മുംബൈ: മുംബൈയിൽ ഒ.എൻ.ജി.സിയുടെ കപ്പലിൽ തീപിടിത്തം. രോഹിണിയെന്ന കപ്പലിന്‍റെ എഞ്ചിൻ റൂമിലാണ് തീപിടിത്തമുണ്ടായത്. മുംബൈയിലെ ഓയിൽഫീൽഡിന് സമീപമായിരുന്നു സംഭവം. മൂന്ന് പേർ കപ്പലിനുള്ളിൽ കുടുങ്ങി കിടക്കുന്നുവെന്നാണ് റിപ്പോർട്ട്.
എഞ്ചിൻ റൂമിലാണ് തീപിടിത്തമുണ്ടായത്. എഞ്ചിൻ റൂമിൽ മുഴുവൻ പുക നിറഞ്ഞിരിക്കുകയാണ്. ഇത് തണുപ്പിക്കാനുള്ള ശ്രമം നടത്തുകയാണെന്ന് ഷിപ്പിങ് ഡയറക്ടർ ജനറൽ അമിതാഭ് കുമാർ പറഞ്ഞു.
കപ്പലിൽ നിന്ന് ഗുർബീന്ദർ സിങ് എന്നയാളെ ഹെലികോപ്ടറിന്‍റെ സഹായത്തോടെ പുറത്തെത്തിച്ചു. ഇയാളുടെ ശരീരത്തിൽ പൊള്ളലുകളുണ്ടെന്ന് ആശുപത്രി അധികൃതർ അറിയിച്ചു. കപ്പലുമായുള്ള ആശയവിനിമയം നഷ്ടമായിട്ടുണ്ട്. സമീപത്തുള്ള കപ്പലുകളുടെ സഹായത്തോടെയാണ് ഇപ്പോൾ ആശയവിനിമയം നടത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.