മഹാരാഷ്ട്ര സർക്കാർ ഉറപ്പുകൾ എഴുതി നൽകി; കർഷകരുടെ കാ​ൽ​ന​ട ജാ​ഥ അവസാനിപ്പിച്ചു

നാസിക്​: വാ​ഗ്​​ദാ​ന​ങ്ങ​ൾ ലം​ഘി​ച്ച ബി.​ജെ.​പി സ​ർ​ക്കാ​റി​നെ​തി​രെ അഖിലേന്ത്യ കിസാൻ സഭയുടെ നേതൃത്വത്തിൽ ന ടത്തിവന്ന രണ്ടാം കർഷക മാർച്ച് അവസാനിപ്പിച്ചു. മഹാരാഷ്ട്ര സർക്കാർ ഉറപ്പുകൾ എഴുതി നൽകിയതിനെ തുർന്നാണ് ഇപ്പോൾ പ ിന്മാറുന്നതെന്ന് അഖിലേന്ത്യ കിസാൻ സഭ മാധ്യമങ്ങളെ അറിയിച്ചു.

ജ​ല​വി​ഭ​വ മ​ന്ത്രി ഗിരീഷ് മഹാജനും കിസാൻ സഭ നേതാക്കളും തമ്മിൽ നടന്ന ചർച്ചയിലാണ് പ്രശ്നപരിഹാരത്തിന് വഴിതെളിഞ്ഞത്. ആവശ്യങ്ങൾ പരിഹരിക്കാൻ മൂന്നു മാസത്തെ സമയം ആവശ്യമാണെന്ന് സർക്കാർ അറിയിച്ചിട്ടുണ്ട്.

ആ​വ​ശ്യ​ങ്ങ​ളി​ൽ 80 ശ​ത​മാ​ന​വും അം​ഗീ​ക​രി​ച്ച മ​ന്ത്രി, മു​ഖ്യ​മ​ന്ത്രി​യെ കൊ​ണ്ട്​ സ​മ്മ​തി​പ്പി​ക്കാ​മെ​ന്ന്​ ഉ​റ​പ്പു ന​ൽ​കു​ക​യും ജാ​ഥ അ​വ​സാ​നി​പ്പി​ക്കാ​ൻ ആ​വ​ശ്യ​പ്പെ​ടു​ക​യും ചെ​യ്​​ത​താ​യി കി​സാ​ൻ സ​ഭ അ​ധ്യ​ക്ഷ​ൻ അ​ശോ​ക്​ ധാ​വ്​​ലെ നേരത്തെ വ്യക്തമാക്കിയിരുന്നു. എ​ന്നാ​ൽ, മു​ഖ്യ​മ​ന്ത്രി രേ​ഖാ​മൂ​ലം ഉ​റ​പ്പു​ത​രാ​തെ പി​ൻ​വാ​ങ്ങി​ല്ലെ​ന്ന​ നി​ല​പാ​ടിലായിരുന്നു കർഷകർ.

മഹാരാഷ്​ട്രയിലെ നാസിക്കിൽ നിന്ന് മുംബൈ വരെയാണ് കർഷകർ കാ​ൽ​ന​ട ജാ​ഥ ആരംഭിച്ചത്. സം​സ്​​ഥാ​ന​ത്തിന്‍റെ വി​വി​ധ ജി​ല്ല​ക​ളി​ൽ​ നി​ന്ന്​ ബു​ധ​നാ​ഴ്​​ച നാ​സി​കി​ൽ എ​ത്തി​യ 50,000 ക​ർ​ഷ​ക​രാ​ണ്​ വ്യാ​ഴാ​ഴ്​​ച രാ​വി​ലെ 10.15 ഒാ​ടെ ജാ​ഥ ആ​രം​ഭി​ച്ച​ത്. പൊ​ലീ​സ്​ അ​നു​മ​തി നി​ഷേ​ധി​ച്ചി​ട്ടും വ​ഴ​ങ്ങാ​തെ ജാ​ഥ തു​ട​രാ​ൻ കി​സാ​ൻ സ​ഭ നേ​താ​ക്ക​ൾ തീരുമാനിക്കുകയായിരുന്നു.

കഴിഞ്ഞ വർഷവും അഖിലേന്ത്യ കിസാൻ സഭ കാർഷിക മാർച്ച്​ സംഘടിപ്പിച്ചിരുന്നു. അന്ന്​ കർഷകരുടെ ആവശ്യങ്ങൾ അനുഭാവപൂർവം പരിഗണിക്കാമെന്ന്​ മഹാരാഷ്​ട്ര സർക്കാർ ഉറപ്പ്​ നൽകിയിരുന്നു. ഈ ഉറപ്പ്​ പാലിക്കാത്തതിനെ തുടർന്നാണ്​ കർഷകർ വീണ്ടും പ്രതിഷേധവുമായി രംഗത്തെത്തിയത്​.