‘പ്ര​ധാ​ന​മ​ന്ത്രി​യി​ലും മു​ഖ്യ​മ​ന്ത്രി​യി​ലും വി​ശ്വാ​സം ന​ഷ്ട​മാ​യി’; മണിപ്പൂരിൽ രാഷ്​​ട്രപതി ഇടപെടണമെന്ന് ഖാർഗെ

ന്യൂ​ഡ​ൽ​ഹി: ഭ​ര​ണ​ഘ​ട​ന​പ​ര​മാ​യ ഉ​ത്ത​ര​വാ​ദി​ത്തം നി​ർ​വ​ഹി​ച്ച് മ​ണി​പ്പൂ​ർ ക​ലാ​പം അ​വ​സാ​നി​പ്പി​ക്കാ​ൻ ഇ​ട​പെ​ട​ണ​മെ​ന്ന് ആ​വ​ശ്യ​പ്പെ​ട്ട് രാ​ഷ്ട്ര​പ​തി ദ്രൗ​പ​ദി മു​ർ​മു​വി​ന് കോ​ൺ​ഗ്ര​സ് അ​ധ്യ​ക്ഷ​നും രാ​ജ്യ​സ​ഭ​യി​ലെ പ്ര​തി​പ​ക്ഷ നേ​താ​വു​മാ​യ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ ക​ത്ത്. 540 ദി​വ​സം ക​ഴി​ഞ്ഞി​ട്ടും ക​ലാ​പം അ​വ​സാ​നി​പ്പി​ക്കാ​നാ​കാ​ത്ത രാ​ജ്യ​ത്തി​ന്റെ പ്ര​ധാ​ന​മ​ന്ത്രി​യി​ലും സം​സ്ഥാ​ന മു​ഖ്യ​മ​ന്ത്രി​യി​ലും മ​ണി​പ്പൂ​രി​ലെ ജ​ന​ങ്ങ​ൾ​ക്ക് വി​ശ്വാ​സം ന​ഷ്ട​മാ​യ സാ​ഹ​ച​ര്യ​ത്തി​ലാ​ണ് രാ​ഷ്ട്ര​പ​തി​യു​ടെ അ​ടി​യ​ന്ത​ര ഇ​ട​പെ​ട​ലി​നാ​യു​ള്ള ഖാ​ർ​ഗെ​യു​ടെ ക​ത്ത്.

മു​മ്പൊ​രി​ക്ക​ലു​മു​ണ്ടാ​കാ​ത്ത അ​സാ​ധാ​ര​ണ ദു​ര​ന്ത​ത്തി​നാ​ണ് ക​ഴി​ഞ്ഞ 18 മാ​സ​മാ​യി മ​ണി​പ്പൂ​ർ സാ​ക്ഷി​യാ​കു​ന്ന​തെ​ന്ന് ഖാ​ർ​ഗെ രാ​ഷ്ട്ര​പ​തി​യെ ക​ത്തി​ൽ ഉ​ണ​ർ​ത്തി. ഒ​രു ല​ക്ഷ​ത്തോ​ളം മ​നു​ഷ്യ​ർ ഭ​വ​ന​ര​ഹി​ത​രാ​യി ദു​രി​താ​ശ്വാ​സ ക്യാ​മ്പു​ക​ളി​ൽ ക​ഴി​യു​ക​യാ​ണ്. ശി​ശു​ക്ക​ളും കു​ട്ടി​ക​ളും സ്ത്രീ​ക​ളും ദ​യാ​ശൂ​ന്യ​മാ​യി കൊ​ല്ല​പ്പെ​ട്ടു​കൊ​ണ്ടി​രി​ക്കു​ന്നു. വ്യാ​പാ​ര സ്ഥാ​പ​ന​ങ്ങ​ളും സ്കൂ​ളു​ക​ളും കോ​ള​ജു​ക​ളും അ​ട​ഞ്ഞു​കി​ട​ന്ന് ജ​ന​ങ്ങ​ൾ​ക്ക് തൊ​ഴി​ലെ​ടു​ക്കാ​നാ​കാ​തെ മ​ണി​പ്പൂ​രി​ലെ ജ​ന​ജീ​വി​തം അ​ങ്ങേ​യ​റ്റം ദു​സ്സ​ഹ​മാ​യി​രി​ക്കു​ക​യാ​ണ്. 2023 മു​ത​ൽ ദേ​ശീ​യ പാ​ത അ​ട​ഞ്ഞു​കി​ട​ക്കു​ന്ന​തി​നാ​ൽ അ​വ​ശ്യ​സാ​ധ​ന​ങ്ങ​ളും അ​ത്യാ​വ​ശ്യ മ​രു​ന്നു​ക​ളും കി​ട്ടാ​തെ​വ​ന്നി​രി​ക്കു​ന്നു.

