രത്നഗിരി: താൻ രാഷ്ട്രീയം അവസാനിപ്പിക്കുകയാണെന്ന വാർത്തകൾ തള്ളി കേന്ദ്ര മന്ത്രി നിതിൻ ഗഡ്കരി. രാഷ്ട്രീയത്തിൽനിന്ന് വിരമിക്കാൻ ഉദ്ദേശിക്കുന്നില്ല -അദ്ദേഹം മഹാരാഷ്ട്രയിൽ മാധ്യമപ്രവർത്തകരോട് പറഞ്ഞു.
മാത്രമല്ല, മാധ്യമങ്ങളെയും അദ്ദേഹം കുറ്റപ്പെടുത്തി. ഇത്തരം കാര്യങ്ങൾ റിപ്പോർട്ട് ചെയ്യുമ്പോൾ മാധ്യമങ്ങൾ ഉത്തരവാദിത്തം കാണിക്കണമെന്ന് ഗഡ്കരി വിമർശിച്ചു.
മുംബൈ-ഗോവ ഹൈവേയുടെ നിർമാണപ്രവർത്തനങ്ങളുടെ വ്യോമനിരീക്ഷണത്തിന് എത്തിയതായിരുന്നു അദ്ദേഹം. മഹാരാഷ്ട്ര വ്യവസായ മന്ത്രി ഉദയ് സാമന്തും കൂടെയുണ്ടായിരുന്നു.
ഈ പാതയുടെ നിർമാണം ഈ വർഷം ഡിസംബറിൽ പൂർത്തിയാകുകയും 2024 ജനുവരിയോടെ ഗതാഗതത്തിന് തുറന്ന് കൊടുക്കാനുമാണ് ഉദ്ദേശിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.