മുംബൈ: എഴുപതുകാരിയെ തലക്കടിച്ച് കൊലപ്പെടുത്തിയ സംഭവത്തിൽ 23കാരൻ പിടിയിൽ. ഉമ്പർവാദി സ്വദേശി ആനന്ദി ടോഖ്റെ ആണ് കൊല്ലപ്പെട്ടത്.സംഭവത്തിൽ ഇവരുടെ കൊച്ചുമകനായ ധരംവീർ വസിയാണ് പിടിയിലായത്. മഹാരാഷ്ട്രയിലെ പാൽഘർ ജില്ലയിൽ തിങ്കളാഴ്ച രാത്രിയോടെയായിരുന്നു സംഭവം.
രാത്രി ധരംവീർ അത്താഴം കഴിക്കുന്നതിനിടെ ആനന്ദി പരാതി പറഞ്ഞതാണ് പ്രതിയെ പ്രകോപിപ്പിച്ചത്. ലഹരിക്കടിമയായിരുന്ന പ്രതിക്ക് ആനന്ദിയുടെ സംസാരം അസ്വസ്ഥതയുണ്ടാക്കുകയും പിന്നാലെ പ്രതി സ്ത്രീയെ തലക്കടിച്ച് കൊലപ്പെടുത്തുകയുമായിരുന്നു. സംഭവസമയത്ത് പ്രതി മദ്യപിച്ചിരുന്നുവെന്ന് പൊലീസ് പറഞ്ഞു.
സംഭവത്തിൽ പ്രതിക്കെതിരെ ഇന്ത്യൻ ശിക്ഷാ നിയമത്തിലെ 302-ാം വകുപ്പ് പ്രകാരം കേസെടുത്തിട്ടുണ്ട്. മൃതദേഹം പോസ്റ്റ്മാർട്ടത്തിനായി മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.