2023 തൊ​ട്ട് മ​ണി​പ്പൂ​രി​ലെ ജ​ന​ങ്ങ​ൾ ആ​വ​ശ്യ​പ്പെ​ട്ടി​ട്ടും പ്ര​ധാ​ന​മ​ന്ത്രി അ​വി​ടെ സ​ന്ദ​ർ​ശി​ച്ചി​ട്ടി​ല്ല. അ​തേ​സ​മ​യം, പ്ര​തി​പ​ക്ഷ നേ​താ​വ് മൂ​ന്നു പ്രാ​വ​ശ്യം മ​ണി​പ്പൂ​ർ സ​ന്ദ​ർ​ശി​ച്ചു. താ​നും മ​ണി​പ്പൂ​ർ സ​ന്ദ​ർ​ശി​ച്ച​താ​ണ്. എ​ന്നി​ട്ടും പ്ര​ധാ​ന​മ​ന്ത്രി പോ​കാ​ത്ത​തി​ന്റെ കാ​ര​ണം മ​ന​സ്സി​ലാ​കു​ന്നി​ല്ല. സ​മ്പൂ​ർ​ണ നി​യ​മ​രാ​ഹി​ത്യ​ത്തി​നും നി​യ​മ​വാ​ഴ്ച​യു​ടെ ത​ക​ർ​ച്ച​ക്കും മ​നു​ഷ്യാ​വ​കാ​ശ​ങ്ങ​ളും മൗ​ലി​കാ​വ​കാ​ശ​ങ്ങ​ളും ലം​ഘി​ക്ക​​പ്പെ​ടു​ന്ന​തി​നും ദേ​ശ​സു​ര​ക്ഷ​യി​ൽ വി​ട്ടു​വീ​ഴ്ച ചെ​യ്യു​ന്ന​തി​നും ഇ​ത് കാ​ര​ണ​മാ​യി​രി​ക്കു​ന്നു​വെ​ന്ന് ക​ത്തി​ൽ ഖാ​ർ​ഗെ കു​റ്റ​പ്പെ​ടു​ത്തി.

ബ്രോഡ്ബാൻഡ് പുനഃസ്ഥാപിച്ചു

ഇം​ഫാ​ൽ: മ​ണി​പ്പൂ​രി​ൽ ക​ലാ​പ​ത്തെ തു​ട​ർ​ന്ന് മൂ​ന്നു​ദി​വ​സ​മാ​യി റ​ദ്ദാ​ക്കി​യ ബ്രോ​ഡ്ബാ​ൻ​ഡ് സം​വി​ധാ​ന​ങ്ങ​ൾ ഉ​പാ​ധി​ക​​ളോ​ടെ പു​നഃ​സ്ഥാ​പി​ച്ചു. മൊ​ബൈ​ൽ ഇ​ന്റ​ർ​നെ​റ്റ് സേ​വ​ന​ങ്ങ​ൾ റ​ദ്ദാ​ക്കി​യ​ത് തു​ട​രു​മെ​ന്ന് ആ​ഭ്യ​ന്ത​ര ക​മീ​ഷ​ണ​ർ എ​ൻ. അ​ശോ​ക് കു​മാ​ർ പ​റ​ഞ്ഞു. ഓ​ഫി​സു​ക​ളു​ടെ​യും ആ​ശു​പ​ത്രി​ക​ളു​ടെ​യും വീ​ട്ടി​ലി​രു​ന്ന് ജോ​ലി​ചെ​യ്യു​ന്ന​വ​രു​ടെ​യും ബു​ദ്ധി​മു​ട്ടു​ക​ൾ പ​രി​ഗ​ണി​ച്ചാ​ണ് ബ്രോ​ഡ്ബാ​ൻ​ഡ് പു​നഃ​സ്ഥാ​പി​ച്ച​ത്. ഏ​ഴ്​ ജി​ല്ല​ക​ളി​ലായിരുന്നു നി​രോ​ധ​ന​മേ​ർ​പ്പെ​ടു​ത്തി​യ​ത്.