​ന്യ​ത്തി​ന്റെ പ​രി​ധി​യി​ൽ വ​രി​ല്ല. ഇ​ത് ഉ​റ​പ്പാ​ക്കാ​നാ​ണ് പ​രി​ശോ​ധ​ന. 

ത​രം​മാ​റു​ക​യാ​ണ്, കേരളത്തിന്റെ​യും

• 1970ൽ ​കേ​ര​ള​ത്തി​ൽ ഉ​ണ്ടാ​യി​രു​ന്ന 8.75 ല​ക്ഷം ഹെ​ക്ട​ർ നെ​ൽ​പാ​ട​ങ്ങ​ളി​ൽ മു​ക്കാ​ൽ ഭാ​ഗ​ത്തി​ല​ധി​ക​വും 45 വ​ർ​ഷം​കൊ​ണ്ട് നി​ക​ത്ത​പ്പെ​ട്ടു

ഭൂ​മി ത​രം​മാ​റ്റം ചി​ല​ർ​ക്ക് ഗു​ണ​ക​ര​മാ​കു​ന്നു​ണ്ടെ​ങ്കി​ലും മ​റു​വ​ശ​ത്ത് വ​ലി​യൊ​രു പ​രി​സ്ഥി​തി നാ​ശം സം​ഭ​വി​ക്കു​ന്നു​വെ​ന്ന​ത് കാ​ണാ​തി​രു​ന്നു​കൂ​ടാ. കു​റെ പേ​ർ​ക്ക് ഗു​ണം കി​ട്ടു​മ്പോ​ൾ ഭൂ​മി​യു​ടെ സ​ന്തു​ലി​താ​വ​സ്ഥ​ക്കും പാ​രി​സ്ഥി​തി​ക സ്വ​ഭാ​വ​ത്തി​നും ക​ന​ത്ത തി​രി​ച്ച​ടി​യു​ണ്ടാ​കു​ന്നു. 2008ൽ ​വി.​എ​സ്. അ​ച്യു​താ​ന​ന്ദ​ൻ സ​ർ​ക്കാ​ർ കൊ​ണ്ടു​വ​ന്ന ‘കേ​ര​ള നെ​ൽ​വ​യ​ൽ-​നീ​ർ​ത്ത​ട സം​ര​ക്ഷ​ണ നി​യ​മം’ എ​ന്ന ച​രി​ത്ര​പ​ര​മാ​യ നി​യ​മ​ത്തി​ൽ വെ​ള്ളം​ചേ​ർ​ത്താ​ണ് ഇ​പ്പോ​ഴ​ത്തെ നി​യ​മ​പ്ര​കാ​രം ത​രം​മാ​റ്റ​ൽ ന​ട​ക്കു​ന്ന​ത്. കേ​ര​ള​ത്തി​ലെ കാ​ർ​ഷി​ക മേ​ഖ​ല​യു​ടെ വ​ള​ർ​ച്ച​യെ പ്രോ​ത്സാ​ഹി​പ്പി​ക്കു​ക, പാ​രി​സ്ഥി​തി​ക സ​ന്തു​ല​നാ​വ​സ്ഥ നി​ല​നി​ർ​ത്തു​ക എ​ന്നീ ഉ​ദ്ദേ​ശ്യ​ങ്ങ​ളോ​ടെ​യാ​ണ് ഈ ​നി​യ​മം ന​ട​പ്പാ​ക്കി​യ​ത്. സം​സ്ഥാ​ന​ത്ത് നെ​ൽ​വ​യ​ലു​ക​ളു​ടെ​യും നീ​ർ​ത്ത​ട​ങ്ങ​ളു​ടെ​യും സം​ര​ക്ഷ​ണ​ത്തി​ന് നി​യ​മം വ​ലി​യൊ​രു സാ​ധ്യ​ത തു​റ​ന്നു​ന​ൽ​കി.

1970ൽ ​കേ​ര​ള​ത്തി​ൽ ഉ​ണ്ടാ​യി​രു​ന്ന 8.75 ല​ക്ഷം ഹെ​ക്ട​ർ നെ​ൽ​പാ​ട​ങ്ങ​ളി​ൽ മു​ക്കാ​ൽ ഭാ​ഗ​ത്തി​ല​ധി​ക​വും ക​ഴി​ഞ്ഞ 45 വ​ർ​ഷം​കൊ​ണ്ട് നി​ക​ത്തി​ക്ക​ഴി​ഞ്ഞി​രു​ന്നു. നെ​ൽ​വ​യ​ലു​ക​ൾ വ്യാ​പ​ക​മാ​യി നി​ക​ത്തി വാ​ണി​ജ്യ കെ​ട്ടി​ട​ങ്ങ​ള​ട​ക്കം നി​ർ​ബാ​ധം ഉ​യ​ർ​ന്ന​പ്പോ​ഴാ​ണ് വി.​എ​സ് സ​ർ​ക്കാ​ർ നി​യ​മം കൊ​ണ്ടു​വ​ന്ന​ത്. ഈ ​നി​യ​മ​ത്തെ​യാ​ണ് 2018ലെ ​ഭേ​ദ​ഗ​തി വ​ഴി മ​റി​ക​ട​ക്കു​ന്ന​ത്. ഇ​തു​വ​ഴി ത​ണ്ണീ​ർ​ത്ത​ട​ങ്ങ​ളും നെ​ൽ​വ​യ​ലു​ക​ളും ത​രം​മാ​റു​ക​യാ​ണ്. 4.5 ല​ക്ഷ​ത്തോ​ളം അ​പേ​ക്ഷ​ക​ൾ ഇ​തു​വ​രെ സ​ർ​ക്കാ​ർ പ​രി​ഗ​ണ​ന​ക്ക് എ​ത്തി​യെ​ന്ന് പ​റ​യു​മ്പോ​ൾ ത​ന്നെ വ്യാ​പ്തി ഊ​ഹി​ക്കാ​വു​ന്ന​താ​ണ്.