ന്യൂഡൽഹി: ലോക്സഭാംഗത്വം റദ്ദാക്കപ്പെട്ട തൃണമൂൽ കോൺഗ്രസ് നേതാവ് മഹുവ മൊയ്ത്രക്ക് ഡൽഹിയിലെ ഔദ്യോഗിക വസതി ഉടൻ ഒഴിയേണ്ടിവരും. പുറത്താക്കിയ വിവരം ലോക്സഭ ഹൗസ് കമ്മിറ്റി, നഗരകാര്യ മന്ത്രാലയത്തെ ഔദ്യോഗികമായി അറിയിച്ചിട്ടുണ്ട്. ടെലഗ്രാഫ് ലെയ്നിലുള്ള മഹുവയുടെ വസതി ഒഴിപ്പിക്കാനുള്ള നടപടി മന്ത്രാലയം ആരംഭിച്ചതായി ബന്ധപ്പെട്ട കേന്ദ്രങ്ങൾ പറഞ്ഞു. പാർലമെന്റിൽ ചോദ്യങ്ങൾ ചോദിക്കാനുള്ള വെബ്സൈറ്റിന്റെ ലോഗിൻ വിവരങ്ങൾ മഹുവ സുഹൃത്തിന് കൈമാറിയത്, പണം വാങ്ങി ചോദ്യം ചോദിക്കാൻ വേണ്ടിയാണെന്ന ലോക്സഭ എത്തിക്സ് കമ്മിറ്റിയുടെ ശിപാർശ അംഗീകരിച്ച് കഴിഞ്ഞ വെള്ളിയാഴ്ചയാണ് അവരെ പുറത്താക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.